Jeremías 7:32 - Kashibo-Kakataibo Biblia

³² Usa ꞌain kana ꞌëx Min ꞌIbu ꞌaish asérabi ësai kin, anun a me Tófel kananbi me sapan Ben-hinom, kakin anëtima achúshi nëtë ka ꞌinuxun ꞌaia. Usa ꞌain ka a me sapan anuxun uni ꞌakë kakin anëkë ꞌinuxun ꞌaia. Usa ꞌain ka Tófet kakë ax anu uni ñukë ꞌitsaira maínkë ꞌiti ꞌikën, usa ꞌain ka anu maínti ꞌaíma ꞌain raíri axa atumi nishkë unikaman ꞌakë ꞌikë ëman rakankë ꞌiti ꞌikën.

Jeremías 7:32 ပူးပေါင်းရင်းမြစ်များ

2 Reyes 23:10

Josíasnënribi ka aín uni rairi Ben-hinom kakë me sapan anuxun ñuina xarokë aribi masótanun xuakëxa, anuxuan bëráma ꞌakësokin uínbi aín bakë bëchikë ꞌimainun ꞌini bëchikëkama bërama Israel unikaman dios Moloc kakë a ꞌaxuansa okin ꞌaxuma ꞌanun masónun ka xuakëxa.

Jeremías 19:11

ësokin kati ꞌain: Nukën ꞌIbu kamabi kushiñu ax ka ësai kiaxa: Ënë unikama këñunbi kana atun ëma ñutë me ꞌakë tukibukënëxa mëníotëkëinsama usaribi ꞌitánun atu ꞌati ꞌain. Usakin ꞌakë ka unin uni ñukë anu maínti me ꞌaíma ꞌain Tófet kakë anu maínti ꞌikën.

Jeremías 19:13

Jerusalénnu ꞌikë xubukama ꞌimainun, Judánu ꞌikë ꞌapun xubukama ꞌimainun xubu maskuan anuxua naínu ꞌikë ꞌispakama ꞌimainua bëtsi dioskama, rabikian uvas baka anpënkaxunkë ꞌaish ka ñu ꞌati ꞌaisama anuxun ꞌakë kakë usaribi ꞌaish Tófetsaribi ꞌiti ꞌikën.”

Jeremías 19:2

Usokin ꞌabiani kamina Ben-hinom kakë me sapan anu kuanti ꞌain, anua Chumu sani pukë kakë Xëputi ꞌikë a bëtánain kuantankëx, anu bëbatankëxun kamina ꞌën mi kakë banakama atu ñuixunti ꞌain.

Jeremías 19:6

Ka kuat, anun ënë me Tófet kanan me sapan Ben-hinom kakima, me sapan anuxun uni ꞌakë kakin anun anëti nëtë ꞌiti ꞌikën. ꞌËx min ꞌIbu ꞌaish kana ësai kin.

Jeremías 31:40

Kamabi me sapankama anua uni ñuia maínkë a ꞌimainun anua chimapu unin pukë, ꞌimainun kamabi me axa Cedrón kakë xëxá anubi sënënakëkë a ꞌimainun, amiaxa bari urukë anua ꞌikë xëputi ꞌipitiu ꞌikë Caballo kakin anëkë akamaxbi ka ꞌënan ꞌiti ꞌikën, usa ꞌain ka kamabi ënë mekamax uínsaranbi rurupakin ꞌatima okëma a ñukamax ꞌiti ꞌikën.”

Jeremías 7:31

Usa ꞌain ka Ben-hinom kakë me sapan anuxun ñuina xaroti Tófel kakë ꞌakëxa, anuxun ka atun bakë bëchikë ꞌimainun ꞌini bëchikama xarokëxa, ꞌakin ka usakin ka ñu ꞌanuxun, ꞌaia kixun ꞌën sinánkëma ñuira ꞌakëxa, usa ꞌain kana ꞌëxbi kin.