Jeremías 9:10 - Kashibo-Kakataibo Biblia

¹⁰ Aín bashikama ꞌimainun anu uni ꞌikëma menu ꞌikë pastokama ax ka nëmëkë ꞌikën, usa ꞌain kamina inkanti ꞌain, usa ꞌain ka uíxbi anun ꞌinútima ꞌikën, ꞌimainun ka anua vaca manki banaia kuakë ꞌaíma ꞌimainun, ñuina pëchiñu, ñuina raëkëma akama kuani abati nëtë́kë ꞌiti ꞌikën.

Jeremías 9:10 ပူးပေါင်းရင်းမြစ်များ

Isaías 41:15

Usakin ꞌakin kana mitsu anun ñu tákati i xëta, xëtabu ió aín xëta upí ꞌitánun ꞌakë usaribi ꞌimiti ꞌain; ꞌimikëxun kamina bashikama ñu putusa ꞌimianan me sapankamaribi, basi chushikësa ꞌitánun ꞌimiti ꞌain.

Isaías 49:19

Min menu ꞌikë ëmax ka masókin rurupakë ꞌiakëxa; ꞌaínbi ka bërí min me unikama an ꞌaisamaira ꞌixun anu tsókin tsitsirukëx chamara ꞌiti ꞌikën. An mi ꞌatima okin rurupa unikama ax ka bërí ꞌura ꞌikën.

Jeremías 14:6

ꞌimainun ka burro raëkëmakama axribi, aín bashi anu ñu ꞌikëmakama anu nitsax munuma uin bitsi ñuina chukúmabu an nami paxa pikëkama ꞌikësaribiti ꞌia; usai ꞌika a piti pastobi ꞌaíma ꞌain numikëa bakishan mapukëxun upíokin isima.

Jeremías 2:15

¿Uisa kupín kara axa ami nishkë unikama paru ꞌinuánëxa, aín piti ñu binux kuëëkë usa kuatsini ukin, Israel unikama bëara buinkankëx? Axa atumi nishkë unikaman aín me ꞌatima onan; aín ëmakamaribi nënkin xarokë ꞌain ka achúshi unirabi anu bëruama ꞌikën.

Jeremías 2:6

Usai ꞌikin ka ꞌën Egipto menua chikían ꞌixunbi ꞌë bariti sinánkama ꞌikën, anu uni ꞌikëma me, me ëskikë ꞌimainun kuëtú me, ꞌumpaxñuma ꞌimainun anun nisama ꞌatima me, anu uni tsókëma ꞌianan, me anun uni nikëma anun nitsiabi ꞌën ꞌakian, a sinánkin ꞌë rabiti sinánma ꞌikën.

Jeremías 23:10

A menuxun ka unikaman ꞌaisamaira ꞌatima ñuira ꞌaia, ꞌën kana usaía ꞌinun ꞌatimakin sinánxuan, usa ꞌain ka a me masá nuitukë ꞌikën. ꞌImainun ka anu uni ꞌikëma menu kookë nikamaribi ëskiaxa usa ꞌain ka atun kushínbi uni ꞌatimakin ñu ꞌaxunia.

Jeremías 7:29

¡Judá menu tsókë unikama mitsun bu tëatankëx kamina ka masánuitukan kixuan ꞌunántanun niti ꞌain! ¡Nianan kamina aín bashi matákama anu uni ꞌikëma anuax masánuituti kantati ꞌain! Diosan ka mikaman nishmikëxun rakankësa ꞌinun mitsu ëanxa.

Ezequiel 33:28

Usakin ꞌakin kana a mekama anu uni ꞌikëmasa ꞌitánun ꞌimiti ꞌain, ꞌimianan kana usokin ꞌakëxa nux kananuna kushiira ꞌai kiax rabiakakë a nëtë́nun ꞌimiti ꞌain. Usokin ꞌakëx ka Israel menu ꞌikë bashikama ax anu uni ꞌikëma mesa ꞌiti ꞌikën; usakin ꞌakë ꞌain ka uinu ꞌikë uníxbi anun inútima ꞌikën.

Oseas 4:3

Usa ꞌain ka ënë menu uni ñukë ꞌain pañukë chupa a pañuax masá nuituti nitë́xëkë usa ꞌixun añu ñubi kuëënima; usa ꞌain ka anu tsókë unikama kushiñuma ꞌikën; usai ꞌimainun ka raëkëma ñuina ꞌimainun, manan nikë ñukama bamamainun parúmpapanu ꞌikë tsatsakama axribi bamaia.

Joel 1:13

Usa ꞌain kamina sacerdotekama anuxun ñuina xarotinu tëkë, ꞌain kushibu mitsux chupa xëni pañutankëx paëi masá sinani inkanti ꞌain, anuxun Dios rabiti xubunu ka ñu bimikama ꞌimainun a Dios ꞌinaínshiti uvas baka vino ꞌakë abi ꞌaíma ꞌikën.

Joel 1:19

¡Usa ꞌain kananuna mixmi Dios ꞌikë ꞌakinun mi ñukatin, barin xanan ka anu uni ꞌikëma menua ꞌikë xubi ꞌimainun naënu ꞌikë ikama chushimiaxa!

Amós 5:1

Israelkaman ka ꞌën bana kuati ꞌikën; ꞌëx kana usaími mitsux ñu inuti masá nuituti a ñui kin.

Amós 5:16

Ësai ka Dios kamabi kushiñuira ax kia: “Kamabi ëmanu anu bukuti mëníokë anuax bëunan mëskuti ꞌimainun ka anun ëmanu niti baikamanuax kuënkëni paëtani ꞌiti ꞌikën. ꞌImainun ka axa naënu tëëkë unikama atux anuaxbi inkanti ꞌikën, inkëbë ka inkëntapunkama axribi anua inkë anuaxbi inti ꞌikën.

Miqueas 2:4

A nëtën ka mitsu raíri unikaman ꞌatima okëx masá nuitutia kantaxunkin. Ësakin mitsumi kuaikin kakanti ꞌikën: Nukamax kananuna ꞌaisamaira masokin këñúkë ꞌian; nun ëmax ka Diosnan ꞌikën, ꞌaínbi ka Nukën ꞌIbunan ꞌikëbi axa numi nishkë unikaman ꞌibuaxa usa ꞌikë ka uínbi usakin ꞌaxuma ka ꞌa kixun kati ꞌaíma ꞌikën; usa ꞌain ka nun mekama nu bikuantankëx bëtsi unikamabë ꞌinánanxa.

Miqueas 3:12

Usa ꞌain kana mitsun ꞌuchakë kupí Jerusalén ëma Sión kakë bashinua ꞌikë a ꞌën bërí ꞌakintima ꞌain, achúshi me anu ñu ꞌapátisama ꞌikë ꞌakësokin, usakin ꞌakëx ka maxax ꞌaisamaira bukunrukësa usaribi ꞌiti ꞌikën ꞌimainun ka anuxun Dios rabiti xubunua ꞌikë me anu ꞌaisamaira xubi muxañu uniti ꞌikën, mitsun mi ñunshinakëkin ꞌatima ñuira ꞌai ꞌuchakë ꞌain.