Jeremías 38:19 - Kashibo-Kakataibo Biblia

¹⁹ Kixun kakëxun ka Sedequíasnënribi kakëxa: —ꞌËx kana judioskama axa Babilonia unikamanu ꞌinamëkiani kuankë atumi rakuë́tin; usa ꞌain ka atun bixun ꞌë uisa kara oisatania usokin ꞌakin tëmëramiti ꞌikën.

Jeremías 38:19 ပူးပေါင်းရင်းမြစ်များ

Nehemías 4:1

Amiribishinu Jerusalén ëma rurupa aín kënë ꞌatëkënia kuati ka a kuëënima, Sambalat numi kuaianan ꞌaisamairai judíos unikamami nishi pëukuti,

Job 31:34

unikamami rakuë́kin. ꞌIanan kana uínsaranbi banaima ꞌën xubunu xëpuax ñuitsimarua, uni këmëi banakë kamami rakuë́ti ꞌiama ꞌain.

Jeremías 20:7

ꞌËn ꞌIbu, min kamina ꞌë paránkën, usa ꞌikëbi kana minmi ꞌë paránun ꞌamian; usa ꞌikëbi kamina mix ꞌën kushisama ꞌixun ꞌë isin. Kamabi hora ka unikaman ꞌë ꞌusani ꞌëmi kuaikania.

Jeremías 38:22

ka kuat, kamabi xanukama axa Judánu ꞌikë ꞌapun xubunu bërúkë akamax ka bitankëxun Babilonianu ꞌikë, suntárunën kushikama ꞌinánkë ꞌiti ꞌikën, a xanukamax ka ësai kiti ꞌikën: Ka kuat, an ꞌunainrakë unikamanbi ka ꞌapu paránxun ꞌanun ꞌamiaxa; ꞌamikin ka chua menu tatsimëti nanë́kësa ꞌitánun ꞌimiakëxa ꞌimianan ka ꞌapu ꞌikëbi iskëmasa okëxa.

Jeremías 38:5

Kixun kakëxun ka ꞌapu Sedequíasnënribi atu kakëxa: —Ka kuat, asábi ka, mitsun kuëënkësa okin kamina a uni ꞌati ꞌain. ꞌËn kana uisokin kaina ꞌakatsi usokin ꞌaxuma ꞌanun mitsu kaiman.

Juan 12:42

Usa ꞌaínbi ca ꞌitsaira judíos uni ꞌimainun aín ꞌapu raírinënribi Jesús, ax ca Cristo, axa utia atun caíncë, a ꞌicë quixun sináncëxa. Atun nuitu mëu usaquin sinaníbi ca chiquiracëti banama ꞌicën, fariseo unicamami racuëti —atun sapi ca anua judíos unicama timë́ti xubunu nu atsínmitëcëntima ꞌicë —quixun sinani.

Jueces 16:25

Usai ꞌaisamaira kuëëni ka atubëisa kuëënun isa Sansón bënun kiax kikankëxa. Kikëbëtan ka Sansón sipunua chikíankëxa chikínbëtsinkin bëkë ka ami kuaikin anuxun atun dios rabiti xubu ꞌakin nitsínkë rabë́ a nëbëtsi nitsínun kiax kuëëni kikankëxa.

1 Samuel 15:24

Ësokian kakëxun ka Saúlnën Samuel kakëxa: —ꞌËn kana Nukën ꞌIbun kakësama okin ꞌai ꞌuchan ꞌimainun kana min kakësokiribi ꞌakëma ꞌain, usa ꞌain kana atumi rakuë́kin añu ꞌanun kara ꞌë kaia usakinbi atu ꞌaxuan.

1 Samuel 31:4

Usokia ꞌakankëxun ka Saúlnën an manë pará tuixunkë uni a kakëxa: —Min manë xëtokë bikin kamina anun bëríbi ꞌë ꞌati ꞌain, ꞌëx kana filisteo unikama an Dios rabikëma kamaxa ꞌë ꞌatankëx ꞌëmi kuaiti kuëëniman. Usokian kakëxunbi ka an aín manë pará tuinxukë uni an usokin ꞌaisama tani ꞌitsaira rakuë́akëxa. Usai ꞌikëbëtan ka Saúlnën aín manë xëtokë bitsi anun abi tarókati bamakëxa.