Jeremías 7:29 - Kashibo-Kakataibo Biblia

²⁹ ¡Judá menu tsókë unikama mitsun bu tëatankëx kamina ka masánuitukan kixuan ꞌunántanun niti ꞌain! ¡Nianan kamina aín bashi matákama anu uni ꞌikëma anuax masánuituti kantati ꞌain! Diosan ka mikaman nishmikëxun rakankësa ꞌinun mitsu ëanxa.

Jeremías 7:29 ပူးပေါင်းရင်းမြစ်များ

Job 1:20

Usakian kakëx ka Job anua ꞌikë anuax ratuti ꞌitsaira a bana kuati anun paëi niruakëxa, niruxun ka aín tari nitë́xëkin tukakëxa, usokin ꞌanan ka ain bu tëai maxkutankëx Dios rabia ꞌikësabi masá nuituti memi bëtiki ꞌiakëxa.

Jeremías 14:19

ꞌËn ꞌIbu Dios, ¿min kaina Judá menu ꞌikë unikama asérabi ashikin ëan? ¿Min kaina ami atsanxun Jerusalén ëmanu tsókë unikama ëan? ¿Uisa kupín kaina anun romëti ꞌaíma ꞌaínbi ꞌaisamairai ꞌatimanun ꞌimian? Nun kananuna nux upiti tsóti a kainkin, ꞌaínbi ka añu upibi nunu ꞌikëma ꞌikën. Nun kananuna uisabi ꞌinsinima tsótishi sinánkën, ꞌaínbi ka anun rakuë́tisa ñuishi ꞌia.

Jeremías 6:30

Usa ꞌain ka atux. Kuríki ꞌatima okë kakin anëkë ꞌiti ꞌikën, usa ꞌain kamina mix Dios ꞌixun ꞌatima ñu aín upí kaístankëxun pukësa ꞌinun atu ꞌimian.

Jeremías 9:10

Aín bashikama ꞌimainun anu uni ꞌikëma menu ꞌikë pastokama ax ka nëmëkë ꞌikën, usa ꞌain kamina inkanti ꞌain, usa ꞌain ka uíxbi anun ꞌinútima ꞌikën, ꞌimainun ka anua vaca manki banaia kuakë ꞌaíma ꞌimainun, ñuina pëchiñu, ñuina raëkëma akama kuani abati nëtë́kë ꞌiti ꞌikën.

Jeremías 9:16

Usakin ꞌanan kana ꞌën mekamanu ꞌikë atun papanbi ꞌunánma ëmakamanu kuani abístanun ꞌiminuxun ꞌain; usakin ꞌanan kana axa ami nishkë unikaman ꞌain manë xëtokë tuínxun anun ꞌanan achirabi nitánuma kamabi binun bimiti ꞌain.

Amós 5:1

Israelkaman ka ꞌën bana kuati ꞌikën; ꞌëx kana usaími mitsux ñu inuti masá nuituti a ñui kin.

Miqueas 1:16

Usaia ꞌimainun kamina axa Jerusalén ëmanu tsókë unikama mitsux ami sinaínrakë mitsun bakë bëchikëkama sinani masá nuituti ini ꞌaímai maxkukin mitsun bu tëakanti ꞌain, usakin mitsun tëai kamina ñuina pëchiñu nonshianën maxká raniñuma iskësa usaribi mitsun maxká ꞌiti ꞌain, mitsun bakë bëchikëkama ka axa mitsumi nishkë unikaman ñatanbiankin buánti ꞌikën, usa ꞌain kamina, mitsúxbi upiti maxkuti ñuina pëchiñu nonshianën maxká usaribi ꞌitánun ꞌikanti ꞌain.

Mateo 12:39

Cacëxun ca Jesusan cacëxa: —Unicama Nucën Papa Diosmi sináncëma ꞌixun ca atun isnun uni itsin ꞌacëma ñu ꞌanun quixun ꞌë caia. Usa ꞌaínbi cana, ꞌëx cana asérabi Nucën Papa Diosnuax uá ꞌai quixun atun ꞌunánun, bëtsi ñuribi atúan ñucácëxunbi ꞌaiman. Ënëishi cana mitsu cain, Jonás ꞌiásaribiti cana ꞌëx ꞌiti ꞌain.

Mateo 16:4

Ënë unicama Nucën Papa Diosmi sináncëma ꞌixun ca atun isnun uni itsin ꞌacëma ñu ꞌanun quixun ꞌë caia. Usa ꞌaínbi cana, ꞌëx cana asérabi Nucën Papa Diosnuax uá ꞌai quixun atun ꞌunánun, bëtsi ñuribi atúan ñucácëxunbi ꞌaiman. Ënëishi cana mitsu cain, Jonás ꞌiásaribiti cana ꞌëx ꞌiti ꞌain. Usoquin cabiani ca Jesús anu ꞌicë unicama ëbiani cuancëxa.

Mateo 23:36

Usa ꞌain cana asérabi mitsu cain, mitsun raracama ꞌásaribi oquin ca Nucën Papa Diosan mitsu ꞌuchoti ꞌicën. Mitsúxmi usa ꞌicë ca Nucën Papa Diosan uisa cara oti ꞌicë usoquin ꞌati ꞌicën.

Mateo 3:7

Juanën bana ñuixunia cuati ꞌitsa uni ricuatsinmainun ca ꞌitsa fariseo uni ꞌimainun ꞌitsa saduceo uniribi an nashiminun quiax anu uacëxa. Aia isquin ca Juanën cacëxa: —Mitsux ꞌatima ꞌixun uni paráncë ꞌaish camina mitsun rara ꞌiásaribiti runu, an uni picë, asa ꞌain. ¿Usa ꞌicë cara anúan Nucën Papa Diosan ꞌaisama unicama atumi nishquin masóti nëtën masócë ꞌitin rabananmi sinananun quixun uin mitsu cax?

Hechos 2:40

Usoquin canan ca bana raíriribi ñuixunquin Pedronën ꞌësëquin cacëxa: —Ënë nëtënu ꞌicë unían a ꞌunáncëma ꞌaínbi camina mitsux Jesucristomi sinanati Nucën Papa Diosnan ꞌinux ië́ti ꞌain.

Deuteronomio 32:5

Israel unikama ꞌimainun kamabi unin bakë bëchikëma upíokin sinanima ñu ꞌatima ꞌai Diosmi banai kia, usai banai ka aín bëchikë ꞌisama ꞌikania: