Jeremías 7:26 - Kashibo-Kakataibo Biblia

²⁶ ꞌAínbi kamina mitsun ꞌën kakëxunbi kuaisamatankën, usai ꞌikamina mitsun chaitiokëkama ꞌiásamairai atiaira bana kuama ꞌain.

Jeremías 7:26 ပူးပေါင်းရင်းမြစ်များ

Nehemías 9:29

Usokin ꞌanan kamina a tanti bana amiribishi ax kikësabi okían ꞌanun atu kakën; ꞌaínbi ka a banakama isa ꞌunánxa kikin atun min banakama kikësokinbi ꞌama ꞌikën; uin kara min bana kikësabiokin ꞌaia ax ka upitax tsóti ꞌiakëxa, usa ꞌaínbi ka min bana kikësabiokin ꞌakinma ꞌatimakin ꞌakëxa usakin ꞌaika atux a bana kuaisamatani ax kuëënkësa ꞌoíshi ꞌiakëxa.

Isaías 5:4

¿Añu ñuribi karana ꞌën ꞌapákë uvaskama ꞌati ꞌain? ¿Anu kara usakin ꞌaisa ꞌikëbi ꞌën ꞌakëma ꞌik? ꞌËn kana ꞌapákë uvaskama bataira ꞌitánun bimiti kainkë ꞌian, ¿Uisa kupín kara uvas kaman kacha ꞌitánun tuax?

Jeremías 19:15

Nukën ꞌIbu kamabi kushiñu Israel unikaman Dios ax ka ësai kia: ꞌËn kana ënë ëma anua ꞌikë unikama këñunbi ꞌëx kikësokinbi tëmëramiti ꞌain. Usa ꞌain kana atun ka aín nuitu iruarakin ꞌën bana kikësabiokin ꞌaisamatania kiaxa Dios kikë ka Jeremíasnën atu ñuixuankëxa.

Jeremías 26:5

an bana ñuikë ꞌën unikama ꞌitsokin xutia xutiabi, kamina an kakë banakama kuaisamatankankë ꞌaínbi kamina atun bana kikësokin ꞌakankëma ꞌain,

Jeremías 6:17

Nukën ꞌIbun ka an bërúanti unikama nanxun aín unikama kakëxa: An manë banañu banókë unin banókë a kamina bëmë́kin kuati ꞌain. ꞌAínbi ka unikama kakëxa: Nukaman kananuna a kuaisamatanin:

Jeremías 7:24

ꞌAínbi ka ꞌëx kikësokin ꞌaisama tanan, ꞌën bana kuaisamatani, atun kuëënkësokinshi ñu ꞌatima ꞌatishi sinani ꞌikankëxa. Usakin ꞌakin ka ꞌëmi sinántëkënkinma, atun kuëënkë ñuishi rabiti ꞌakankëxa.

Jeremías 9:13

Usa ꞌain ka Dios ësakin kakëxa: Kamabi ñua Israel unikama ꞌinua ax ka ꞌën ꞌinánkë banakama kikësoibi ꞌikinma rakankë ꞌaían ꞌikë ꞌiakëxa, usai ꞌikin ka ꞌëx kikësoi ꞌikinma a banakama ꞌunánxunbi abi ꞌakima manukankëxa.

Daniel 9:6

ꞌIanan kananuna an min bana ñuikë min unikama kakëxunbi kuaisamatan, atun ka nun ꞌapukama ꞌimainun nun kushikama ꞌianan nun chaitiokëkama ꞌimainun kamabi Israel unikama min anë ñuikin bana ñuixuankëxa.

Oseas 11:7

ꞌËn unikama ka bëtsi ñuishi ꞌai ꞌë ꞌura ꞌia; usa ꞌixun ka bëtsi dioskamaishi nuikin ꞌë ënkanxa; usa ꞌixun kamina ax isa ꞌësamaira kushi ꞌikë kixun sinánkanin, ꞌaínbi ka an mitsu ꞌakintima ꞌikën.

Malaquías 3:7

Mitsux kamina ꞌën kakësokin ꞌën bana ꞌaíma ami manúkan, mitsun chaitiokëkamaxa ꞌën kakësoi ꞌima ꞌën banami manúkan usaribiti ꞌëmi manukan. Usa ꞌain kana ꞌëx Dios kamabi kushi ꞌixun mitsu kain: ¡Mitsux kamina ꞌëmi sinanatëkënti ꞌain, usai ꞌia kana ꞌën mitsu ꞌakinti ꞌain! ꞌaínbi kamina mitsux ësai kikanin: ¿uisa kupí karanuna an kakësokin ꞌati ëanx mimi sinántëkënti ꞌain?

Mateo 21:38

Xucëx cuanxa bëbaia isi ca an naë bërúancë unicamax canani quiaxa: Aín papáxa bamacëbë ca aín bëchicë ënëx naë ꞌibu ꞌiti ꞌicën. Usa ꞌain cananuna nux naë ꞌibu ꞌinuxun ënë ꞌati ꞌain.

Mateo 23:32

Mitsux usa ꞌixun camina mitsun raran ꞌásaribi oquin ꞌaquin sënë́onti ꞌain.

Hechos 7:51

Usaquin caxun ca ësaquinribishi Estebanën cacëxa: —Mitsux camina bana sinanima, nuituñuma ꞌaish pabíñumasa ꞌiá ꞌaish usabi ꞌain, Nucën Papa Dios ꞌunáncëma unisaribi ꞌaish. Camabi nëtë́an Nucën Papa Diosan Bëru Ñumshin Upitan mitsu sinánmicë ꞌitsíanxbi camina an sinánmicë ꞌiisama tanin. Mitsun rara ꞌiásaribiti camina mitsux ꞌin.

Romanos 2:5

Usa ꞌaínbi camina min sinan ꞌaisama ꞌaish sinanaisama tan. Usai ꞌiquin camina ënquinma camabi nëtën ꞌatima ñuishi sinánquin usaquin ꞌain. A cupí camina anúan Nucën Papa Diosan ꞌuchañu unicama aín ꞌucha cupí castícanti, a nëtën ꞌaisamaira oquin castícancë ꞌinuxun ꞌain.

Deuteronomio 8:20

Usaribi okin ka Nukën ꞌIbu Diosan anumi mitsux kuanti menu tsókë unikama ꞌaíma ꞌitánun maëmiti ꞌikën, usakinribi ka Diosan kakësoi ꞌiama mitsu maënun ꞌimiti ꞌikën, kixun ka Moisésnën kakëxa.