Job 2:11 - Kashibo-Kakataibo Biblia

¹¹ Job ax ka rabë́ ꞌimainun achúshi uni an ꞌunánkëñu ꞌiakëxa: Ax ka Elifaz kakë, ꞌaish Temán, menu tsókë uni ꞌiakëxa ꞌimainun ka Bildad axribi Súah kakë menu tsókë ꞌiakëxa ꞌimainun ka Sofar axribi Naamat kakë menu tsókë uni ꞌiakëxa. A unikaman ka atun ꞌunánkë uni Job axa usai ñu ꞌatima inuti nuibakatia kuakëxa, kuabiani ka kanankiani nun ꞌunánkë uni Job ka ꞌaisamaira tëmëraia usa ꞌain kananuna aín masá nuitukë a sinanatánun kanan isi kuanti ꞌai kiax kanankëxa.

Job 2:11 ပူးပေါင်းရင်းမြစ်များ

Génesis 25:2

Bitankëxun ka amiribi bëchipakëxa aín anë ka ꞌiakëxa Zimrán, Jocsán, Medán, Madián, Isbac ꞌimainun Súa.

Génesis 36:11

Ënë kamax ka Elifaznën bëchikëkama ꞌiakëxa, Temán, Omar, Sefó, Gatam ꞌimainun Quenaz.

Génesis 36:15

Ënë kamax ka Esaúnën rëbúnki axa ꞌapu ꞌia a ꞌikën: Akamax ka Esaúnën bakë bëchikë apan Elifaz aín rëkuë́n bëchikë ꞌiakëxa, a ꞌapukamax ka ꞌikë Temá, Omar, Sefó, Quenaz,

Génesis 36:34

Usa ꞌain ka Jobab ax ꞌapu ꞌaíshbi ñukë ꞌain Husam ax ꞌapu ꞌiakëxa, ax ka Temán kakë me anu ꞌikë ꞌiakëxa.

Génesis 37:35

Usaia aín papa uínbi manumisamai nitë́xëkëbëtan ka aín bëchikë xanu ꞌimainun nukëbënë kaman uisoxun karana aín masá nuitukë a manumiti ꞌain kixun sinánkëxa, ꞌaínbi ka an usokin kuëënmiti kuëëanma ꞌikën; kuëënima ka aín bëchikënën rabanan ꞌitsaira ini kiakëxa: ꞌËn sinánkë ënë nëtënux karana ꞌëxribi ꞌën bëchikë ꞌikësaribiti ñutima ꞌain, ñutankëx kana anua uni ñukë ꞌikë anuax ꞌëx abë mërananti ꞌain.

Job 19:19

Abë ꞌëx nuibanairakë ꞌën ꞌunánkë unikamanbi ka ꞌë istisamatankania; ꞌimainun ka ꞌëbë nuibanankëira unikama ꞌianan ꞌën aintsikamanbi ꞌë banoisama tania.

Job 19:21

Usa ꞌain kamina ꞌën ꞌunánkë unikama mitsun ꞌë nuibati ꞌain. Diosanbia usai ꞌinun ꞌë ꞌimikëx kana ësaira ꞌi tëmërain.

Job 4:1

Ësakin ka Elifaznën an ꞌunánkë uni ꞌikë Job kakëxa, ꞌën sinánkëx sapi kamina bëtsi unin mi nuibakin bana ñuixunti kuëënima nishti ꞌain, ꞌaínbi kana ꞌën mi bana ñuixukin kaima ꞌixun upíokin sinántima ꞌain.

Job 42:11

Usa ꞌain ka kamabi aín xukë́nkama, ꞌimainun aín chirabakëkama ꞌianan aín ꞌunánkë unikama, ꞌimainun bërámabia ꞌunan unikama atúxribi a isi, ain xubunu rikiankëxa anuxun ka abë timë́xun fiesta ꞌakin atubëtan piakëxa. Usakin ꞌakin ka Diosan ꞌimikëxa ꞌitsaira paë tani tëmërakë anun kananuna nuxribi masánuitua kixun kakankëxa, kanan ka atu achúshi achúshinën manë uxua kuríki ꞌakë a ꞌinánan, mëñusuti kuri ꞌakë aribi ꞌinankankëxa.

Job 42:7

Ësokin pain a ñukama Job katankëxun ka Diosan Elifaz kakë uni aribi kakëxa: ꞌËx kana mi ꞌimainun min ꞌunánkë uni rabë́ amiribi ꞌitsaira nishan, mitsun kamina asérabi upiti banaima ꞌë ñui këmëi banan ꞌën uni Job ax kuni ka asérabi ꞌë ñui upiti banaxa.

Job 42:9

Usakin kakëx kuanxun ka Elifaz, Bildad ꞌimainun Sofar a unikaman Diosan kakësabiokin ꞌakëxa, an ka Nukën ꞌIbun Jobnën ñukësabi okin ꞌakëxa.

Juan 11:19

Usa ꞌain ca judíos unicama Martacëñun María aín rarëbacë ñucë sinania, masá nuitutia isi riquianx raruai aín xubunu a rapasu bucüacëxa.

Romanos 12:15

Axa chuámarua ꞌaish cuëëncë uni abë camina cuëënti ꞌain. Axa masá nuituti incë uni a camina abë masá nuituquin nuibati ꞌain.

1 Corintios 12:26

Nun mëcënaxa paëia ca camabi nun namin tania. Usaribiti ca nun pabitax paëia camabi nun namin tania. Usaribiti cananuna unían —min bu, min bëmána, min pëñan ca upí ꞌicë —quixun cacëx nun namicamabëbi chuámarua tani cuëënin.

Hebreos 13:3

Mitsúxribi atubë sipuacë ꞌaish tëmëracësa ꞌixun camina axa Jesucristonan cupí sipuacë unicama manuquinma a sinánquin ꞌaquinti ꞌain. Mitsúxribi usaribi uni ꞌixun camina —usaribi oquin ca unin ꞌë ꞌati ꞌicë —quixun sinánquin unían bëtsi bëtsi ocë uni a ꞌaquinti ꞌain.