Jeremías 38:14 - Kashibo-Kakataibo Biblia

¹⁴ Achúshi nëtën ka ꞌapu Sedequíasnën aín suntárukama anua an Dios kikë bana ñuikë Jeremías bënun ꞌamiakëxa, ax ka anuxun Dios rabiti xubu xëkuë rabë́ ꞌimainun achúshi anun atsínti ꞌikë anu ꞌiakëxa. Anuxun ka ꞌapun kakëxa: —ꞌËn kana mi ꞌachúshi ñu ñukatin, usa ꞌain kamina kamabi ñu min ꞌunánkëkama asérabi ꞌë kati ꞌain.

Jeremías 38:14 ပူးပေါင်းရင်းမြစ်များ

1 Reyes 10:5

aín piti ñukama bata ꞌinun mëtuakin ꞌamixun anuxun pikë ñu upiranu nankë isakëxa, isanan ka anua aín suntárunën kushikama ꞌikë, aribi upí isanan aín unikaman chupa upíbu pañumainun, an ꞌapu aín xëati ꞌaxunkë unikamaribi chupa upí pañukë isanan, anuxun Dios rabiti xubunubi ꞌakë anuxuan ñuina rëxun sacerdotekaman Dios xaroxunkë a kamabi isi ratúkin ka ꞌapu xanu an,

1 Reyes 22:16

ꞌAínbi ka ꞌapu Ahabnën kakëxa: —Uiti okinshi karana ꞌën mi kan, asérabi kamina sinántëkënuxuma Nukën ꞌIbun anën usai kamina ꞌiti ꞌai kixun ꞌë kanun mi kan.

Jeremías 15:11

Usa ꞌain ka atumi ꞌatimakin sinánxunkë ax asérabi ꞌiti ꞌikën, ꞌën ꞌIbu Dios, ꞌën mi asérabi axa ꞌëmi nishkë unikama ꞌaisama ñu inuti bënëtiabi ñukáxunkëbëma ka mix kikë usaibi ꞌiti ꞌikën.

Jeremías 37:17

Usakin ꞌakë ꞌain ka ꞌitsa nëtë ꞌikëbëtan ꞌapu Sedequíasnën aín xubunu an bana ñuikë Jeremías buánxunun kixun kakëxa, kakëxun buánkë ka unin kuanuma ñukákëxa: —¿Mi kara min ꞌIbun ꞌë ñuikin achúshi banabi kakëma ꞌik? Kixuan kakëxun ka Jeremíasnën kakëxa: —Usa ka, ax ka ësa ꞌikën: mix ismina ꞌapu ꞌai, ꞌaínbi ismina mix Babilonianu ꞌikë ꞌapun aín unikama bimikë ꞌiti ꞌai kiax ka kia.