Job 1:1 - Kashibo-Kakataibo Biblia

¹ Anu ka achúshi uni Job kakin anëkë ꞌiakëxa, ax ka Us kakë me anu tsóakëxa, usa ꞌixun ka uisa ñu ꞌatimabi ꞌati sinánkëma ꞌianan, Dios kuëënkësabi okinshi aín nuitu upí ꞌixun ñu ꞌakin bëtsi uni ꞌatima oti sinánkëma ꞌiakëxa.

Job 1:1 ပူးပေါင်းရင်းမြစ်များ

Génesis 10:23

Aramnën bëchikëkamax ka ꞌiakëxa, Us, Hul, Guéter ꞌimainun Mas.

Génesis 17:1

Usa ꞌain ka Abram axa noventa ꞌimainun nueve baritiañu ꞌikë, Nukën ꞌIbun amiribishi ami mëratëkënkin ësokin kakëxa: —ꞌËx kana min ꞌIbu Dios kamabi kushiñuira a ꞌain, usa ꞌain kamina ꞌëx kuëënkësabi ꞌoíshi tsóanan ꞌëx kikësabiokin kamabi ñu ꞌati ꞌain,

Génesis 22:12

Kakëxun ka Nukën ꞌIbu Diosan ángelnën amiribishi kakëxa: —Min bëchikë uisabi oxuma ka ꞌat, bërí ka Nukën ꞌIbu Diosan mixmi asérabi ami sinánkëxun, min nuitu ꞌunánxa min kamina min bëchikë ñuñakima achúshira ꞌikëbi nuibakinma a rabikin ꞌakatsi ꞌian.

Génesis 36:28

Ënëx ka Disán aín bakë bëchikë ꞌiakëxa, Us ꞌimainun Arán.

Génesis 42:18

usakin sipuaxunbi ka rabë́ ꞌimainun achúshi nëtë ꞌikëbëtan atu kakëxa: —ꞌËx kana Dios kikësabi oi ꞌikë uni ꞌain. Usa ꞌain kamina mitsun ꞌën kakësabiokin ꞌati ꞌain, mitsúxmi nu këmë kuatsinxun ꞌutuni ukë ꞌikëbi:

Génesis 6:9

Ënëx ka uisai kara Noé ꞌiakëxa, kixun ñuikë bana ꞌikën. Noé ax ka achúshi uni upí ꞌiakëxa, usa ꞌixun ka Diosan kakësabiokin ꞌakëxa. A uníxëshi ka raíri unikama ꞌikësama anúan tsóa nëtëkaman Diosan kuëënkësabi oi tsóakëxa.

Job 1:8

Kakëxun ka Diosan kakëxa: —¿Uisa uni kara ꞌën uni Job ꞌikë kixun kaina ꞌunan? Asaribi uni ka ënë menu ꞌaíma ꞌikën, an ka ꞌën kuëënkësabi okin ꞌakin ñu upíshi ꞌai tsókin ñu ꞌatima ꞌati sinanan, uibi ꞌatimoti sinanima upí ñuishi ꞌai tsotia.

Job 2:3

Usakin kakëxun ka Diosan kakëxa: —¿Uisa kara ꞌën uni Job ꞌikë kixun kaina ꞌunán? Asaribi uni ka ënë menu ꞌaíma ꞌikën, an ka ꞌën kuëënkësabi okinshi ꞌakin ñu upíshi ꞌai tsókin ñu ꞌatima ꞌati sinanan uisakinbi uni ꞌatimoti sinanima upiti bërúankatia. Usa ꞌain ka minmi uisa ñu ꞌatima ꞌakëmabi a ꞌatima oti sinánxun ꞌë karaishikin katankëxun ñu ꞌatima, ꞌamikëxunbi ka uisa ñu ꞌatimabi mi ꞌaxuntima ꞌikën.

Job 4:6

Mix kamina achúshi uni an Dios kuëënkësabi okin ñu ꞌakë a ꞌain, ꞌimainun kamina mix achúshi uni an Diosan kakësabiokin ꞌakin upíokin ñu ꞌakë ꞌain, ¿usa ꞌaíshbi kaina mix Diosmi kushiti sinanima manutisa tanin?

Proverbios 20:7

¡Diosan ka chuámarua ꞌinun unin bakë bëchikëkama ꞌain papan ñu ꞌunámikin, kanioxun ënkë a unikama aín papa tsóasaribi ꞌinun tsónun ꞌimia!

Proverbios 3:7

Min sinanën kamina ꞌëx kana ñu ꞌunainra ꞌai kiax kitima ꞌain; usai ꞌikima kamina Diosmishi katamëkin ñu ꞌatima ꞌatimi sinánkë a manuti ꞌain:

Proverbios 8:13

Uin kara Diosan kakësokin ꞌaia an ka ñu ꞌatimakama a timati ꞌikën. ꞌËx kana rabiakakë ꞌimainun, bëtsi unibëtan sënë́nma kana ꞌai kikë uni ami ꞌianan, ꞌatima ñu ꞌakë ꞌimainun këmëi banakë uni amiribi nishin.

Lucas 1:6

Zacarías ꞌimainun Elisabet a rabëtax ca Nucën Papa Diosan iscëx aín nuitu upí ꞌiacëxa. Upí ꞌixun ca Nucën ꞌIbu Diosan banacama cuaquin an cacësabi oquin upí oquin ꞌacëxa. Usa ꞌain ca uinu ꞌicë uníxbi a ꞌatimaquin ñui ami manánma ꞌicën.

Santiago 5:11

Uicaman cara tëmëraquinbi bënë́quinma tanshitia ax ca upí oquinshi sinani cuëënia quixun cananuna ꞌunanin. Mitsun camina Jobnëxa ꞌaisamaira tëmëraibi Nucën ꞌIbu Diosmi catamëa a bana ñuia cuan. Cuacë ꞌixun camina ꞌunáncanin, uisaira oquin cara Nucën ꞌIbu Dios an nuibaquin uni ꞌaquincë ꞌixun a uni ꞌaquiancëxa quixun.

1 Pedro 3:11

Ñu ꞌaisama ꞌati ënquin ca ñu upíshi ꞌati ꞌicën. Nishananíma ca unibë upíshi ꞌiti ꞌicën.