Joel 2:8 - Kashibo-Kakataibo Biblia

⁸ Usai ꞌika champukama ꞌikësai suntárukama ax bëtsibë bëtsibë bëarananima ꞌiti ꞌikën; usai ꞌika achúshi achúshitax anun kuankë anunbi kuanti ꞌikën, kuani ka atumi okin atun pia pukëbëbi anuax raíribë ënananima sënë́nbi kuanti ꞌikën.

Joel 2:8 ပူးပေါင်းရင်းမြစ်များ

Nehemías 4:17

anun ëma kënëara ꞌikëbia rurupa ꞌikëa an kënë ꞌatëkënkë unikama atu ꞌakiankëxa. Usakin ꞌakinkëx tëkin ka an ñu papikë unikamanan ënkinma papikinbi, aín mëkën amotanribi anúan atu ꞌanux aia ꞌati aín manë pia xëtokë tuínxun ñu mëëkankëxa.

Nehemías 4:23

Usai ꞌi kana ꞌëx, ꞌën ꞌaintsikama ꞌianan, an tëia ꞌakinkë unikama ꞌimainun an bërúankë unikama axa ꞌë rapasu ꞌikë, akamabëtanbi kana chupa pëax ꞌuxkinma kamaxunbi manë xëtokë tuínxun bërúankë.

Joel 2:7

Usa ꞌain ka suntáru rakuëma kamax ꞌikësaribiti abákianx anun ëma kënëara anun rorukiani puntëishi amo kima kuankësa usaribi kiani kuanti ꞌikën.

Joel 2:9

Usai ꞌika ëmami kikiani abákianx anun ëma kënëara anun rorukiani kuani, xubukamanu atsínti ꞌikën, usai ꞌika an ñu mëkamakë unikamax xubu ꞌain xëkuë chukúmakama anun atsínkësaribi ꞌiti ꞌikën.