Jeremías 7:25 - Kashibo-Kakataibo Biblia

²⁵ Anun mitsun chaitiokëkama Egipto menua chikía a nëtëkamanribi ꞌa ꞌixunbi kana an ꞌën bana ñuikë unikamaribi nëtë́kinmaira bëríbi mitsunu xutin.

Jeremías 7:25 ပူးပေါင်းရင်းမြစ်များ

Nehemías 9:26

Usokinmi min ꞌakinkëxbi ka min kakësokinshi ꞌaíma a tanti bana kuaisama tani ꞌikankëxa. ꞌAnan ka an min bana ñuikë unikamaribi, mimia sinánun kakëxunbi kuaisatankin, kamaxunbi kuamainun mimisa ꞌatimai banaxa kixun këmëkin ꞌuchoxun rëkankëxa.

Nehemías 9:30

Usaia ꞌitsa baritia ꞌiabi kamina atu munu nuibakin min bëru ñunshin ꞌimainun; an min bana ñuikë unikaman usai kamina tëmërakanuxun ꞌai kixun kakëxa, kakëxunbi kuaisama tankën, usai ꞌia kana ami nishkë unikama bëtsi menu ꞌikë unikaman atu ꞌatimonun ëankën.

Isaías 5:4

¿Añu ñuribi karana ꞌën ꞌapákë uvaskama ꞌati ꞌain? ¿Anu kara usakin ꞌaisa ꞌikëbi ꞌën ꞌakëma ꞌik? ꞌËn kana ꞌapákë uvaskama bataira ꞌitánun bimiti kainkë ꞌian, ¿Uisa kupín kara uvas kaman kacha ꞌitánun tuax?

Jeremías 7:13

ꞌËn amiribi amiribi usaími tsókankë a ñuikin kakëxunbi kamina mitsun kuaisama tankën, usa ꞌaínbi kamina kuaisama tankin, ꞌëbi kaisama tankën. ꞌËx Min ꞌIbu ꞌaish kana ësai kin.

Ezequiel 2:3

kakë bana a kuan: “Mi uni kana ꞌën Israel unikama kakëxun bana kuati ꞌunánma ꞌimainun ꞌëx kikësabi oi ꞌisama tankë unikama anu xuti ꞌain. Atux ka atun chaitiokëkama ꞌiásaribiti bërí nëtënbi ꞌën kakësoi ꞌisama tania.

Oseas 11:7

ꞌËn unikama ka bëtsi ñuishi ꞌai ꞌë ꞌura ꞌia; usa ꞌixun ka bëtsi dioskamaishi nuikin ꞌë ënkanxa; usa ꞌixun kamina ax isa ꞌësamaira kushi ꞌikë kixun sinánkanin, ꞌaínbi ka an mitsu ꞌakintima ꞌikën.

Amós 2:11

Usa ꞌain ka israel unikama mitsunu an Dios kikë bana ñuikë unikama ꞌianan Diosan aín uni ꞌiti kaiskë unikama ꞌaíma ꞌiakëxa kiax kisama ꞌikën. ꞌËx min ꞌIbu ꞌaish kana asérabi ësai kin.

Malaquías 3:7

Mitsux kamina ꞌën kakësokin ꞌën bana ꞌaíma ami manúkan, mitsun chaitiokëkamaxa ꞌën kakësoi ꞌima ꞌën banami manúkan usaribiti ꞌëmi manukan. Usa ꞌain kana ꞌëx Dios kamabi kushi ꞌixun mitsu kain: ¡Mitsux kamina ꞌëmi sinanatëkënti ꞌain, usai ꞌia kana ꞌën mitsu ꞌakinti ꞌain! ꞌaínbi kamina mitsux ësai kikanin: ¿uisa kupí karanuna an kakësokin ꞌati ëanx mimi sinántëkënti ꞌain?

Lucas 11:49

Nucën Papa Dios an camabi ñu ꞌunáncë ꞌaish ca usaía ꞌicëma pan ꞌain, ësai quiacëxa: “ꞌËn unicama raíri ꞌën bana ꞌunánquian a uni ñuixunun ꞌimianan raíriribi ꞌën bana unicama ꞌunánminun ꞌimiabi ca unin raíri ꞌanan raíri bëtsi bëtsi oti ꞌicën”.

Deuteronomio 9:7

Mitsun kamina uínsaranbi anu uni ꞌikëma menuxua Nukën ꞌIbu Diosan kakëxunbi kuaisama tan bana a manutima ꞌain. ꞌIanan kamina Egipto menuax chikíkin ꞌásabiokin ënë menu bëbakinbi, an kakësabiokin ꞌaisama tankanin.