Jeremías 52:13 - Kashibo-Kakataibo Biblia

¹³ an ka Babilonianu ꞌikë suntárukaman anuxun Dios rabiti xubu, ꞌanan anua ꞌapu tsókë aín xubukama ꞌanan kamabi uni ñu ꞌunánkë a ëmanu ꞌikë aín xubukamaribi nëënun ꞌamiakëxa,

Jeremías 52:13 ပူးပေါင်းရင်းမြစ်များ

1 Reyes 9:8

Usakin ꞌanun atu ꞌamianan kana anuxun ꞌë rabiti xubumi ꞌamikë ënëribi rurukubuti aín maxákama tukibuti aín i kamaribi chánkibuaxa bukunun ꞌimiti ꞌain, usakin ꞌën ꞌimikë ꞌain ka a ꞌurama kuainkin isi ratuti ami uni kuaiti ꞌikën, kuai ka ñukákanani kananti ꞌikën uisai ꞌiaira kara Diosan ënë me ësonan anuxun a rabiti xubu ënë ësokin ꞌakëxa.

2 Reyes 25:9

usakin xukëx kuanxun ka anuxun Dios rabiti xubu akëñun anua ꞌapu tsókë aín xubu a ꞌanan kamabi uni ñu ꞌunánkë a ëmanu ꞌikë xubukamaribi nëankëxa,

Jeremías 19:13

Jerusalénnu ꞌikë xubukama ꞌimainun, Judánu ꞌikë ꞌapun xubukama ꞌimainun xubu maskuan anuxua naínu ꞌikë ꞌispakama ꞌimainua bëtsi dioskama, rabikian uvas baka anpënkaxunkë ꞌaish ka ñu ꞌati ꞌaisama anuxun ꞌakë kakë usaribi ꞌaish Tófetsaribi ꞌiti ꞌikën.”

Jeremías 38:23

Usa ꞌain ka Jeremíasnën ꞌapu abi kakëxa: —Kamabi min xanukama ꞌimainun min bëchikëkama ka Babilonianu ꞌikë unikaman bikë ꞌiti ꞌikën, ꞌimainun kamina mix ꞌapu ꞌaíshbi atunuax abátima ꞌain, mi ka suntárukaman atun ꞌapu Babilonianu ꞌikë a ꞌinánti ꞌikën, ꞌimainun ka Jerusalén ëma ënëribi tsin në́nkë ꞌiti ꞌikën.

Jeremías 7:14

Usa ꞌain kana anuxun ꞌë rabiti xubu Silónu ꞌikë ꞌásaribiokin, bërí anuxun ꞌë rabiti xubu ënë mikama ꞌimainun mitsun chaitiokëkama ꞌinan amimi mitsux katamëkankë ënë ꞌati ꞌain.

Amós 2:5

Usa ꞌain kana Judá ëma tsin bimiti ꞌain, bimikëxun ka a tsinbi Jerusalénnu ꞌikë ꞌapun xubukama a në́nkin xaroti ꞌikën.”

Amós 6:11

Usa ꞌain ka Diosax xubu cha akama ꞌimainun xubu chukúmakama ax ka ꞌatimokëx kamáxbi ꞌaíma ꞌiti ꞌikë kiax kiti ꞌikën.

Miqueas 3:12

Usa ꞌain kana mitsun ꞌuchakë kupí Jerusalén ëma Sión kakë bashinua ꞌikë a ꞌën bërí ꞌakintima ꞌain, achúshi me anu ñu ꞌapátisama ꞌikë ꞌakësokin, usakin ꞌakëx ka maxax ꞌaisamaira bukunrukësa usaribi ꞌiti ꞌikën ꞌimainun ka anuxun Dios rabiti xubunua ꞌikë me anu ꞌaisamaira xubi muxañu uniti ꞌikën, mitsun mi ñunshinakëkin ꞌatima ñuira ꞌai ꞌuchakë ꞌain.

Mateo 24:2

Cacëxun ca Jesusan cacëxa: —Ënë xubu camina maxax ꞌacë ꞌaish upí isin. Usa ꞌaínbi cana mitsu cain, axa Nucën Papa Diosmi sináncëma unicaman ënë xubu camáxbi aín maxáxcamaribi rurupacëbë rurucubúti ꞌicën.