Jeremías 52:31 - Kashibo-Kakataibo Biblia

³¹ Usa ꞌain ka Joaquín kakë ꞌapu Judá menua ꞌikë a bitankëxun Babilonianu ꞌikë ꞌapun treinta ꞌimainun siete baritia sipuakëxa, sipuakë ꞌikëbi ka mapai rabë́ ꞌimainun rabë́ ꞌuxë ꞌikë ꞌaia veinticinco nëtë ꞌikë, anun ꞌapu ꞌikin pëukin achúshi uni Evil-merodac, kakë an nuibakin an bëtsi ꞌapun sipua ꞌikëbi Joaquín chikíankëxa,

Jeremías 52:31 ပူးပေါင်းရင်းမြစ်များ

Génesis 40:13

usa ꞌain ka ënuax rabë́ ꞌimainun achúshi nëtë ꞌikëbëtan ꞌapun minmi an kuëënkëma ñu ꞌaxunkë a istankëxun amiribishi min ñu mëëtinu mi nantëkënti ꞌikën, usakin ꞌakëxun kamina min ꞌasábiokin ꞌapu xampami aín xëati ꞌinánkë abi ꞌatëkënti ꞌain.

Génesis 40:20

Usai ꞌikë rabë́ ꞌimainun achúshi nëtë ꞌikëbëtan ka ꞌapu faraónën anúan aín titan tuá nëtë ꞌikëbëtan achúshi fiesta chaiira ꞌakëxa, ꞌakin ka kamabi aín uni kushibukama kamiakëxa. Usakin kamikëxa aín kushibu timëan ka ꞌapu faraónën an xëati ꞌinánkë unikaman kushi ꞌimainun an pán ꞌakë unikaman kushi sipunua binun xuakëxa.

Salmos 27:6

Usai ꞌikin axa ꞌëmi nishkë unikama abë ꞌakanankin ꞌatankëxun kana; mi ñuina xaroxunti ꞌain, xaroxunkin kana anuxun mi rabiti xubu anuax kuëëni munuma mimi kantakin Dios ꞌikë mi rabiti ꞌain.

Jeremías 37:1

Babilonianu ꞌikë ꞌapu Nabucodonosornën ka Judá menua ꞌapu ꞌinun, Sedequías Josíasnën bakë bëchikë a ꞌimiakëxa, ꞌimikin ka Jeconías Joaquímnën bëchikë a ꞌapu ꞌikëbi chikíankëxa.