Jeremías 38:17 - Kashibo-Kakataibo Biblia

¹⁷ Usa ꞌain ka Jeremíasnën ꞌapu Sedequías ësokin kakëxa: —Nukën ꞌIbu kamabi kushiñu Israel unikaman Dios ax ka ësai kiaxa: Mix Babilonianu ꞌikë ꞌapun suntárunën kushikamanu bënëti ꞌinamëti kamina mi ꞌimainun min aintsikamabë ië́ti ꞌain, usai ꞌikëbë ka ënë ëmaribi në́nkë ꞌitima ꞌikën.

Jeremías 38:17 ပူးပေါင်းရင်းမြစ်များ

Génesis 12:13

Usa ꞌain kamina, ꞌëx upí ꞌinun mix ismina ꞌën chirabakë ꞌai kixun kati ꞌain.

2 Reyes 24:12

Usakin ꞌakëx ka ꞌapu Joaquín Judá menua ꞌikë ax, aín tita ꞌimainun aín suntárunën kushikama a ꞌimainun aín ꞌapukama abëbi Babilonianu ꞌikë ꞌapu Nabucodonosor an aín menu buánuxun binun atuxi ꞌinámëakëxa. Ësai ka Nabucodonosor axa ocho baritia aín menu ꞌapu ꞌixuan ꞌamikëx ꞌiakëxa.

2 Reyes 25:27

Usa ꞌain ka Joaquín kakë Judá menua ꞌikë a bitankëxun Babilonianu ꞌikë ꞌapun treinta ꞌimainun siete baritia sipuakëxa. Sipua ꞌaínbi veinticinco nëtë anun febrero ꞌuxë këñuax marzo ꞌuxë ꞌiruti nëtë anun ka achúshi uni Evil-merodac kakë ax ꞌapu ꞌikin pëuax ꞌapu ꞌixun an ꞌitsaira nuibakëxa, nuibakin ka bëtsi ꞌapun sipua ꞌikëbi an Joaquín chikíankëxa.

Salmos 80:14

Usa ꞌain kamina, mix Dios kamabi kushiñuira ꞌixun; anumi ꞌikë naíkamë ꞌëo anuxunbi iskin nu ꞌakinti ꞌain, ꞌakinkin kamina min ꞌapá ꞌuvasa nux ꞌikë minan ꞌinun ꞌimiti ꞌain,

Salmos 80:7

Nukën ꞌIbu Dios kamabi kushiñu nukama kamina, ¡bëráma ꞌiásabinu ꞌinun ꞌakinti ꞌain! ¡ꞌIanan kamina min upíokin nu isti ꞌain, usakinmi ꞌakëx kananuna ië́kë ꞌiti ꞌain!

Jeremías 38:2

“Nukën ꞌIbu Dios ka ësai kiaxa: Uix kara ënë ëmanu bërútia atux ka ꞌakanani ꞌianan numin ꞌiananbi ꞌinsinan ꞌi këñuti ꞌikën. ꞌAínbi ka uikamax kara Babilonio unikamanu chikiti ꞌinamëtia akamax kuni bamatima ꞌikën.

Amós 5:27

Usa ꞌain kana ñatanbiankin mitsu axa mimi nishkë unikaman Damasco ëma inumibiankin buántanun ꞌamiti ꞌain. Usai ka Dios kamabi kushiñuira ax kia. Usa ka aín anë ꞌikën.