Job 3:1 - Kashibo-Kakataibo Biblia

^1-2 Usai ꞌitsaira paë tani tëmërai nuibakati ka uisa bananbi banaima ꞌitankëx ka Job, anúan bakë́an nëtë ñui ꞌatimati banai ësai kiakëxa.

Job 3:1 ပူးပေါင်းရင်းမြစ်များ

Job 1:11

ꞌAínbi kamina usai kara mimi ꞌatimokin sinani banaia isnuxun ain ñukama bikuanti ꞌain.

Job 1:22

Usa ꞌain ka usa ñukama inuti tëmëraibi Job, Diosmi ꞌatimai banai ꞌuchama ꞌikën.

Job 2:13

Usai ꞌitankëx ka atúxribi menu tsóti mapai achúshi ꞌimainun rabë́ nëtë ꞌianan mapai achúshi ꞌimainun rabë́ imë́ribi uisa banabi abë kananima a ꞌurama abë ꞌiakëxa, usai ꞌia ꞌaisamaira paë tani tëmëraiabi ka atun Job uisa banabi káma ꞌikën.

Job 2:5

Usa ꞌaínbi ka minmi ꞌinsinun ꞌimikëxun tani tëmërakin min bëmánanubi ꞌatimakin mi ñui banati ꞌikën.

Job 3:3

¡ꞌAtima okë ka anun ꞌën titanuax tuá ꞌinux ꞌëx unikë a imë́ ꞌiti ꞌiakëxa! ¡ꞌAtima okë ka anúan ꞌën titan ꞌë bëbu tuá okë nëtë axribi ꞌiti ꞌiakëxa!

Jeremías 15:10

¡Ësai ka an bana ñuikë kiakëxa: Uisai karana ꞌiti ꞌain, uisa ꞌixun kara ꞌën titan bëtsi rabanan nëëti kamabi unibë mëëananti okin ꞌë tuakëxa! Uibi kana ꞌën kuríki ꞌinántëkënua ꞌë kuríki ꞌinánun ñukákëma ꞌain, ꞌianan ka ꞌëribi kuríki ꞌinantëkënuxun ñukákëma ꞌikën, usa ꞌaínbi ka kamaxunbi ꞌatima okin sinánkin ꞌë ñuia.