Job 2:9 - Kashibo-Kakataibo Biblia

⁹ Usai anu tsotia ka aín xanun anu kuanxun kakëxa: —¿Ësai ꞌinsíanx tëmëraibi kaina mix ñunshinakëti Diosmi katamëtin? ¡Dios ꞌatimokin ñuianan kamina ñuti ꞌain!

Job 2:9 ပူးပေါင်းရင်းမြစ်များ

Génesis 3:12

Kakëxun ka unin kakëxa: —Minmi abë ꞌinun ꞌinánkë xanu ënën ka i bimi ꞌë ꞌinánxa, ꞌinánkëxun kana ꞌën pian.

Génesis 3:6

Usakin kakëxun ka xanun a bimi kuisa, upíira upí ꞌikë isakëxa, a piax sinánñuira ꞌisa iskin ka anun kuëënkin xanun i bimi biakëxa. I bimi bixun kukin, ka aín bënëribi ꞌinánkëxa. ꞌInánkëxun ka anribi piakëxa.

2 Reyes 6:33

Kixun atu kaia sënë́nkë ꞌaímabi ka, anua Eliseo ꞌikë xubunu bëbakin Eliseo kakëxa: —Diosanbi ka ësainu nux ꞌinun nu ꞌimiaxa, ¿añu karanuna nua ꞌakinun kixun kainkin nun ꞌati ꞌain?

Job 1:11

ꞌAínbi kamina usai kara mimi ꞌatimokin sinani banaia isnuxun ain ñukama bikuanti ꞌain.

Job 2:10

Ësakian kakëxun ka Jobnën aín xanu kakëxa: —¡ꞌËn xanu usai kamina ꞌatimai banatima ꞌain! Kamabi ñunu Diosan ꞌinánkëxun bikë ax ka asábi ꞌikën, ¿usaribi okin karanuna nua kamabi ñu ꞌatima inúnun ꞌimikëx inúkin tënëtima ꞌain? Usai kamabi ñu inutibi ka Job ꞌuchanan achúshi banabi Dios ñui ꞌatimati ami banama ꞌikën.

Job 2:3

Usakin kakëxun ka Diosan kakëxa: —¿Uisa kara ꞌën uni Job ꞌikë kixun kaina ꞌunán? Asaribi uni ka ënë menu ꞌaíma ꞌikën, an ka ꞌën kuëënkësabi okinshi ꞌakin ñu upíshi ꞌai tsókin ñu ꞌatima ꞌati sinanan uisakinbi uni ꞌatimoti sinanima upiti bërúankatia. Usa ꞌain ka minmi uisa ñu ꞌatima ꞌakëmabi a ꞌatima oti sinánxun ꞌë karaishikin katankëxun ñu ꞌatima, ꞌamikëxunbi ka uisa ñu ꞌatimabi mi ꞌaxuntima ꞌikën.

Job 2:5

Usa ꞌaínbi ka minmi ꞌinsinun ꞌimikëxun tani tëmërakin min bëmánanubi ꞌatimakin mi ñui banati ꞌikën.

Job 2:8

Usakian chanku ꞌinsinan bikëx ka Job anua nibu pukëx tsamakë anu kuanx kuanx tsóakëxa, anuax ka chumu tukikë aín paná achúshi bitankëx aín naminu ꞌikë an paëira okëxun tani anun raxuamëakëxa.

Malaquías 3:14

Ësai kamina mitsux kian: Diosan ñu mëëti ꞌakë ax ka ñankáishibi ꞌakë ꞌikën. ¿Añu karanuna aín bana kikësokin ꞌanan Dios kamabi kushiñu an isnun kixun uni ñukë ꞌain ꞌakësa okin chupa pañuax nikin a ꞌinánti biti ꞌain?

Jueces 14:17

Usokin ñukákëxunbia ñuixunkëxma ka a rapasunuax ini mapai achúshi ꞌimainun rabë́ nëtë sënë́nbi fiesta ꞌikë anun iankëxa, usai inkian ꞌurainra ñukákëxun ka mapai ꞌimainun rabë́ nëtë ꞌikë anun usai ka a bana kia kixun ñuixuankëxa. Usakia ñuixunkëx kuanxun ka aín aintsikama ësai ka a bana kia kixun ñuixuankëxa.