Jeremías 38:4 - Kashibo-Kakataibo Biblia

⁴ Usa ꞌain ka aín unikama raírinën ꞌapu kakëxa: —Ënë uni kananuna ꞌati ꞌain, aín bana kuakin ka suntáru axa ëmanu bërúkëkama ꞌimainun kamabi unikama atúnribi bëtsiokin sinania. Ënë unin bana kuati ka suntárukama axa ëmanu bërúkë ꞌimainun kamabi unikama rakuë́tia.

Jeremías 38:4 ပူးပေါင်းရင်းမြစ်များ

1 Reyes 21:20

Usokin katanua kakëx ka Elías kuankëxa. Kuanxun ka anua uvas ꞌapákë naë anua mërakëxun ami Ahabnën Elías nishkin kakëxa: —¿Mix ꞌëbë nishanankë uni ꞌaíshbi kaina ꞌë baribëtsini uax ꞌëbë mëranan? Kakëxun ka Elíasnën kakëxa: —Mibë bananuxun mi bari kana uan, min kamina Diosan upí iskëma ñuishi ꞌain.

Éxodo 5:4

ꞌAínbi ka Egipto menu ꞌikë ꞌapun Moisés ꞌimainun Aarón kakëxa: —¿Uisa kupín kaina min unikama aín tëëti ëmitisa tanin? ¡Abi kamina mitsun ñu mëëti ënkinma ꞌati ꞌain, kixun ka faraónën kakëxa!

Jeremías 18:23

ꞌAínbi kamina mix Dios ꞌixun, kamabi ñu uisokin ꞌaxun ꞌë bamamiti kara sinánkanxa akamabi min ꞌunanin. ¡Usa ꞌain kamina atun ñu ꞌatima ꞌakëkama a mëníoxuanan atun ꞌuchakama a manutima ꞌain! ¡Usa ꞌain kamina atiaira uínsaran kaina atumi nishi anun, uisa kaina oisatani usakin min atu ꞌatimoti ꞌain!

Jeremías 26:11

Usa ꞌain ka sacerdotekama ꞌimainun an këmëkinshi bana ñuikë unikama atun aín kushibu ꞌimainun kamabi unikaman kakëxa: “Ënë unix ka ꞌakë ꞌiti ꞌikën, ax ka ënë ëma ñui ꞌatimati banaia. Mitsúnbi kamina axa usai kia mitsun pabitanbi kuakan.”

Jeremías 38:16

ꞌAínbi ka uínbi kuanuma ꞌapu Sedequíasnën unëxun asérabi ësokin an bana ñuikë Jeremías kakëxa: —ꞌËn kana Nukën ꞌIbu an nu tsóti ꞌinánkë an ismainun asérabi mi kain, ꞌën kana mia ꞌanun uni ꞌinánan an mi ꞌaisatankë unikaman mia ꞌanun ꞌamitima ꞌain.

Jeremías 38:25

Usainu nux banakë ënë kuabëtsini uxun ka ꞌën unikaman min ꞌë kakë bana ënë ñukánan ꞌën mi kakë abi mi ñukáti ꞌikën, nukaman mi ꞌaxuma ꞌanun kamina uisai kaina ꞌapubë bana akamabi nu nukama kati ꞌai kixun mi kati ꞌikën.

Amós 7:10

Amasías sacerdote Betelnu ꞌikë an ka Jeroboam Israel unikaman ꞌapu ësokin katánun uni xuakëxa: “Amós an ka Israel unikama mix ꞌapu ꞌain ꞌatimai mimi banakin atu ësëia. Usa ꞌain kananuna Israel unikama nun usaía bananun ëntima ꞌain.

Lucas 23:2

Buanx bëbax aín bëmánon ꞌixun ca Jesús ñuiquin ësaquin Pilato cacëxa: —Ënë unían judíos unicama nun caibu bëtsi oquian sinánun quixun ꞌunánmia cananuna nunbi cuan. Nun nu a César buánmiti curíqui ꞌinánxunma ꞌanun nu canan ca ax isa Cristo ꞌaish ꞌapu ꞌicë quiaxa.

Hechos 16:20

Buánxun ca an uni bëtsi unimi manania cuacë uni cacëxa: —Ënë uni rabëtan judíos uni ꞌixun bana ñuixuncëxun cuati ca nun ëmanu ꞌicë unicamax tsuáquiruia.

Hechos 17:6

Usai quiquinbi mëraquinma ca Jasóncëñun axa Jesucristomi catamëcë unicama raíri nirínbianquin a ëmanu ꞌicë unicaman ꞌapunu buáncëxa. Buani ca munuma sharati quicancëxa: —An camabi menu ꞌicë unicama tsuáquirumicë uni rabëtax ca ënu uaxa.

Hechos 24:5

Ënë unix ca nun iscëx an camabi menua judíos unicama bëtsi bana ñuixunquin ubíoquin tsuáquirumicë ꞌianan nazareno cacë unicaman cushi a ꞌicën.

Hechos 28:22

Cananuna ꞌunanin, mecama oquin ca axa Jesúsmi sináncë unicama ami nishquin unin ñuia. Usa ꞌain cananuna minmi a uisaira cara a ñucama ꞌicë quixun ñuia cuaisa tanin.