Jeremías 38:20 - Kashibo-Kakataibo Biblia

²⁰ Kia ka Jeremíasnën kakëxa: —ꞌAínbi ka mix ꞌën ꞌibu ꞌikë atun mi bitima ꞌikën. Usa ꞌain kamina asérabi ꞌën mi Nukën ꞌIbu kikë banakama kakë ënë upíokin kuati ꞌain, usakin ꞌai kamina uisabi okëma ꞌianan ië́kë ꞌiti ꞌain.

Jeremías 38:20 ပူးပေါင်းရင်းမြစ်များ

Génesis 12:13

Usa ꞌain kamina, ꞌëx upí ꞌinun mix ismina ꞌën chirabakë ꞌai kixun kati ꞌain.

Génesis 19:20

Ka kuat, ënë ꞌurama ka achúshi ëma chukúma ꞌikën, anu kana abáti ꞌain. ¡Anu ië́ti kuantanun kamina ꞌë ënti ꞌain, ax ka ëma chukúmara asérabi ꞌikën!

Proverbios 7:2

ꞌËn bana ax kikësaibi ꞌiti ꞌimainun a ꞌunánti bana mi ꞌunánmikë akama kamina; min bëru napu ami ꞌakësaribi okin upíokin bërúanti ꞌain, usakin ꞌai kamina upí tsókanti ꞌain.

Isaías 55:3

Ënu kamina mitsux ukanti ꞌain, ꞌën kakësabiokin ꞌën bana upiokin bëmë́kin ꞌai kamina chuámarua tsókanti ꞌain. ꞌËn kana mitsubëtan uínsaranbi këñutima ñu ꞌati ꞌain, usokin ꞌakin kana ꞌën uni David nuibakin kásabiokin mitsu ꞌaxunti ꞌain.

Jeremías 26:13

Mitsux mi ꞌatimati tsókë a ënkin kamina, upíokin ñu ꞌakánti ꞌain mitsun ꞌIbu Dios kikësa okinshi kamina ꞌati ꞌain, usaími ꞌikankëbëtan ka axa ñu ꞌatima ka ꞌinúnuxun ꞌaia ax kikë, a ꞌëx kikë ñukama ꞌimitima ꞌikën.

Jeremías 38:21

Nukën ꞌIbun ka usaía ꞌiti ñukama ꞌë ꞌunánmiaxa, usa ꞌain kamina mix Babilonianu ꞌikë ꞌapunu ꞌinamëisama tani kërutima ꞌain:

Jeremías 7:23

ꞌAínbi kana ësaia ꞌën bana tani ꞌikanun kakën; ꞌëx atun Dios ꞌimainua atux ꞌën unikama ꞌinun kixun kana kakën. Usai ꞌia ꞌën kakësabi oi ꞌikëbë ka mitsun ꞌakë ñukama upí ꞌiti ꞌikën.

Daniel 4:27

Usa ꞌain kamina ꞌën mi kakësokinbi ꞌati ꞌain, ꞌai kamina amiribishi ꞌuchatëkënkinma ꞌupiokin ñu ꞌati ꞌain, ꞌakin kamina ꞌatima okinmi ñu ꞌakë ënkin uni ñuñumakama ꞌakinti ꞌain, usokin ꞌai kamina ꞌapu ꞌaish uínbi uisabi okëma kuëëni tsóti ꞌain kixun ka Danielnën ꞌapu kakëxa.

Amós 5:4

Ësakin ka aín ꞌIbu Diosan Israel unikama kaia: “Abi xënibuax tsótisa tani, kamina ꞌëmi sinánkanti ꞌain.

Amós 5:6

Israel unikama mitsux kamina Diosmi sinanatëkënti ꞌain, usai ami sinánkëbëtama ka Israel unikaman ëma axa ami nishkë unikaman tsin mënuti ꞌikën. Usakin akëbë ka an tsi rëkirukë a Betelnua bënánti ꞌaíma ꞌiti ꞌikën.

Hechos 26:29

Quia ca Pablonën cacëxa: —Nucën Papa Dios cuëëncësabi oi cana mishima an ꞌëx quia cuacë unicamaxribia, ꞌëx ꞌicësaribiti, bënëtishi Cristonën uni ꞌiti cuëënin. Bënëtishi ꞌiananbia abi munu sinanati Cristonan ꞌiti cana cuëënin. Mix ꞌëx ꞌicësaribiti Cristonan ꞌaíshmi, ꞌëx ꞌicësaribiti manë risin tëcërëcacëma ꞌiti, cana cuëënin.

2 Corintios 5:11

Usaquin ca Nucën ꞌIbu Jesucristonën unicama ashúshi achúshi isti ꞌicë quixun ꞌunánquin cananuna ami racuë́quin camabi unínribi ꞌunánun a ñucama ñuiquin bana ñuixunin. An nu sinánmicësabi oquin cananuna bana ñuixuni quixun ca Nucën Papa Diosan ꞌunánxa. Usaquinu ꞌaiami mitsúnribi ꞌunánti cana cuëënin.

2 Corintios 5:20

Nux Cristonën ꞌimicë ꞌixun cananuna an sinánmicësabi oquin mitsu ësaquin cain, Nucën Papa Dios anbia mitsu cacësa ꞌinun: Nucën Papa Diosbë upí ꞌinux camina min ꞌuchacama tërë́ncë ꞌinun Jesucristomi catamëti ꞌain.

2 Corintios 6:1

Nucën Papa Diosan bana cuënëo ca ësai quia: Anúnmi ꞌë ñucácë nëtën cana min bana cuan. Cuaquin cana anúnmi ꞌënan ꞌinux ië́ti nëtën mi ië́mian. A bana quicësabi oi ca bëríribi anúan mitsun ñucácëxun cuati nëtë a ꞌicën, bëríbi ca anúan mitsu ainan ꞌinun ië́miti nëtë ꞌicën. Usa ꞌain cananuna Nucën Papa Diosbëtan mitsu cain, an mitsun bana cuanan ꞌaquinsa tancëxun camina an mitsu ꞌaquinun axa cuëëncësabi oquin a ñucáti ꞌain.

Santiago 1:22

Usa ꞌain camina mitsun pabitainshi cuaquinma upí oquin sinánquin a bana quicësabi oquin ꞌati ꞌain. Usoquin ꞌacëma ꞌaish camina —ꞌëx cana Nucën Papa Diosnan ꞌai —quixun sinanibi cëmëcë mitsux ꞌiti ꞌain.