Joel 3:2 - Kashibo-Kakataibo Biblia

² Usakin ꞌanan kana axa atumi nishkë bëtsi menu ꞌikë unikama, timëbiankin Josafat kakë me sapan anu uanti ꞌain, anuxun kana uisakin karana ꞌaisatani usakin ꞌën unikama Israel ꞌasaribiokin ꞌati ꞌain. (Josafat kikë bana ax ka Diosan uisa kara oisatania usakin ꞌati kikë bana ꞌikën.) Atun ka ꞌën uni Israelkama bëtsi bëtsi menu abístanun ꞌimianan, ꞌën atu ꞌinánkë me ꞌinánankin bikankëxa.

Joel 3:2 ပူးပေါင်းရင်းမြစ်များ

Ezequiel 34:6

Usakin ꞌakëx ka amami amami kuani aín bashikama ꞌimainun matá me kamanu kuani ꞌianan, mekamanu kuani abisi nëtë́akëxa, usai ꞌiabi ka uínbi ami sinánkin ꞌakinuxun baritisama tankëxa.

Joel 3:12

Kamabi ëmanu ꞌikë unikama a ꞌurama ꞌikë atumia nishkë ax ka mëníokakiani Josafat kakë me sapan anu kuanti ꞌikën, anuxun ka Diosan axa atumi nishkë a ꞌurama ꞌikë unikama uisa kara oti ꞌikë a istankëxun usokin ꞌati ꞌikën.

Joel 3:14

ꞌItsaira unika anuxun uisakin kara ꞌati ꞌikë kixun sinánkë me sapan anu, Diosan nëtë ka ꞌurama ꞌikë usa ain.

Amós 1:11

Ësai ka Nukën ꞌIbu kia: “Edomnu ꞌikë unikaman ka ꞌitsaira ꞌaisama ñu axa, usa ꞌikë kana ꞌaimama ꞌikima atu tëmëramiti ꞌain; atun ka nuibakinma aín manë xëtokë tuínxun aín xukë́n Israel unikama nuibianxun ꞌakëxa. Usakin ꞌai ka kana nuibati ꞌai kixun sinanima atumi nishakëxa.

Miqueas 4:12

ꞌAínbi ka a unikaman uisakin atu ꞌati sinánxun, kara Diosan mëníoxa a ꞌunanima; usa ꞌaínbi ka an atu timëkin trigo bimi nëatankëxun anuxun tákatinu nanxun tákakë usaribiokin, atu timënuxun ꞌaia kixun ꞌunanima.

Apocalipsis 11:18

Axa mimi sináncëma unicamax ca mimi xuamati nishaxa. Nishcë ꞌaínbi ca anun min uisoquin caramina atu ꞌati ꞌai, usoquin ꞌati nëtë uaxa. Anun min camabi uni bama ꞌaíshbia baísquicë isti nëtë ca uaxa. An mix quicë bana uni ñuixuncë unicama, ꞌimainun axa min aín ꞌuchacama tërë́nun mimi catamëcë ꞌixun min bana cuacë unicama, aín cushi unicama ꞌimainun cushima unicamaribi, camabi isquinmi anun mibëa ꞌinun biti nëtë ca uaxa. ꞌImainun ca anúan ꞌuchañu unicama anua atun ñu ꞌatima ꞌacë cupí camabi ꞌuchañu uni ꞌiti anu cuanti nëtëribi uaxa.

Apocalipsis 16:14

A ñunshin ꞌatimacama tuan tita iscësa, acaman ca unicama paránuxun unin ꞌacëma ñu ꞌaxa. Usoquin ꞌanan ca camabi menu cuanquin, anu ꞌicë ꞌapucama aín suntárucamaxa bëtsi menu ꞌicë suntárubë ꞌacananux tsuáquirunun sinánmiaxa. Usa ꞌixun ca camabi uni timëaxa, axa aín cushi chaira ꞌaish bëtsi cushisamaira Nucën Papa Dios, an anun ꞌaisamaira oquin atu castícanti nëtë sënë́ncëbëtan.

Apocalipsis 16:16

Ñunshin ꞌatimacama tuan tita iscësa, an sinánmicëx ca camabi menu ꞌicë ꞌapucama ꞌimainun aín suntárucamax Armagedón cacë me anu timë́axa. A mex ca hebreo banan Armagedón cacë ꞌicën.

Apocalipsis 16:6

Minmi usoquin tëmëramicë unicama an ca min uni ꞌitsaira ꞌanan an mixmi quicë bana uni ñuixuncë uni ꞌitsaira bamamiaxa. Usaquian ꞌacë cupí camina a xëanun imi ꞌinan. Atun ꞌucha cupíbi ca usai ꞌia.

Apocalipsis 20:8

Chiquítancëxun ca camabi menu ꞌicë unicama paránquin bëtsi oquin sinánmiti ꞌicën. Usoquin ꞌanan ca Gog cacë ꞌapu ꞌimainun Magog cacë ꞌapu ꞌimainun aín unicama paránquin tsuáquirumiquin axa Nucën Papa Diosmi sináncë unicamabëa ꞌacananun timëti ꞌicën. An timëcë unicamax ca ꞌaisamaira ꞌaish parúnpapa masisaribi ꞌiti ꞌicën.