Jeremías 38:6 - Kashibo-Kakataibo Biblia

⁶ Usokian ꞌapun kakëxun ka Jeremías atun ñatantankëxun kini ëskikë ꞌumpaxñuma anu nampákankëxa, a kinix ka ꞌapun bakë bëchikë Malquías ainan ꞌiakëxa, ax ka anua suntárukama an ëma bëruankë ꞌikë me mëníokë anu ꞌiakëxa. Anua itsin nanpakë ax ka ꞌumpaxñuma ꞌaíshbi me kini anu nisama chua ꞌiakëxa, anu ka Jeremías ënuma sënëni nanë́ax niakëxa.

Jeremías 38:6 ပူးပေါင်းရင်းမြစ်များ

Génesis 37:24

bitankëxun ka kini ꞌumpaxñuma ñankáishi tutunkë anu nipakëxa.

Salmos 40:2

an ka ꞌë uisa ñu inuti kara bamati, ꞌikëbi ꞌë ië́miakëxa; usakin ꞌakin ka chua menu nanë́kësa ꞌaish bamakësa ꞌikëbi ꞌë ꞌakiankëxa. Usakin ꞌakëx kana anuax uisaibi ꞌitëkënuxma maparanu nikësa ꞌinun ꞌëx ꞌikë ñukama inuti mëníokakën.

Salmos 69:2

ꞌëx kana ꞌian pëanpëankikë nëminra anu nanë́kësa ꞌinun ꞌitsaira ñu inúkin tanin, usa ꞌain ka ꞌën taën anu amáti ꞌaíma ꞌikën. ꞌËx kana baka nëminra anu ꞌain, anua ka aín xobukë kushiira an ꞌë taranpakin ubanpaxa.

Jeremías 36:26

Kuaisama tankin ka aín aintsi ꞌibuira Jerahmeel a ꞌimainun bëtsi Israel uni ꞌibuirama, Seraías Azrielnën bakë bëchikë a ꞌimainun Selemías Abdeel ain bakë bëchikë akama, an Dios kikë bana ñuikë Jeremías ꞌimainun an kirika kuënëoxunkë Baruc ñatanun kixun kakëxa. ꞌAínbi ka Nukën ꞌIbunbi a uni rabë́ unëkë ꞌiakëxa.

Jeremías 37:16

Usakin sipuakin ka Jeremías ꞌukëmëuira anua ꞌitsa nëtë ꞌitinu sipuakëxa.

Jeremías 37:21

Usa ꞌain ka ꞌapu Sedequíasnën ꞌain suntárukama anua atux ꞌikë me mëníokë anua Jeremías ꞌiminun kixun kakëxa, usakin ꞌakë ꞌikë ka kamabi nëtën pán ëmanua bixun uanxuankëxa. Usakin ka a ëmanua ꞌikë bai anuxun pán ꞌakë kakin anëkë anua bixun ꞌinánkëxa. Usakin ka a ëmanua pán këñutisama pain ꞌain kamabi nëtën achúshi pánra ꞌinánkëxa, usai ꞌika Jeremías anua ëmanu ꞌikë suntárukama ꞌikë me mëníokë anu bërúakëxa.

Jeremías 38:13

Usai ꞌikëbëtan ka unikaman itsi sarakapakin nanpakëbëa anun tëkërëkia itsinbi bërúakëxa. Usokin ꞌakëx kuanx ka anua suntárukama ꞌikë me mëníokë anu Jeremías bërúakëxa.

Jeremías 38:22

ka kuat, kamabi xanukama axa Judánu ꞌikë ꞌapun xubunu bërúkë akamax ka bitankëxun Babilonianu ꞌikë, suntárunën kushikama ꞌinánkë ꞌiti ꞌikën, a xanukamax ka ësai kiti ꞌikën: Ka kuat, an ꞌunainrakë unikamanbi ka ꞌapu paránxun ꞌanun ꞌamiaxa; ꞌamikin ka chua menu tatsimëti nanë́kësa ꞌitánun ꞌimiakëxa ꞌimianan ka ꞌapu ꞌikëbi iskëmasa okëxa.

Daniel 6:16

Usa ꞌain ka ꞌapun bëtankëxuan Daniel anua paru ꞌinúankama ꞌikë kini anu ninun kixun ain unikama kakëxa. ꞌAínbi ka usakin ꞌakëma pan ꞌain ꞌapun Daniel kakëxa: —¡Min Dios ax kikësabi okinmi aín bana tankin ꞌaxunkë an ka mi ië́miti ꞌikën!

Zacarías 9:11

Ësai ka Dios kia: Jerusalénnu bukukë unikama mitsun kamina kuati ꞌain, ꞌën kana Israel unikama bëtsi menu ꞌikëbi ië́miti ꞌain, usa ꞌain kana ꞌën anua ꞌumpax biti kini ꞌumpaxñuma ꞌinun ëskikë ꞌikëa anu uni sipuati ꞌakë usanu ꞌikëbi mitsu chikiankën. Usakin kana mitsubëtan achúshi ñu mëníokin ꞌásabiokin biti ꞌain, usa ꞌain kamina mitsun ñuina ꞌë xaroxunuxun aín imi ꞌapamikin ꞌakën.

Hechos 16:24

Usoquin ꞌanúan cacëxun ca sipu ꞌucë mëúira atsínmixun i quini ocën tabíataxacëxa.

Hebreos 10:36

Jesucristo ucëbë ax quicësabi oi Nucën Papa Diosan nëtënu abë ꞌinuxun camina uni itsían mitsu tëmëramicëxbi a taníma usabi Cristomi catamëquin ax cuëëncësabi oquin ꞌati ꞌain.