Jeremías 37:17 - Kashibo-Kakataibo Biblia

¹⁷ Usakin ꞌakë ꞌain ka ꞌitsa nëtë ꞌikëbëtan ꞌapu Sedequíasnën aín xubunu an bana ñuikë Jeremías buánxunun kixun kakëxa, kakëxun buánkë ka unin kuanuma ñukákëxa: —¿Mi kara min ꞌIbun ꞌë ñuikin achúshi banabi kakëma ꞌik? Kixuan kakëxun ka Jeremíasnën kakëxa: —Usa ka, ax ka ësa ꞌikën: mix ismina ꞌapu ꞌai, ꞌaínbi ismina mix Babilonianu ꞌikë ꞌapun aín unikama bimikë ꞌiti ꞌai kiax ka kia.

Jeremías 37:17 ပူးပေါင်းရင်းမြစ်များ

1 Reyes 22:15

Usai kitankëx ka Micaías anua ꞌapu ꞌikënu kuankëxa, kuania ka ꞌapun ñukákëxa: —Micaías, ¿Ramot Galaad menu ꞌikë a karana ꞌati ꞌain karana ꞌatima ꞌain? Kixun ñukákëxun ka Micaíasnën kakëxa: —Kamina ꞌati ꞌain, Nukën ꞌIbun mi ꞌakinkëxun ꞌatankëxun kamina atun ëma biti ꞌain.

1 Reyes 22:16

ꞌAínbi ka ꞌapu Ahabnën kakëxa: —Uiti okinshi karana ꞌën mi kan, asérabi kamina sinántëkënuxuma Nukën ꞌIbun anën usai kamina ꞌiti ꞌai kixun ꞌë kanun mi kan.

2 Reyes 25:7

usakin ꞌakin ka an ismainunbi aín bakë bëchikë bëbukama rëtënun ꞌamiakëxa. ꞌAmianan ka Sedequías aín bëru rabë́ ëchitankëxuan manë risin tëkërë kabiankin Babilonianu buánun ꞌamiakëxa.

Jeremías 15:11

Usa ꞌain ka atumi ꞌatimakin sinánxunkë ax asérabi ꞌiti ꞌikën, ꞌën ꞌIbu Dios, ꞌën mi asérabi axa ꞌëmi nishkë unikama ꞌaisama ñu inuti bënëtiabi ñukáxunkëbëma ka mix kikë usaibi ꞌiti ꞌikën.

Jeremías 37:3

Usa ꞌain ka ꞌapu Sedequíasnën Israel uni rabë́, an bana ñuikë Jeremíasbë banatanun xuakëxa, akamax ka Jucal Selemíasnën bakë bëchikë ꞌimainun sacerdote Sofonías Maaseíasnën bakë bëchikë a rabë́ xukin ka ësokian katánun kakëxa: “Nukama kamina Nukën ꞌIbu Dios ñukáxunti ꞌain.”

Jeremías 38:5

Kixun kakëxun ka ꞌapu Sedequíasnënribi atu kakëxa: —Ka kuat, asábi ka, mitsun kuëënkësa okin kamina a uni ꞌati ꞌain. ꞌËn kana uisokin kaina ꞌakatsi usokin ꞌaxuma ꞌanun mitsu kaiman.

Jeremías 52:8

ꞌAínbi ka Babilonianu ꞌikë suntárukaman ꞌapu Sedequías nuibianxun Jericónu ꞌikë me sapan anua nukúkin ñatankin biakëxa. Bitsia ka kamaxunbi aín suntárukaman abati abískin ënkankëxa.

Números 23:17

Kakëx anuaxa kuankë anu kuantëkënkin ka Balaamnën anuxun ñuina xarokë rapasu Moabnu ꞌikë aín kushi kamabë nikë Balac mërakëxa. Mërakëxun ka Balacnën ñukákëxa: —¿Uisakin kara mi Nukën ꞌIbun kax?

Marcos 6:20

Herodías an ami nishquin ꞌamiti ꞌicëbi ca Herodesnën —Juan, ax ca mëní sinánñu ꞌaish upí uni ꞌicë —quixun sinani ami racuë́quin unínma ꞌaia quixun bërúancëxa. Usa ꞌixun ca aín bana uisai cara quia quixun upí oquin cuaquinmabi an bana ñuia cuacëxa. Usa ꞌain ca Herodíasnën Juan ꞌamiama ꞌicën.