Job 1:3 - Kashibo-Kakataibo Biblia

³ ꞌimainun ka ax siete mil ovejakama ꞌianan tres mil camello, ꞌimainun a ñu mëëmikë vaca bënë rabë́, rabë́ ax quinientas ꞌiakëxa, ꞌimainun ka burro aín xanu kamañuribi ꞌiakëxa. ꞌIanan ka an ñu mëëxunkë unikama ꞌimainun xanukama an ñu ꞌaxunkë kamañuribi ꞌiakëxa. Usa ꞌaish ka ax ñuñuira uni a menu ꞌiakëxa.

Job 1:3 ပူးပေါင်းရင်းမြစ်များ

Génesis 12:16

Usa iskin ka faraónën Sarai kupí, Abram upíokin ꞌakinkin ꞌinaishiakëxa oveja, vaca ꞌimainun uni an ñu mëëxunti ꞌimainun xanu an ñu ꞌaxúnti akama ꞌinánkin asno, ꞌimainun camello akamaribi ꞌinánkëxa.

Génesis 12:5

Kuankin ka aín xanu Sarai këñun aín piaka Lot buánkëxa, ꞌimainun ka aín ñuina aín ñukama ꞌimainun aín ñumëmikë unikama Harán kakë me anuxuan bikë akama buánkëxa. Buani kuanx ka Canaán menu bëbakëxa,

Génesis 13:6

ꞌaínbi ka anua atux ꞌikë anu aín ñuina ꞌitsaira ꞌain ñuinakaman pasto piti sënë́nma ꞌiakëxa. Usa ꞌain ka a rabëtax anu ꞌisama ꞌain,

Génesis 24:35

Nukën ꞌIbun an ka an ꞌë ñu mëëmikë uni ꞌitsaira ñuñu ꞌinun ꞌimiaxa: usa ꞌixun ka ꞌinánxa ovejakama, vaca, kuri ꞌimainun manë panshian, uni an ñu mëëxunti, xanu an ñu ꞌaxúnti akama ꞌinánan ka camello ꞌimainun asno akama ꞌinánxa.

Génesis 25:6

Usakin ꞌanan ka bëtsi xanumia ꞌakë, aín bëchikëkama Abrahamnën aín ñu ꞌitsamashi ꞌinánkëxa, usokin ꞌinántankëxun ka ñukëmapain ꞌixun aín bëchikë raíri amanu kuantanun kixun xuakëxa, xuanan ka Isaac axëshia anua ꞌikë me anu ꞌinun kixun kakëxa.

Génesis 29:1

Usa ꞌain ka Jacob Betel kakë me anuax kuani amiaxa bari urukë me ami kikiani kuankëxa.

Génesis 32:14

doscientas cabra, veinte chibu, doscientas ovejakama, veinte carnero,

Génesis 34:23

Kamabi aín ñukama ꞌimainun aín ñuina kamáxbi ka nunanribi ꞌiti ꞌikën. Usa ꞌain kananuna asabi ka ꞌiti ꞌikë kiax kiti ꞌain, kikëbë ka atux nubë tsóti bërúti ꞌikën.

2 Samuel 12:2

Ñuñuira uni an ka ꞌitsaira carneroñu ꞌianan vaca ꞌarakakëñu ꞌiakëxa,

Job 1:10

¿Min kamina uínbia ꞌatima onun ënima ꞌianan aín aintsi ꞌibukamaxribia uisaibi ꞌiaxma ꞌinun ënima? Min kamina an ꞌakë ñukamaxa upí ꞌinun upíokin sinánxunin usa ꞌaish ka a unix an ꞌarakakë vaca axa kaikëbë anunbi ñuñuira ꞌi ënë menu ꞌikë bëtsi unikamasamaira ꞌikën.

Job 1:4

Usa ꞌain ka Jobnën bakë bëchikëkaman fiesta ꞌakin ꞌaxëkë ꞌixun timë́xun bëtsin pain ꞌakin sënë́onkëbëtan bëtsínribi aín xubunuxun atun ꞌakësokinbi pikin ꞌaxëkë ꞌixun, atun chirabakë rabë́ ꞌimainun achúshiribi atubëtan pinux timë́nun kixun kuëankëxa.

Job 31:25

Uinsaranbi kana kuríkiñu ꞌianan ꞌaisamaira ñuñu ꞌaishi, anun rabiakati usa kana ꞌëx ꞌai kiama ꞌain.

Job 31:37

Usa ꞌain kana uisai karana ꞌia a kamabi ñuikin Dios kati ꞌain, usakin kai kana ñu ꞌatima ꞌakëma ꞌë isnun uinu kara Dios ꞌikë anuaxbi abë banati ꞌain.

Job 42:10

Usokian an ꞌunánkë unikama ñukáxunkëxun ka Diosan, Job bëráma ꞌiásabi ñuñuira ꞌinun ꞌimitëkëankëxa ꞌimikin ka bëráma ꞌiasamairaia ñuñuira ꞌinun a inumikin rabë́ okin ñu ꞌinantëkëankëxa.

Job 42:12

Usa ꞌain ka Diosan upíokin Job sinánxunkin tëmërakëma ꞌaísha ꞌikësamairaia ñuñuira ꞌinun ꞌimikin. Ka catorce mil ovejakama, seis mil camellokama, mil vaca ain bënë rabë́, rabë́, ꞌimainun mil burro aín xanukamañu ꞌinun ꞌimiakëxa.

Números 23:7

Mërai ka ësai Balaam kiakëxa: “Amiaxa bari urukë matá me Aram kakë anuabi ka Balac Moabnu ꞌikë ꞌapu an unun kixun ꞌë kamiaxa Kamikëx kana uan, israel unikama kamina ꞌë uisai kara ꞌisa tania usaía ꞌitánun ꞌë ꞌatimakin sinánxunti ꞌain, usa min okëx ka Jacobnën rëbúnkikama ꞌatimokë ꞌiti ꞌikën, —kixun ka ꞌë kaxa.

Jueces 6:3

Israel unibunën ñu ꞌapákë tibi uxun ka madianita unikama ꞌianan amalecita ꞌimainun amiaxa bari urukë amiax uxun bëtsi unikamanribi atun ñu ꞌapákë binuxun abámiakëxa.

Jueces 6:5

Usakin anuxun Israel unibu ꞌanux rikuatsinkin ka anua ꞌuxti chupasa okin ꞌakë a ꞌimainun atún ñuinakamaribi bëtankëx anua bukukankë me anu bëbakëxa. Bëbai ka ain camellonën champu ꞌitsa ukësa kuatsini ꞌaisamaira uni uakëxa.

Jueces 7:12

Usai ꞌimainun ka, madianita unikama ꞌimainun amalecita unikama ꞌianan amiaxa bari urukëmiaxa ukë unikama atux me tsitsibiani champu ꞌitsa iskësaira kiani kuankëxa. ꞌImainun ka atun camellokamax ꞌaisamaira ꞌaish parúmpapa kuëbínua masi bëru iskësaira ꞌiakëxa.

Jueces 8:10

Usaia ꞌimainun ka Zébah ꞌimainun Salmuná Carcol kakë ëmanu mapai rabë́ ꞌimainun mapai achúshi mil aín suntárukamabë ꞌiakëxa, akamax ka amiaxa bari urukë amiaxa kuankë suntárukamaishi ꞌiakëxa. Atux bërúmainun ka ciento veinte mil suntárukama ꞌakanani këñukë ꞌiakëxa.