Job 5:12 - Kashibo-Kakataibo Biblia

¹² ꞌimianan ka an uni paránti ꞌunairakë uni an usakin uni ꞌati sinánkë ꞌikëbi an sinánkësa okían ꞌanun ꞌamima.

Job 5:12 ပူးပေါင်းရင်းမြစ်များ

Génesis 31:22

Anuan kuankë rabë́ ꞌimainun achúshi nëtë ꞌain ka aín, kuku Labánën aín piaka Jacob ka abati kuanxa kixun kuakëxa.

2 Samuel 11:9

Usai anuax kuanxbi ka Urías aín xubunu kuanima, ꞌapun xubu chaiira aín xëkuë an bërúankë suntárukamabë imë́ anu ꞌi bërúakëxa.

2 Samuel 17:14

Usai kia Absalón ꞌimainun kamabi Israel unikaman kuakëxbi ka Husainën atu sinánmikë ax asábira ꞌiakëxa. Ahitófelnëa atu sinánmikin kakë axa atun kuakëx asábiribi ꞌaínbi. Usai ka Diosan bërámabi Ahitófelnën kakësokin ꞌakantima kupí Davidnëa tëmaishi Absalón ꞌanun.

2 Reyes 6:9

Usa ꞌain ka Eliseonën ësokin Israelnu ꞌikë ꞌapu kamiakëxa, a menu kamina kuankantima ꞌain a menu ka sirio suntárukama nitsia usa ꞌain.

Nehemías 4:15

Usai nu ꞌakatsikia kuati mëníokakë ꞌain ka axa numi nishkë unikamax asérabi ka nu Diosan atun ꞌakinia, usa ꞌain kananuna nun sinánkësokin ꞌatima ꞌai, atux kikëbëtan kananuna abi nun tëëti ënkinma ꞌakën.

Nehemías 4:9

Usa ꞌain kananuna Nukën ꞌIbu Dios pain ñukátankëxun, atúan tëiabi nu uxun ꞌatima kupí, nëtën ꞌanan imë́ribi nu bërúanti suntárukama nankën.

Salmos 37:17

Nukën ꞌIbun ka an ꞌatima ñu ꞌakë unikama ꞌatima okin këñuanan, an ñu upí ꞌakë unikama ꞌakinti ꞌikën.

Isaías 44:25

ꞌËn kana an këmëkin ñu ñuikë unikama kiasai ꞌinun ëniman; ꞌën kana an ñu tankë unikama atun sinánkësokin ꞌaíma ñunshinbakënu ꞌimin. ꞌËn kana an ñu ꞌunánkë unikamaxa usai ka ñu ꞌiti ꞌikë kikë usai ꞌinun ñu ꞌimiman, usa ꞌain ka atúxa usai ka ñu ꞌiti ꞌikë kikë ax ñankáishi ꞌiti ꞌikën.

Isaías 8:10

ꞌIanan ka usakin kananuna ñu ꞌati ꞌai kixun atun sinaniabi, usakian ꞌanun ꞌamitima ꞌikën, Dios ax ka nubë ꞌikë usa ꞌixun.

Hechos 12:11

Nëtë́cëbë ca upí oquin sinani Pedro quiacëxa: —Asérabi cana bërí ꞌunanin, judíos unicamax cuëëncësabi oquian Heródesnën ꞌë ꞌati ꞌicëbi ca aín ángel xuquin Nucën ꞌIbu Diosan ꞌë ië́miaxa —quixun.