Jeremías 6:28 - Kashibo-Kakataibo Biblia

²⁸ Kamabi a unikamax ka bana kuakëmairabu ꞌikën; usa ꞌaish ka a unikamax nishanani kuamianani ñuiananishi tsotia; usa ꞌaish ka manë panshian ꞌimainun manë tunan irusamaira a unikama ꞌikën.

Jeremías 6:28 ပူးပေါင်းရင်းမြစ်များ

Salmos 14:1

An ꞌunántisa ꞌikëbi ñu ꞌunánkëma unikaman ka Dios isa ꞌaíma ꞌikë kixun sinania: kamaxunbi ka ñu ꞌatimashi ꞌaia; usakin ꞌakin ka ñu ꞌatimaira ꞌakania; ¡an upí ñu ꞌakë uinu ꞌikë uni achúshirabi ka ꞌaíma ꞌikën!

Isaías 31:6

Israel unikaman rëbúnki mitsux kamina ꞌatimairai banakin ñuikankë Dios ami sinanatëkënkanti ꞌain.

Jeremías 18:18

Ësai ka unikama kiakëxa: “Bërí kananuna uisoxun karanuna an Dios kikë bana ñuikë Jeremías ꞌati ꞌai kixun sinánti ꞌain. Uinsaranbi ka nunu sacerdotekama an bana nu ñuixunti ꞌianan, an bana ꞌunánkë an nu ꞌësëti ꞌianan, an bana ñuikë unikama an Diosan bana nu ñuixunti akama nunu ꞌima ꞌitima ꞌikën. Usa ꞌain kananuna unikaman ꞌanun nun ꞌuchoti ꞌain. Usa ꞌain kananuna uisai kara ax kia abi aín bana tantima ꞌain.”

Jeremías 20:10

Usa ꞌain kana munura banai unikama ësai kanania kuatin: “¡Kamabinuax ka ꞌitsaira rakuë́kania!” Usa ꞌain ka ësai kikania: “¡Uisax karanuna a unimi manánti ꞌai isti kamina rikuatsinti ꞌain!” ꞌËn ꞌunánkë unikamanbi ka ꞌën ñu ꞌatima ꞌati kuëënkania. Usai ꞌi ka ësai kikania: “¡Parántisa ꞌikë parántankëxun kananuna nun ira a ꞌatimokin kananti ꞌai kiax ka kikania!”

Jeremías 6:30

Usa ꞌain ka atux. Kuríki ꞌatima okë kakin anëkë ꞌiti ꞌikën, usa ꞌain kamina mix Dios ꞌixun ꞌatima ñu aín upí kaístankëxun pukësa ꞌinun atu ꞌimian.

Jeremías 7:28

Ënë kamina: Aín ꞌIbu Diosan kakëxunbi kuaisama tanan, uisakinbi kati kuëënkëma ꞌianan, uínbi uisokinbi kaisama unibu akama kati ꞌain. Mitsun kamina ax kikësoibi ꞌiti bana a ꞌimainun achúshi ñu mitsubëtan Diosan ꞌa ꞌikëbi ami manúkin a rakan irakan.

Ezequiel 2:7

Min kamina ꞌën bana kuanabia min kakëxun kuanumabi a unikama ñuixunti ꞌain, atux ka bana kuati ꞌunánma unibuira ꞌikën.

Levítico 19:16

Manan bëkinkin kamina abëmi ꞌikë unikama ñuitima ꞌain. Min ꞌunánkë unían bëtsi uni ꞌai kuankëbë kamina abë kuantima ꞌain. ꞌËx kana min ꞌIbu ꞌain.

Apocalipsis 11:18

Axa mimi sináncëma unicamax ca mimi xuamati nishaxa. Nishcë ꞌaínbi ca anun min uisoquin caramina atu ꞌati ꞌai, usoquin ꞌati nëtë uaxa. Anun min camabi uni bama ꞌaíshbia baísquicë isti nëtë ca uaxa. An mix quicë bana uni ñuixuncë unicama, ꞌimainun axa min aín ꞌuchacama tërë́nun mimi catamëcë ꞌixun min bana cuacë unicama, aín cushi unicama ꞌimainun cushima unicamaribi, camabi isquinmi anun mibëa ꞌinun biti nëtë ca uaxa. ꞌImainun ca anúan ꞌuchañu unicama anua atun ñu ꞌatima ꞌacë cupí camabi ꞌuchañu uni ꞌiti anu cuanti nëtëribi uaxa.

Apocalipsis 19:2

Ax aín sinan upíira ꞌixun ca uisa cara oti ꞌicë usoquin ꞌaia. Ñu ꞌatima cuëënquinma ca usoquin ꞌaia. Usa ꞌixun ca Babilonia ëmanu ꞌicë unicama, an camabi menu ꞌicë unicama ꞌatima ñu ꞌanun ꞌunánmianan ami sinánxma ꞌinun ꞌunánmicë cupí acama ꞌuchoquin castícanxa. Usaquin ꞌaquin ca an aín unicama ꞌacë unicama cupiaxa.