Job 1:8 - Kashibo-Kakataibo Biblia

⁸ Kakëxun ka Diosan kakëxa: —¿Uisa uni kara ꞌën uni Job ꞌikë kixun kaina ꞌunan? Asaribi uni ka ënë menu ꞌaíma ꞌikën, an ka ꞌën kuëënkësabi okin ꞌakin ñu upíshi ꞌai tsókin ñu ꞌatima ꞌati sinanan, uibi ꞌatimoti sinanima upí ñuishi ꞌai tsotia.

Job 1:8 ပူးပေါင်းရင်းမြစ်များ

2 Reyes 23:25

Usa ꞌain ka achúshi ꞌapubi ꞌaíma ꞌiakëxa, ax ꞌisamapain ꞌaia ꞌikë ꞌimainun ax ꞌiasaribiti ꞌapu ꞌiti ꞌaíma ꞌiakëxa, an ꞌakësokin aín ꞌIbumi asérabi kuëëni ami sinani aín kushibëtanbi Moisésnën kuëënëo bana kikësabiokin ꞌakë aima ꞌiakexa.

Job 1:1

Anu ka achúshi uni Job kakin anëkë ꞌiakëxa, ax ka Us kakë me anu tsóakëxa, usa ꞌixun ka uisa ñu ꞌatimabi ꞌati sinánkëma ꞌianan, Dios kuëënkësabi okinshi aín nuitu upí ꞌixun ñu ꞌakin bëtsi uni ꞌatima oti sinánkëma ꞌiakëxa.

Job 2:1

Anuanaín ángel kamabë Dios timë́ti nëtë ꞌikëbë ka angel paránakë axribi atubë timë́akëxa.

Job 2:3

Usakin kakëxun ka Diosan kakëxa: —¿Uisa kara ꞌën uni Job ꞌikë kixun kaina ꞌunán? Asaribi uni ka ënë menu ꞌaíma ꞌikën, an ka ꞌën kuëënkësabi okinshi ꞌakin ñu upíshi ꞌai tsókin ñu ꞌatima ꞌati sinanan uisakinbi uni ꞌatimoti sinanima upiti bërúankatia. Usa ꞌain ka minmi uisa ñu ꞌatima ꞌakëmabi a ꞌatima oti sinánxun ꞌë karaishikin katankëxun ñu ꞌatima, ꞌamikëxunbi ka uisa ñu ꞌatimabi mi ꞌaxuntima ꞌikën.

Salmos 34:14

Ñu ꞌatima ꞌati a ënkin kamina ñu upí ꞌati ꞌain; usakin ꞌakin kamina ami ꞌakë ñu a ënkinma abi ꞌati ꞌain.

Salmos 37:27

Ñu ꞌatima ꞌakë ënkin kamina ñu upíshi ꞌati ꞌain, usakin ꞌai kamina anu xënibua ꞌaínbi tsóti nëtënu ꞌiti ꞌain.

Salmos 84:11

Nukën ꞌIbu Dios an ka ꞌakianan nu bërúaia; Diosan ka uni an ñu upí ꞌai tsókë akama nuibanan ꞌakinia, ꞌakianan kana ꞌinanima kixun ñu upí ñonkinma ꞌinania.

Salmos 89:20

¡ꞌËn kana ꞌën uni ꞌiti David a kaisakën! Usa ꞌikë kana axa ꞌapu ꞌinun aín maxkánu xëni tutukakin anënun ꞌamiakën,

Proverbios 8:13

Uin kara Diosan kakësokin ꞌaia an ka ñu ꞌatimakama a timati ꞌikën. ꞌËx kana rabiakakë ꞌimainun, bëtsi unibëtan sënë́nma kana ꞌai kikë uni ami ꞌianan, ꞌatima ñu ꞌakë ꞌimainun këmëi banakë uni amiribi nishin.

Isaías 1:16

¡Mitsúnmi ꞌuchakin ꞌakë ñukama a ëni kamina mëníokakanti ꞌain! ¡Mitsúnmi ꞌakë ꞌatima ñukama a kamina, ꞌën istisabi okin ënti ꞌain! ¡ꞌAisama ñumi ꞌakankë akamina ënkanti ꞌain!

Isaías 42:1

Ësai ka Nukën ꞌIbu kiakëxa. Ënu ka ꞌën kuëënkësabi okin ꞌati ꞌën kaískë uni ax ꞌikën, ënëx ka ꞌëx a isi ꞌitsaira kuëënkë a ꞌikën, usa ꞌain kana ꞌën bëru ñunshin a ꞌinan, usa ꞌixun ka kamabi menu ꞌikë unikama upíokian ñu ꞌanun ꞌamiti ꞌikën.

Números 12:3

Moisés ax ka upí sinan ñu ꞌaish nishananti sinánkëma uni ënë menu ꞌiakëxa.

Juan 1:47

Cabianquin buáncëxa Natanael aia isi ca Jesús quiacëxa: —U unix ca asérabi Israel uni upí ꞌicën, uni paráncëma ca ux ꞌicën.

Josué 1:2

ꞌËn kaisa uni Moisés ka ñuaxa, usa ꞌain kamina bërí min Jordán kakë baka kamabi Israel unikama shitákinbiani, a ꞌinánuxun ꞌën ká me a mitsu ꞌinánun kuanti ꞌain.

Josué 1:7

Usa ꞌain kamina ꞌën kakësabi oí rakuë́ti sinanima kushiti ꞌain, ꞌimainun kamina ꞌën uni Moisésnëan ꞌën kakëxun mitsu kuënëoxuan bana ashi tanti ꞌain. A banakama kikësokinbi ꞌakëbë ka kamabi min ꞌakë ñukamax upí ꞌiti ꞌikën.