Job 38:3 - Kashibo-Kakataibo Biblia

³ Bërí kamina ꞌë asérabi rakuëma ꞌixun, ꞌën mi ñukákë banakama ñuikin ꞌë kati ꞌain:

Job 38:3 ပူးပေါင်းရင်းမြစ်များ

1 Reyes 18:46

Usai ꞌimainun ka Diosan Elías kushioia tsitëkërëkinun kakëxa, kakëx ꞌaímai kushioi tsitëkërëkianan aín chupa mëniobiani kuanx ka Jezreel kakë ëmanu abákianx Ahab bëbatisa ꞌaímabi anpan bëbakëxa.

Job 40:7

Mix asérabi kushi sinánñu ꞌixun kamina rakuëkimaishi, mi ñukákë banakama ꞌë kati ꞌain.

Job 42:4

Min kamina ꞌë kakën: “ꞌËn mi kamainun kamina kuati ꞌain; ꞌën mi ësokin ñukákëxun kamina usabi okin ꞌë kati ꞌain.”

Éxodo 12:11

Ënë nëtëx ka anun kamabi Dios kikë ꞌati ꞌën mitsu kakë ꞌikën, usa aín kamina bërámashi mitsun chupa pañuanan mitsun taxaka tañuanan kuantishi ꞌixun bënë́kinshi mitsun tsati mëtikixun piti ꞌain, ꞌanan kamina Pascua kakë nëtë Nukën ꞌIbu rabikin ñuina nami xaronan a piti ꞌakë a piti ꞌain.

Proverbios 31:17

Usa ꞌain ka kuëënkin ñu mëëia, ñantainshi ꞌapunkin bari kuantamainun ñu mëëia.

Jeremías 1:17

Usa ꞌain kamina mix atu ꞌën kakë banakama kai kuanux rakuë́ti sinanima, anun ꞌakánanti nëtën ꞌikësai mëníokati ꞌain; usa ꞌain kamina kuantankëxun ꞌën mi kakë banakama atu kai kuanti ꞌain. Atumi kamina rakuë́tima ꞌain, atumi rakuë́tia kana ꞌën mi, atunu kuanimi rakuë́ti bërënun ꞌimiti ꞌain.

1 Pedro 1:13

Usa ꞌain camina Jesucristonan ꞌixun upí oquin sinani ax quicësabi oi ꞌiti ꞌain. ꞌIquin camina Nucën Papa Diosan ca abëmi aín nëtënu ꞌiti mëníocëxa quixun sinani cuëënquin Jesucristo anun uti nëtë caínti ꞌain.