Job 2:3 - Kashibo-Kakataibo Biblia

³ Usakin kakëxun ka Diosan kakëxa: —¿Uisa kara ꞌën uni Job ꞌikë kixun kaina ꞌunán? Asaribi uni ka ënë menu ꞌaíma ꞌikën, an ka ꞌën kuëënkësabi okinshi ꞌakin ñu upíshi ꞌai tsókin ñu ꞌatima ꞌati sinanan uisakinbi uni ꞌatimoti sinanima upiti bërúankatia. Usa ꞌain ka minmi uisa ñu ꞌatima ꞌakëmabi a ꞌatima oti sinánxun ꞌë karaishikin katankëxun ñu ꞌatima, ꞌamikëxunbi ka uisa ñu ꞌatimabi mi ꞌaxuntima ꞌikën.

Job 2:3 ပူးပေါင်းရင်းမြစ်များ

Génesis 6:9

Ënëx ka uisai kara Noé ꞌiakëxa, kixun ñuikë bana ꞌikën. Noé ax ka achúshi uni upí ꞌiakëxa, usa ꞌixun ka Diosan kakësabiokin ꞌakëxa. A uníxëshi ka raíri unikama ꞌikësama anúan tsóa nëtëkaman Diosan kuëënkësabi oi tsóakëxa.

Job 1:1

Anu ka achúshi uni Job kakin anëkë ꞌiakëxa, ax ka Us kakë me anu tsóakëxa, usa ꞌixun ka uisa ñu ꞌatimabi ꞌati sinánkëma ꞌianan, Dios kuëënkësabi okinshi aín nuitu upí ꞌixun ñu ꞌakin bëtsi uni ꞌatima oti sinánkëma ꞌiakëxa.

Job 1:11

ꞌAínbi kamina usai kara mimi ꞌatimokin sinani banaia isnuxun ain ñukama bikuanti ꞌain.

Job 1:6

Achúshi nëtën ka an ñu ꞌaxunkë aín ángel kamabë usaibi ꞌikë ꞌaish Diosbë timë́ti nëtë ꞌain, axa paránankë ángel axribi atubë timë́akëxa.

Job 1:8

Kakëxun ka Diosan kakëxa: —¿Uisa uni kara ꞌën uni Job ꞌikë kixun kaina ꞌunan? Asaribi uni ka ënë menu ꞌaíma ꞌikën, an ka ꞌën kuëënkësabi okin ꞌakin ñu upíshi ꞌai tsókin ñu ꞌatima ꞌati sinanan, uibi ꞌatimoti sinanima upí ñuishi ꞌai tsotia.

Job 2:2

Usai anu ukë ka Diosan uinuax kara aia kixun ꞌunanxunbi ñukákëxa: —¿Uinuax kaina mix aín? Kixuan kakëxun ka ñunshin ꞌatimanën kakëxa: —ꞌËx kana kamabi mekama oi kuaínbëkini nitsin.

Job 2:4

Kixun kakëxunbi ka ñunshin ꞌatimanën Dios kakëxa: —Uínbia aín naminu ꞌatimokin paëokëma ꞌaish ka uni asábi nitsia. ꞌAínbi ka unix upí tsótisa tani uisa ñu kara inutia abi inutibi tënëax ꞌiti ꞌikën.

Salmos 37:37

An ñu ꞌatima ꞌakëma ꞌimainun uisa ñu ꞌatima ꞌaímabi tsókë uni akamina isti ꞌain: Usa ꞌain ka a unin ñu ꞌakëx upí iskë ꞌiti ꞌikën.

Proverbios 13:6

Uni upí sinánñukama ax ka an ñu upí ꞌakë anunbi upitax nitsia; ꞌaínbi ka an ñu ꞌatima ꞌakë anunbi uni ꞌuchañunëx tëmëraia.

Proverbios 15:8

Nukën ꞌIbu Diosan ka uni ꞌatima sinánñukaman ñu ꞌaxunkëxunbi a upí isima, ꞌaínbi ka uni upí sinánñukama an ñukákëxun kuni kuatia.

Juan 9:3

Quixuan cacëxun ca Jesusan cacëxa: —Bëxuñu ca ax ꞌicën. ꞌAíshbi ca aín ꞌucha cupía ꞌicëma ꞌicën, ꞌimainun ca aín tita, aín papan ꞌucha cupíribia ꞌicëma ꞌicën. Nucën Papa Diosan ñu ꞌaia unin isnun ca ax bëxuñu ꞌicën.

Filipenses 3:12

Usa ꞌaínbi cana asérabi asaírama pain ꞌain. Asaírama ꞌixun cana asérabi an ꞌacësaribi oquiinra sinaniman. Usa ꞌixunbi cana ꞌunanin, axa quiásabi oi asaribi ꞌinun ca ꞌë ië́miacëxa quixun. Usaquin ꞌunánquin cana asaribi ꞌinuxun, ënquinma aín bana quicësabi oquin ꞌain.

Santiago 1:12

An uisa ñu cara ꞌicëbëbi bënë́quinma tanshiquin Jesucristomi catamëti ëncëma unicama a ca usaía ax ami sináncë unicama ꞌiti ñuia quiásabi oquin Nucën Papa Diosan aín nëtënu abë ꞌaish chuámarua ꞌaish cuëënun ꞌimiti ꞌicën.

1 Pedro 1:7

Ënëx ca ësa ꞌicën. Asérabi cara curishi ꞌicë isnuxun ca unin curi tsi rëquirucënu xaroquin tania. Usaribiti camina mitsux caramina ami catamëcë ꞌai quixun isnuxun Nucën Papa Diosan tancë ꞌiti ꞌain. Curi ꞌaíshbi ca cëñúti ꞌicën. Usa ꞌaínbi camina tëmëraquinbi Nucën Papa Diosmi catamëquin ëncëma ꞌaish curisamaira ꞌiti ꞌain. Usaquin tancëxbimi asérabi ami catamëti ꞌain ca utëcënquin Jesucristonën —asérabi ꞌënan ꞌaish camina ꞌëbë ꞌaish cuëënti ꞌai —quixun mitsu cati ꞌicën.

1 Pedro 5:10

Usabi ꞌinúxmabimi tëmëracë ca Nucën Papa Diosan mitsu cushioquin Jesucristosaribi upí ꞌinun mitsu ꞌimianan —aín bana quicësabi oi cana asérabi ꞌiti ꞌai —quixun ꞌunani ami cushinun mitsu ꞌimiti ꞌicën. Ax ca an mitsu nuibaquin ꞌaquincë ꞌianan Jesucristonan cupí abë́mi xënibua ꞌaínbi upitax ꞌinun caíscë a ꞌicën.