Jeremías 38:7 - Kashibo-Kakataibo Biblia

⁷ Usokin ꞌakë ꞌain ka achúshi etíope uni Ébed-mélec kakë ꞌiakëxa, ax ka ꞌapun uni an unikama ꞌësëti aín xubunu nankë ꞌiakëxa, an ka Jeremías ka me kinikë ꞌukëmëu nipakë ꞌikë kixun ñuia kuakëxa. Usa ꞌain ka a nëtën ꞌapu bana mënioi Benjamínën xëkuë kakë a ꞌurama timë́kankë ꞌiakëxa.

Jeremías 38:7 ပူးပေါင်းရင်းမြစ်များ

2 Reyes 24:15

Usakin ꞌanan ka ꞌapu Nabucodonosornën Joaquín ꞌimainun aín tita, aín xanukama aín suntárunën kushikama a ꞌimainun uni ñu ꞌunánkëirabu a ëmanua ꞌikë atuishi buánkëxa. Usokin ka Jerusalén ëmanua bibiankin Babilonia aín me anu buánkëxa.

Jeremías 20:2

kuaxun ka ñatanxua mëëtankëxun i kiniokë anun tabiataxkin sipuanun ꞌamiakëxa, ax ka Benjamínën menu kuani anun chikiti xëkuë cha au ꞌiakëxa, anuxun Dios rabiti xubu a rapasu ꞌikë anu ka sipuakëxa.

Jeremías 26:16

Usa ꞌain ka aín kushibu ꞌimainun kamabi unikaman sacerdotekama ꞌimainun an këmëkin Diosan bana ꞌikëmabi bana ñuikë unikaman kakëxa: “Ënë uni a kupín nun ꞌati ñu ꞌatima ka ꞌaíma ꞌikën; ënë unin ka Nukën ꞌIbu Diosan anën nukama kaxa.”

Jeremías 37:13

ꞌAínbi ka Benjamínën xëputi kakë anu bëbakëbëbi achúshi uni Irías kakë Selemíasnën bëchikë Hananíasnën xuta suntárukama an ëma bëruankë ꞌain kushi capitán ax anu ꞌiakëxa, an ka Jeremías kuaniabi bërunkin kakëxa: —Mix kaina Babilonia unikamanu abati kuani ain.

Jeremías 38:8

Usa ꞌain ka Ébed-mélec ꞌapun xubunuax chikíkiani ꞌapu kai kuankëxa, kuanxun ka Benjamínën xëkuë kakë anu tsókë mërakëxa, mërakin ka ësokin kakëxa:

Amós 5:10

¡Mitsun kamina an asérabi ñu ꞌakë ꞌimainun, axa asérabi banakë unikama a kuëënkaniman!

Mateo 20:16

A unin —ñuumara ca ax ꞌicë —quixun sináncë uni a ca Nucën Papa Diosan aín sinan upí ꞌunánquin a uníxa cha ꞌicë isti ꞌicën. ꞌImainun ca unin iscë́xa cha ꞌicë uni, a Nucën Papa Diosan aín nuitu ꞌunánquin ñuumara isti ꞌicën. ꞌAisamaira unia ainan ꞌinúxa ꞌëmi catamënun sinánmicëxbia ꞌicëbëtanma ca axa ꞌëmi catamëcë ashi Nucën Papa Diosan ainan ꞌinun ꞌimia.