Jeremías 52:12 - Kashibo-Kakataibo Biblia

¹² Nabucodonosornën ka an bërúankë ꞌain suntárunën ꞌapu comandante Nebuzaradán Jerusalénnu xuakëxa, xukëx kuanx ka mapai achúshi ꞌuxë ꞌitankëx mapai achúshi nëtë ꞌikë anun bëbakëxa, anun ka diecinueve baritia ꞌapu ꞌiakëxa,

Jeremías 52:12 ပူးပေါင်းရင်းမြစ်များ

Génesis 37:36

An ñu marukë madianita unikaman ka José marubiankin Egipto kakë menu buánkëxa, buánxun ka suntárunën kushi Potifar kakë a maruakëxa, ax ka Egiptonu ꞌikë ꞌapu aín suntárunën kushi Capitán ꞌiakëxa.

2 Reyes 24:12

Usakin ꞌakëx ka ꞌapu Joaquín Judá menua ꞌikë ax, aín tita ꞌimainun aín suntárunën kushikama a ꞌimainun aín ꞌapukama abëbi Babilonianu ꞌikë ꞌapu Nabucodonosor an aín menu buánuxun binun atuxi ꞌinámëakëxa. Ësai ka Nabucodonosor axa ocho baritia aín menu ꞌapu ꞌixuan ꞌamikëx ꞌiakëxa.

2 Reyes 25:8

Nabucodonosornën ka aín suntárunën kushi comandante Nebuzaradán a Jerusalénnu xuakëxa, xukëx kuanx ka mapai achúshi ꞌuxë ꞌirukë anua mapai achúshi ꞌimainun rabë́ nëtë ꞌikëbë bëbakëxa, a baria Nabucodonosor dieciocho baritia ꞌapu ꞌitankëxa anun diecinueve baritia ꞌapu ꞌikë a barin ka usakin ꞌamiakëxa,

Nehemías 2:3

usai ꞌikin kana ꞌapu ësokin kakën: —¡Mix ꞌapu ꞌaish kamina ꞌitsa baritia buini tsóti ꞌain! ¿Uisa ꞌaish karana ꞌëx ꞌën aintsikama anu maían ëma axa rurupakë ꞌimainun aín xëpútikama axribi në́nkëxa rurukubua ꞌain nitë́xëtima ꞌiti ꞌain?

Jeremías 1:3

Kanan ka Joaquím Josíasnën bakë bëchikë axa Judánu ꞌapu ꞌikë a baritiakamanribi kakëxa, kanan ka Sedequías Josíasnën bakë bëchikë itsi axa once baritia sënë́ntamainun Judánu ꞌapu ꞌitëkënkëbëtan kakëxa, usa ꞌain ka a barin mapai achúshi ꞌuxë sënë́nkëbëtan Jerusalénnu ꞌikë unikama ami nishkë unikaman atun menu buánkëxa.

Jeremías 52:14

usakin ꞌanan ka Babilonianuax kuankë suntárukama anun buinarakin Jerusalén kënëara kënë a rurupakëxa.

Jeremías 52:29

buan ꞌixun ka dieciocho baritia ꞌapu ꞌikin ochocientos treinta ꞌimainun rabë́ unikamaribi Jerusalénnua buánkëxa;

Daniel 1:1

Rabë́ ꞌimainun achúshi baritia Joaquím ax Judá menu ꞌapu ꞌikë ꞌain ka ꞌapu Nabucodonosor ax Babilonianuax Jerusalén ëmanu bëbakëxa, bëbakin ka aín suntárukamabëtan a ëma bëarabuiankëxa.

Daniel 2:14

Usa ꞌain ka suntárunën kushi ax Arioc kakë ꞌiakëxa, ax ka an ñu ꞌunánkë unikama ꞌati ꞌapun kakë ꞌiakëxa, usa ꞌain ka abë Daniel an sinánñuira ꞌixun abë upiti banakin kakëxa.