Jeremías 7:18 - Kashibo-Kakataibo Biblia

¹⁸ Atun bakë bëchikë ꞌimainun ꞌini bëchikëkaman ka karu bitsinkin bëia, bëia ka atun papakaman ërë́rutanun tikaia usokëbëtan ka xanukaman harina chabóxun pán bata ꞌinun ꞌatankëxun, atunbia rabinuxun xanu tankin ꞌakë, naíkamë ꞌëonu ꞌikë kakin anëkë ꞌapu xanu a ꞌinania. ꞌInánan ka atúnbi ꞌunánkëma bëtsi dioskama aribi uvas baka vino ꞌakë rabikin ꞌinánkin ꞌë nishmia.

Jeremías 7:18 ပူးပေါင်းရင်းမြစ်များ

Salmos 16:4

ꞌaínbi ka uikaman kara a dios rabia akamax paëtani tëmërati ꞌikën, usai ꞌikin atun a rabimainun kana. ¡ꞌËn uínsaranbi atun ꞌakësokin ñuina xaroxuntima ꞌain! ¡ꞌËn kana uínsaranbi aín anë ñui banatima ꞌain!

Isaías 65:3

A unikamax ka ꞌën kuamainunbi nëtëtibi ꞌëmi ꞌatimati abi banakin ꞌë ꞌatima tamia; atun dioskama anua ñu ꞌapákë naënuxun ñuina xaroxuankëxa ꞌanan ka anuxun ñuina xaroti ladrillo ꞌakë anuxun sanuira ro aribi mënuakëxa.

Jeremías 1:16

Ënëx ka usakin kana an ꞌuchakin ꞌë rakan unikama a tëmëramiti ꞌain kiti ꞌikën, atúnbi rabinuxun bëtsi menu ꞌikë unikaman uniokë ñu ꞌatankëxun, rabikin sanuira ro a xaroxunkin rabiakëxa,

Jeremías 19:13

Jerusalénnu ꞌikë xubukama ꞌimainun, Judánu ꞌikë ꞌapun xubukama ꞌimainun xubu maskuan anuxua naínu ꞌikë ꞌispakama ꞌimainua bëtsi dioskama, rabikian uvas baka anpënkaxunkë ꞌaish ka ñu ꞌati ꞌaisama anuxun ꞌakë kakë usaribi ꞌaish Tófetsaribi ꞌiti ꞌikën.”

Jeremías 7:17

¿Min kaina Judá menu ꞌikë ëmakamanuxua ꞌakë ñukama ꞌimainun Jerusalén ëmanu ꞌikë anun niti baikamanuxua ꞌakë ñukama a isiman?

1 Corintios 10:22

Nucën ꞌIbu Jesús nishmiquin camina ñunshin ꞌatima rabitima ꞌain. Nuxnu cushima ꞌimainun ca axira nubë sënë́nmaira ꞌaish cushi ꞌicën.

Deuteronomio 32:16

Usai ꞌikin ka Dios ꞌaisamaira nishmikin bëtsi ñukama rabikin ax kuëënkëma ñuira ꞌakankëxa;

Deuteronomio 32:21

ꞌË kamina diosmabi bëtsi dios rabikin nishmian, usa ꞌain kana ꞌënribi mitsu nishmikin ꞌën uni ꞌikëmabi bëtsi uni ꞌën uni ꞌimiti ꞌain, ꞌimikëbë ka atux ꞌatima okin sinani nishti ꞌikën, ¡usa ꞌain kana ꞌën bana kuaisama tankë unikama ꞌën uni ꞌimiti ꞌain, ꞌimikëbë ka ꞌën unikama atumi nishti ꞌikën!

Deuteronomio 4:19

ꞌImainun kamina manámi bësukin naínua iskin bari, ꞌuxë ꞌispakama, ꞌimainun uisa ñukama kara anu ꞌikë akama iskin a ñukama rabiti sinántima ꞌain, Diosan ka uisa ñu kara anu ꞌikë abi kamabi uninan ꞌinun uniokëxa.