Jeremías 7:21 - Kashibo-Kakataibo Biblia

²¹ Nukën ꞌIbu kamabi kushiñuira Israel unikaman Dios ax ka ësokin aín unikama kai kiaxa: Mitsun kuëënkësa okin ñuina ꞌaímai këñutanun xaronanbi, këñutanuma xaroxun kamina ꞌain namikama tëxëkë a pikanti ꞌain.

Jeremías 7:21 ပူးပေါင်းရင်းမြစ်များ

Isaías 43:23

ꞌË kamina ꞌaímai këñutanun ovejakama xaroxuama ꞌain, ꞌianan kamina ꞌë rabikin ñuina xaroma ꞌain. ꞌËn kana mi atsaniabi ubíokin ꞌëmi ñukama ꞌinainshinun káma ꞌain, ꞌianan kana kuëëniamabi ubíokin tsëpasa ñu sanuira xaromiama ꞌain.

Jeremías 14:12

Usa ꞌain kana ꞌitsa nëtë imi pima samákin atun ñukákëxunbi kuatima ꞌain; ꞌianan kana ꞌitsaira ñuina xaroxuanan ñu ꞌapákë aín bimi ꞌë bëxun nanxunkëxunbi ꞌën upí istima ꞌain. Usa ꞌain kana ꞌën suntárukama abë ꞌakanankin ꞌakëx ꞌianan, atun piti ꞌaíma ꞌain numin ꞌianan, ꞌinsinan këñunun ꞌimiti ꞌain.

Jeremías 6:20

¿Uisoti kaina mitsun Sabá menu ꞌikë sanuira ñu a ꞌimainun ro ua sanuira ꞌura ꞌikë me kamanua ꞌikë a ꞌë bëxun kanin? ꞌËx kana kuëënima ꞌaímai këñutanun xarokë a ꞌianan, bëtsi ñukamaribi bëxun xarokëxbi ka ꞌën iskëx upíma ꞌikën:

Ezequiel 33:25

Usa ꞌain kamina ësokin atu kati ꞌain: Ësai ka Dios kiaxa: Mitsun kamina nami aín imikëñun diosmabi ñukama rabikin pin, ꞌianan kamina uni ꞌain. ¿Usakin ꞌakinbi kaina mitsux ismina me ꞌibu ꞌinuxun ꞌai kixun sinánkanin?

Deuteronomio 12:27

anuxun kamina mitsun Dios ñuina rëxun xaroxunti ꞌakë anuxun xaroti ꞌain. ꞌAnan kamina ñuina a rabikin ꞌakin min aín imi bikë a anuxun Dios ñuina xaroxunti ꞌakë anu chikuti ꞌain, ꞌanan kamina aín nami piti ꞌain.