Jeremías 9:14 - Kashibo-Kakataibo Biblia

¹⁴ Usai ꞌikin ka bana kuakëmasa ꞌixun aín nuitu iruarakin, unínbia rabinuxun ꞌakë dioskama a rabikin uisakian ꞌanun kara atún papan ꞌunánmiakëxa usakinbi ꞌakankëxa.

Jeremías 9:14 ပူးပေါင်းရင်းမြစ်များ

Génesis 6:5

Nukën ꞌIbu iskëxbi ka unin ꞌucha ꞌaisamaira ënë menu ꞌiakëxa, ꞌimainun a ꞌatima sinánñu ꞌixun ꞌatima ñuishi ꞌati sinánñuirabu ꞌiakëxa,

Jeremías 2:23

¿Uisa ꞌaish kaina mitsux: Nux kananuna mimi ñu ꞌatima ꞌai ꞌuchanan bëtsi dioskamaribi rabi ꞌuchakëma ꞌai kiax kikanti ꞌain? Kamina sinánkanti ꞌain, uisai kaina mitsux me sapan Ben-hinom kakë anuax bëtsi dios rabi ꞌikankë kixun. Usa ꞌain kamina upíokin pain añu kaina mitsun ꞌakë kixun iskanti ꞌain, mitsux kamina camello aín xanuxa bëtsi bari bënëti kuani amami amami nikë usaribi ꞌikanin;

Jeremías 2:8

ꞌImainun ka sacerdote kamanribi ꞌën ꞌakinun ꞌë bariti sinánma ꞌikën, ꞌimainun ka an ꞌën bana kuënëo ꞌunánkë unikamanbi ꞌë ꞌunántisamatankëxa, ꞌimainun ka ꞌapukamaribi ꞌëx kikësokin ꞌaisamatamainun, an Dios kikë bana ñuikë unikamaxribi ꞌëmi manutankëx unin rabikë Baal a ñuishi banakëxa, usai ꞌikian a ñukama rabikë ax ka ñankabia ꞌakë ꞌiakëxa.

Jeremías 23:15

Usa ꞌain kana Nukën ꞌIbu kamabi kushiñu ꞌëx an këmëkinshi asérabi ꞌikëmabi bana ñuikë unikama a ñui kin: ꞌËn kana piti ꞌimainun ꞌumpax muka rokëñun; mëskukësamaira ꞌumpax xëanun ꞌinánti ꞌain, an bana uni ñuixunkë Jerusalénnu ꞌikë unikaman ñu ꞌaisama ꞌakë aka kamabi Judá menu ꞌikë Israel unikamanribi ꞌaia.”

Jeremías 23:27

Usa ꞌain ka këmëkinshi an bana ñuikë unikama an namákë bëtsi ñuixunkin, ꞌën unikama ꞌëmi manunun ꞌimia, usakin ka aín chaitiokë kamanribi Baal rabikin ꞌë manuakëxa.

Jeremías 7:24

ꞌAínbi ka ꞌëx kikësokin ꞌaisama tanan, ꞌën bana kuaisamatani, atun kuëënkësokinshi ñu ꞌatima ꞌatishi sinani ꞌikankëxa. Usakin ꞌakin ka ꞌëmi sinántëkënkinma, atun kuëënkë ñuishi rabiti ꞌakankëxa.

Amós 2:4

Ësai ka Nukën ꞌIbu kia: “Judánu ꞌikë unikaman ka ꞌitsaira ñu ꞌakin ꞌaisama ñuira ꞌaxa, usa ꞌikë kana ꞌatima oti ëntima ꞌain, atun ka Diosan ꞌunánmisa tankë ñukama ënkin ax kikësaibi ꞌiti banakama a tanima ꞌiakëxa, usai ꞌikin ka atun papan rabia abi ꞌaxuan unin a rabia ñukama rabikankëxa.

Gálatas 1:14

Usoquin ꞌanan cana judíos unin sináncësa oquinshi sináncën. ꞌËn aintsi ꞌëbë sënë́nburibi an ꞌacësamaira oquin cana uni apáncaman ꞌë ꞌunánmicësa oquinshi ꞌën chaitinën ñuiasabi oquin ꞌaisa tancën, ꞌëx asérabi judío uniira ꞌixun.

Efesios 2:3

Nunribi cananuna camaxunbi nun sináncësa oquinshi sinánan nun sinan ꞌatima ꞌixun nux cuëëncësabi oquin ꞌacën. Usai ꞌicë ꞌaish cananuna raíri unicamasaribi ꞌaish numi nishquian Nucën Papa Diosan castícanti ꞌiacën.

1 Pedro 1:18

Mitsun raran Jesucristomi sinánti ꞌunánma ꞌaínmi usaribi oquin sinaniabi ca Nucën Papa Diosan ainan ꞌinun ië́miquin mitsu Jesucristomi sinánmiaxa. Camina ꞌunanin, curi ꞌimainun curíqui ꞌimainun bëtsi ñucama axa cëñúti a cupíbi ca Nucën Papa Diosan mitsu ië́micëma ꞌicën.