Job 38:8 - Kashibo-Kakataibo Biblia

⁸ Parúmpapa ꞌumpax menuax chikíkëbëtan kara, ¿uin nunkurui ꞌikëbëtan an bëarati aín xëpútikama nankëx?

Job 38:8 ပူးပေါင်းရင်းမြစ်များ

Génesis 1:7

Usa ꞌain ka Diosan achúshi xabá chaiira an bakakama bëarati ꞌakëxa: ꞌakëx ka xabá chaiira meu panaitsi tikimainun panaitsi axribi manámi bërúakëxa.

Génesis 1:9

Usa ꞌain ka Nukën ꞌIbu Dios kiakëxa: Naí meu ꞌikë baka ax ka anubia rakátinu timë́ti ꞌikën, me ëski mëratanun. Kikëbë ka usai ꞌiakëxa.

Job 38:10

ꞌËn kana parúmpapa ꞌumpax me mapuruima uinu kara sënënia anuishi rakanun ꞌimianan, kana xëpúti chaiiran ꞌakësa okin anun xëpuakën.

Job 38:9

ꞌËn kana parúmpapa chupa achúshi ꞌinankësa okin kuin ꞌinánkën, ꞌianan kana kuru nëtë aín chupasa ꞌaísha anuax nirunun ꞌinánkën.

Salmos 104:6

Parúmpapa baka nëmin an ka me mapuakëxa, achúshi chupan mapukësa ꞌinun. ꞌImainun ka ꞌumpaxan kamabi ain bashikama mapukë ꞌiakëxa.

Salmos 107:24

usai nikin ka parúmpapanuxunbi, Diosan unio ñu ꞌupíirabu a iskankëxa.

Salmos 33:7

ꞌAnan ka parúmpapa baka anubia ꞌitinua timë́nun ꞌimiakëxa.

Proverbios 8:29

anubia rakanun parúmpapa baka kanan, meribi anuaxa shaíkitinuma ꞌimia,

Isaías 40:12

¿Uin kara parúmpapa kamakëñun ꞌumpax aín mëkënan tupúanan, aín mëkën rëbukaman uiti chaiira kara naíkamë ꞌëo ꞌikë kixun tupuax? ¿Uin kara me putu kamabi uiti kara kixun tupúnti ꞌikë, ꞌianan kara anun ñu ꞌië tupúnti ꞌakë anun matákama ꞌimainun bashikama tupúnti ꞌik?