Jeremías 7:24 - Kashibo-Kakataibo Biblia

²⁴ ꞌAínbi ka ꞌëx kikësokin ꞌaisama tanan, ꞌën bana kuaisamatani, atun kuëënkësokinshi ñu ꞌatima ꞌatishi sinani ꞌikankëxa. Usakin ꞌakin ka ꞌëmi sinántëkënkinma, atun kuëënkë ñuishi rabiti ꞌakankëxa.

Jeremías 7:24 ပူးပေါင်းရင်းမြစ်များ

Nehemías 9:29

Usokin ꞌanan kamina a tanti bana amiribishi ax kikësabi okían ꞌanun atu kakën; ꞌaínbi ka a banakama isa ꞌunánxa kikin atun min banakama kikësokinbi ꞌama ꞌikën; uin kara min bana kikësabiokin ꞌaia ax ka upitax tsóti ꞌiakëxa, usa ꞌaínbi ka min bana kikësabiokin ꞌakinma ꞌatimakin ꞌakëxa usakin ꞌaika atux a bana kuaisamatani ax kuëënkësa ꞌoíshi ꞌiakëxa.

Jeremías 15:6

Mitsux kamina ꞌën kakëxun kuaisama tani ꞌëmi manúkankën. ꞌËx Min ꞌIbu ꞌaish, kana asérabi ësai kin. Usa ꞌain kana ꞌurainra mitsu nuibati tënëxun, ꞌën ꞌakësa ꞌitanua axa mimi nishkë unikaman këñukin ꞌanun mitsu ëankën.

Jeremías 18:10

ꞌAínbi kana a ëmanu tsókë unikama ñu ꞌatima ꞌakin, usai kamina ꞌitima ꞌai ꞌën kakë usai ꞌiama, kana a usakin ꞌakinti ꞌën mëníokin sinánkë usakin ꞌakintima ꞌain.

Jeremías 18:12

ꞌAínbi ka atun mi kati ꞌikën: ¡Ñankáishi kamina usai ꞌitima ꞌain! Nukamax kananuna nun kuëënkësa ꞌoíshi tsókin, nun sinánkësa okinshi ñu ꞌati ꞌain.

Jeremías 2:27

usa ꞌixun ka achúshi i nikë ësokin kakania: Mix kamina nun papa ꞌain ꞌimainun ka achúshi maxáx ësokin kakania: Mix kamina ꞌën tita ꞌain. Usokin a ñukama ꞌakinbi ka ꞌëmi kasuakëkin aín bëmánan ꞌë ismima. Usai ꞌikinbi ka ꞌaisama ñu inúkin tankinshi ꞌë ꞌakinun kixun kakania: ¡Nu kamina ië́mi uti ꞌain!

Jeremías 23:17

Uikaman kara ꞌën bana kikësabiokin ꞌaisama tankin timaia, atun ka mitsu kati ꞌikën: Kamabi mitsun ꞌakë ñukama ax upí ꞌia. ꞌImainun ka ꞌain sinánkësa okinshia, an ñu ꞌakë unikamanribi mitsu kaia: Uisa ñu ꞌatimabi ka mitsunu ꞌitima ꞌikën.”

Jeremías 6:16

Nukën ꞌIbun ka ꞌain unikama ësakin kakëxa: Bainu nirakëxun isi kamina, uisai kara mitsun chaitiokëkama ꞌën ꞌinánkë ꞌën bana ꞌai tsóakëxa kiax ñukákananti ꞌain, uisai kara uni upitax tsóti ꞌikë kiax; usakin ꞌai kamina a ꞌunánkin ax kikësokin ꞌai ꞌupitax tsókanti ꞌain. ꞌAínbi ka atux kia: Nux kananuna usai i tsótisama tanin.

Jeremías 7:26

ꞌAínbi kamina mitsun ꞌën kakëxunbi kuaisamatankën, usai ꞌikamina mitsun chaitiokëkama ꞌiásamairai atiaira bana kuama ꞌain.

Jeremías 9:14

Usai ꞌikin ka bana kuakëmasa ꞌixun aín nuitu iruarakin, unínbia rabinuxun ꞌakë dioskama a rabikin uisakian ꞌanun kara atún papan ꞌunánmiakëxa usakinbi ꞌakankëxa.

Daniel 9:6

ꞌIanan kananuna an min bana ñuikë min unikama kakëxunbi kuaisamatan, atun ka nun ꞌapukama ꞌimainun nun kushikama ꞌianan nun chaitiokëkama ꞌimainun kamabi Israel unikama min anë ñuikin bana ñuixuankëxa.

Oseas 4:16

Israel unikamax bana kuati ꞌunánma unibu ꞌikën, usa ꞌaish ka burro xanu bërí kanikë bisama usaribi ꞌikën, usa ꞌikë, ¿kara Diosan pasto ꞌapákë upíira anua carnero kamara ꞌakësokin bërúanti ꞌik?