Job 4:6 - Kashibo-Kakataibo Biblia

⁶ Mix kamina achúshi uni an Dios kuëënkësabi okin ñu ꞌakë a ꞌain, ꞌimainun kamina mix achúshi uni an Diosan kakësabiokin ꞌakin upíokin ñu ꞌakë ꞌain, ¿usa ꞌaíshbi kaina mix Diosmi kushiti sinanima manutisa tanin?

Job 4:6 ပူးပေါင်းရင်းမြစ်များ

Job 1:1

Anu ka achúshi uni Job kakin anëkë ꞌiakëxa, ax ka Us kakë me anu tsóakëxa, usa ꞌixun ka uisa ñu ꞌatimabi ꞌati sinánkëma ꞌianan, Dios kuëënkësabi okinshi aín nuitu upí ꞌixun ñu ꞌakin bëtsi uni ꞌatima oti sinánkëma ꞌiakëxa.

Salmos 27:3

Suntárukaman ka ꞌë bëarabuinti ꞌikën, ꞌaínbi kana ꞌën nuitu kushiokin sinani rakuëtima ꞌain; ꞌë ꞌanux ꞌëmi ꞌikuatsinuxa mëníokakëbëbi kana chuámashirua ꞌiti ꞌain.

Isaías 33:6

usa ꞌixun ka uisai kara xënibua ꞌaínbi an bërúankëx aín unikama bukuti ꞌikë kixun ꞌunánmiti ꞌikën. Ñu ꞌunánkë ꞌianan upiokinra ñu ꞌunánkëira an ka ñu achúshi kupíkësaira ꞌixun uni ië́mia; usa ꞌain ka Nukën ꞌIbumi rakuë́ti ax ñuñuira ꞌikë usamaira ꞌikën.

1 Pedro 1:13

Usa ꞌain camina Jesucristonan ꞌixun upí oquin sinani ax quicësabi oi ꞌiti ꞌain. ꞌIquin camina Nucën Papa Diosan ca abëmi aín nëtënu ꞌiti mëníocëxa quixun sinani cuëënquin Jesucristo anun uti nëtë caínti ꞌain.

1 Pedro 1:17

Nucën Papa Diosan ca camabi uni uisa ñu cara ꞌaxa quixun isia. Usa ꞌain camina mitsun —Nucën Papa Dios ax ca ꞌën Papa ꞌicë —quixun sinani aín nëtënu ꞌinux ënë nëtënu pan ꞌiquin ñu ꞌatima ꞌatimi racuë́quin upí ñuishi ꞌati ꞌain.