Jeremías 38:5 - Kashibo-Kakataibo Biblia

⁵ Kixun kakëxun ka ꞌapu Sedequíasnënribi atu kakëxa: —Ka kuat, asábi ka, mitsun kuëënkësa okin kamina a uni ꞌati ꞌain. ꞌËn kana uisokin kaina ꞌakatsi usokin ꞌaxuma ꞌanun mitsu kaiman.

Jeremías 38:5 ပူးပေါင်းရင်းမြစ်များ

2 Samuel 19:22

Kiabi ka Davidtan kakëxa: —¡Ënë ñux ka mitsun isti ñuma ꞌikën, Seruiánën bakë tuákama, ꞌëx kana usakinmi ꞌaisa tankë a kuëëniman! ¿Uisa ꞌixun kaina mitsun ꞌën ꞌakë ñu isti ꞌain? Bërí kana upíokin ꞌunanin ꞌëx kana Israel unikaman ꞌapu ꞌain, usa ꞌain ka israel uni achúshibi bërí nëtën bamatima ꞌikën.

Jeremías 26:14

Usa ꞌain kamina mitsun kamina ꞌë ñatankan usa ꞌain, uisa kaina oisatani usokin ꞌë ꞌakánti ꞌain.

Jeremías 37:17

Usakin ꞌakë ꞌain ka ꞌitsa nëtë ꞌikëbëtan ꞌapu Sedequíasnën aín xubunu an bana ñuikë Jeremías buánxunun kixun kakëxa, kakëxun buánkë ka unin kuanuma ñukákëxa: —¿Mi kara min ꞌIbun ꞌë ñuikin achúshi banabi kakëma ꞌik? Kixuan kakëxun ka Jeremíasnën kakëxa: —Usa ka, ax ka ësa ꞌikën: mix ismina ꞌapu ꞌai, ꞌaínbi ismina mix Babilonianu ꞌikë ꞌapun aín unikama bimikë ꞌiti ꞌai kiax ka kia.

Daniel 6:16

Usa ꞌain ka ꞌapun bëtankëxuan Daniel anua paru ꞌinúankama ꞌikë kini anu ninun kixun ain unikama kakëxa. ꞌAínbi ka usakin ꞌakëma pan ꞌain ꞌapun Daniel kakëxa: —¡Min Dios ax kikësabi okinmi aín bana tankin ꞌaxunkë an ka mi ië́miti ꞌikën!

Daniel 6:17

Usa ꞌain ka Daniel anua paru ꞌinúan ꞌikë kini anu ꞌain, mapara pará chaiira bëxun anun kini xëkuë a xëpúakëxa, usakin ꞌaiaka ꞌapun anun kirika sellakë anun sellakëxa, ꞌanan ka ꞌapu chabu ax ꞌapu aín anun kirika sellakë anúnribi ꞌakëxa, usakin ka axa kikë bana ax kikësabi oia Daniel ꞌinun ꞌakëxa.

1 Samuel 15:24

Ësokian kakëxun ka Saúlnën Samuel kakëxa: —ꞌËn kana Nukën ꞌIbun kakësama okin ꞌai ꞌuchan ꞌimainun kana min kakësokiribi ꞌakëma ꞌain, usa ꞌain kana atumi rakuë́kin añu ꞌanun kara ꞌë kaia usakinbi atu ꞌaxuan.