Job 1:5 - Kashibo-Kakataibo Biblia

⁵ Usakin ꞌakian anun timë́xun piti nëtë inuti sënëni sënë́nkëbëtan ka Jobnën aín bakë bëchikë bëbukama kuënxun, uinuxun kara ꞌati ꞌikë anu kuëënxun pë́karakëma ꞌaínshi nirutankëxun ñuina xarokin aín bëchikë achúshi achúshinëxa aín ꞌucha mëníokanun ꞌaxuankëxa. Ësokin ka Jobnën ꞌakëxa, ꞌën bëchikë bëbukamax sapika, ꞌatimakin Diosmi sinani ꞌuchaxa kixun sinánkin ꞌakëxa.

Job 1:5 ပူးပေါင်းရင်းမြစ်များ

Génesis 22:3

Usakian koónkëxun, ka pëkarakëma ꞌaínshi, nirukin Abrahamnën aín asno kaxu mëníotankëxun; anu karu tëapaxun nëakë, puruakëxa anun ñuina xaroti usakin ꞌabiani ka Nukën ꞌIbu Diosan anu kuanun kakë anu, aín bëchikë Isaac ꞌimainun an ñu mëëmikë uni rabë́ buani kuankëxa.

Génesis 6:5

Nukën ꞌIbu iskëxbi ka unin ꞌucha ꞌaisamaira ënë menu ꞌiakëxa, ꞌimainun a ꞌatima sinánñu ꞌixun ꞌatima ñuishi ꞌati sinánñuirabu ꞌiakëxa,

Génesis 8:20

Usai chikítankëxun ka Noénën anuxun Nukën ꞌIbu, rabikin asábi ka kakin kati maxáx maburukin ꞌatankëxun anuxun ñuina upíbushi ꞌimainun ñuina pëchiñu upíira, akama achúshi achúshi bitankëxun Nukën ꞌIbu asábi ka kakin ꞌaímai këñutanun xaroxuankëxa.

1 Reyes 18:31

Mëníotankëxun ka doce maxax Jacobnën bakë bëchikë bëbukamabëtan sënën biakëxa, a ka Diosan Jacob ain bëchikëkama ka Israel kakin anëti ꞌikë kia ꞌain ꞌakëxa,

1 Reyes 21:10

ꞌAtankëxun ka rabë́ uni axa ami këmëi a ñui bananun kixun katankëxun a rëkuë́mikin tsónkanti ꞌikën, a unix ka Nabotnëx ka Dios ñui kianan ꞌapu Ahab ñuiribi ꞌatimati banaxa kiti ꞌikën. Usaia kikëbëtan ka ëman chikíntankëxun anuxun maxaxan ꞌakin rëkanti ꞌikën.”

1 Reyes 21:13

Usokia ꞌan ka axa ami këmëi banai usaisa kiaxa kitia anëkë uni rabë́ axribi anua timëkankë anuax, usaisa Nabot kiaxa kiax kamabi unin kuamainun ësai kiakëxa. Nabot ënëx ka Dios ñui kianan ka ꞌapu ñuiribi ami ꞌatimati banaxa kiakëxa. Usai uni rabë́ ax kikëbëtan ka Nabot anua ꞌikankë atun ëmanua chikinbianxun a ꞌurinxun maxáxan ꞌakin rëkankëxa.

Job 1:11

ꞌAínbi kamina usai kara mimi ꞌatimokin sinani banaia isnuxun ain ñukama bikuanti ꞌain.

Job 1:4

Usa ꞌain ka Jobnën bakë bëchikëkaman fiesta ꞌakin ꞌaxëkë ꞌixun timë́xun bëtsin pain ꞌakin sënë́onkëbëtan bëtsínribi aín xubunuxun atun ꞌakësokinbi pikin ꞌaxëkë ꞌixun, atun chirabakë rabë́ ꞌimainun achúshiribi atubëtan pinux timë́nun kixun kuëankëxa.

Job 2:9

Usai anu tsotia ka aín xanun anu kuanxun kakëxa: —¿Ësai ꞌinsíanx tëmëraibi kaina mix ñunshinakëti Diosmi katamëtin? ¡Dios ꞌatimokin ñuianan kamina ñuti ꞌain!

Job 41:25

Uínsaran kara ax niruia anun ka kamabi unin rabikë dioskama atux ami ꞌitsaira rakuë́ti abatia.

Job 42:8

Usa ꞌain kamina bërí ꞌëx mitsumi nishkë a nëtë́tanun, mapai achúshi ꞌimainun rabë́ vaca bërí kanikë këñun mapai achúshi ꞌimainun rabë́ carnero bibiani uinu kara ꞌën uni Job ꞌia anu a buani kuanti ꞌain, anuxun kamina a ñuinakama rëxun ꞌaímai këñutanun xaroti ꞌain. Usakin ꞌakëbëtan ka ꞌën uni Jobnën mitsu ꞌë ñukáxunti ꞌikën, ñukákëxun kana an ꞌë kakësabiokin, mitsu uisabi otima ꞌain, mitsun kamina asérabi ꞌë ñui upiti banaiman, ꞌën uni Job ax kikësai.

Éxodo 19:10

kakëxun ka Nukën ꞌIbun Moisés kakëxa: —Anu kuanxun kamina Israel unikama ꞌë rabinuxa bërí ꞌianan imë́ishi mëníokanun kai kuanti ꞌain. Kanan kamina atun chupa upíokin chukanun kati ꞌain,

Éxodo 24:5

ꞌAtankëxun ka Moisésnën Israel uni bënábu raíri an vaca rëtankëxun Nukën ꞌIbu rabikin ꞌaímai këñutanun unikaman ꞌucha kupí xaronan, ñuina xaronun ꞌamiakëxa.

Eclesiastés 9:10

Usa ꞌain kamina añu kara ꞌaisa ꞌikë a min asérabi ꞌaisatankin kuëënkin ꞌati ꞌain; anua nu bamaia maínkë anuxun kananuna añu ñubi ꞌanan sinanimabi ꞌianan, añu karana ꞌunánti ꞌai kixunbi sinántima ꞌain.

Lucas 1:75

Usaquian ië́micëxun cananuna an iscë nun nuitu upí ꞌixun, ax cuëëncësabi oquin ꞌaquin, camabi nëtë nun bamati nëtë utámainun a rabiti ꞌain.

Lucas 18:7

¿An usaquin ꞌacë ꞌain cara Nucën Papa Diosan axa ainan ꞌinúan an caíscë aín unicama an nëtë́nbi, imë́bi a ñucácë, acama bërúanquin ꞌaquintima ꞌic? ¿Cara ꞌaquinquinma tënánpati ꞌic? Usama ca.

Juan 11:55

Pascua, anúan judíos unicaman carnero ꞌati nëtëa ꞌurama ꞌain ca axa a ꞌurama unicamax Jerusalénu cuancëxa, anuax judíos unicama ꞌicësaribiti Pascua nëtën pinux Nucën Papa Diosan aín nuitu upí isnun mëníocati.

Hechos 21:26

Usaquian abëa ꞌicëcamabëtan Jacobonën cacësabi oquin, rabë́ ꞌimainun rabë́ uni a buonx ca Pablo judíos unicama ꞌicësaribiti nashi abë mëníocacëxa. Mëníocanan ca uisa nëtën cara anun mëníocati nëtë sënë́nti ꞌicë quixun canan uisa nëtën cara Nucën Papa Dios rabiquin ñuina rëti ꞌicë quixun anu ꞌicë sacerdotebëtan mëníoi anuxun Nucën Papa Dios rabiti xubunu cuancëxa.

Hechos 8:22

ꞌËn iscëx camina mix ꞌatimaira nuituñu ꞌain. Usaquin sinani camina ꞌën iscëx nuituñuma ꞌaish sinanatimoi ꞌicësa ꞌain. Usa ꞌaíshbi camina sinanaquin usaquin sinánti ënquin min nuitu mëúmi ꞌatimaquin sináncë a cara mi tërë́nxunti ꞌicë mi tanun Nucën Papa Dios ñucáti ꞌain.

1 Corintios 4:5

Usa ꞌain camina Jesucristo utëcëncëma pain ꞌain, uisa uni cara uni itsi ꞌicë quixun sinántima ꞌain. Utëcënxun ca Nucën ꞌIbu Jesucristonën, camabi uni an unë́xun ñu ꞌacëcama ꞌimainun aín nuitu mëúa sináncë ñucamaribi, an upí oquin ꞌunánun ꞌunánmiti ꞌicën. ꞌUnánmicëbëtan ca Nucën Papa Diosan ui unicaman cara aín ꞌucha tërë́ncë ꞌixun ñu upí ꞌaxa, a usaribi oquin —upí oquin camina ꞌa —quixun caquin cuëënmiti ꞌicën.

2 Corintios 11:2

Cristonainshi ꞌinun cana mitsu aín bana ñuixuan. Usa ꞌixun cana xanúxa bëtsi unin bana cuatima aín bënën banaishi cuati ami sináncësaribi oi, mitsux bëtsi bana quicësa oíma Cristo quicësabi oíshi ꞌiti cupí, mitsu cain, Nucën Papa Diosan ꞌë sinánmicëxun.

Efesios 6:18

Usai ꞌiquin camina aín Bëru Ñunshin Upitan sinánmicësabi oquin añu caramina ꞌai a ñu ꞌai Nucën Papa Diosbë bananan an mitsu ꞌaquinun ñucáti ꞌain. Usai abë bananux camina atsanima ami manúaxma ꞌianan axa Jesucristomi catamëcë unicamaribi Nucën Papa Dios ñucáxunti ꞌain.

1 Samuel 16:5

Kakëxun ka Samuelnën —usa ka —kixun kakëxa. —Dios ñuina xaroxuni kana aín. Mënioka kuatsini kamina ëbëtan Nukën ꞌIbu ñuina xaroxunkin rabianan pi kamina ukanti ꞌain. Usokin raíri katankëxun ka Jesé ꞌimainun ain bakë bëchikë bëbukama upiti mëníokanun ꞌimiakëxa, ꞌimixun ka anuxua ñuina xaroti anuribia ununkixun kakëxa.