Jeremías 36:7 - Kashibo-Kakataibo Biblia

⁷ Usakin mi ꞌaia kuati sinanakin sapika atun ñu ꞌatima ꞌakëkama Nukën ꞌIbu chikinaxunkin ënti ꞌikën. Usa ꞌain ka Nukën ꞌIbu ꞌitsaira nishaxa, usa ꞌain ka usakin unikama ꞌakatsia kikë ax ꞌaisama ñuira atunu ꞌiti ꞌikën.”

Jeremías 36:7 ပူးပေါင်းရင်းမြစ်များ

2 Reyes 22:13

—Anu kuanxun kamina ꞌë ñukáxuanan unikamami ꞌanan kamabi Judánu ꞌikë unikama Dios ñukáxunti ꞌain, ꞌanan kamina kirika kuënëokëa bërí Hilquíasnën mërakë kirika anua kikë banakama ax kara uisai kia ñukati ꞌain; Dios sapi ka nukamami ꞌaisamairai nishia nun chaitiokëkaman ka ënë kirikanu kuënëokë kikësabiokin ꞌakin táma ꞌikën.

2 Reyes 22:17

Atun ka ꞌën kakësokin ꞌakë a ëntankëxun, bëtsi dioskama a rabikin ñu xaroxuanxa, usokin ka ꞌë nishmikin a ñukama uisokin ꞌati kara kuëënia usabiokin ꞌaxa; usa ꞌain kana atumi ꞌaisamaira oi nishin, usa ꞌixun kana ñu ꞌatima ꞌaishia bukunun ënkinma atu ꞌatima oti ꞌain.

Jeremías 1:3

Kanan ka Joaquím Josíasnën bakë bëchikë axa Judánu ꞌapu ꞌikë a baritiakamanribi kakëxa, kanan ka Sedequías Josíasnën bakë bëchikë itsi axa once baritia sënë́ntamainun Judánu ꞌapu ꞌitëkënkëbëtan kakëxa, usa ꞌain ka a barin mapai achúshi ꞌuxë sënë́nkëbëtan Jerusalénnu ꞌikë unikama ami nishkë unikaman atun menu buánkëxa.

Jeremías 19:15

Nukën ꞌIbu kamabi kushiñu Israel unikaman Dios ax ka ësai kia: ꞌËn kana ënë ëma anua ꞌikë unikama këñunbi ꞌëx kikësokinbi tëmëramiti ꞌain. Usa ꞌain kana atun ka aín nuitu iruarakin ꞌën bana kikësabiokin ꞌaisamatania kiaxa Dios kikë ka Jeremíasnën atu ñuixuankëxa.

Jeremías 26:3

Usakinmi kakëxun kuakin sapi ka atun ꞌakë ñu ꞌatimakama a ënti ꞌikën, usakin ënia sapi kana atun ñu ꞌatima ꞌakë kupí tëmëramikin, ꞌën usakin ꞌati sinánkësokin ꞌatima ꞌain.

Jeremías 36:3

A banakama kuakin sapi ka Judánu ꞌikë unikaman ꞌën atunu ñu ꞌaisama ꞌimiti sinánkë a ꞌunánkin, atuan ñu ꞌatima ꞌati sinánkë a ënti ꞌikën, usakin a banakama kuakin ënia kana atun ñu ꞌatima ꞌai ꞌuchakëkama a mëníoxunti ꞌain.” Kiax ka kiakëxa.

Jeremías 37:20

Usa ꞌain kamina bërí ësokin mi kamainun mix ꞌapu ixun, ꞌën mi ñukákësabiokin ꞌë ꞌaxunti ꞌain: Usa ꞌain kamina amiribishi Jonatán an kirika kuënëokë ain, xubunu ꞌë buántëkënun ꞌamitima ꞌain, anuax atuna bamai usa ꞌain.

Daniel 9:13

Kamabi ñu ꞌatimakama nuxnu ꞌinúkë ax ka Moisésnën kuënëo bananu kikësabi oi ꞌia; usa ꞌaínbi kananuna nun mixmi nun Dios ꞌikë mi barikëma ꞌain, ꞌianan kananuna nun ñu ꞌatima ꞌakëkama abi ënkëma ꞌain, ꞌimainun kananuna min bana kikësoibi ꞌikëma ꞌain.

Daniel 9:18

ꞌËn kakëxun kamina mix Dios ꞌixun kuati ꞌain; ꞌupiokin nukama isanan kamina, anuxun min anë rabikë ëma ax kara uisa ꞌikë isti ꞌain. Nun kananuna nux upiti tsóti a kupín mi ñukátima, usa ꞌaínbi kananuna mix nuibanairakë ax chaiira ꞌain mimi katamëkin mi ñukatin.

Oseas 5:15

Usakin ꞌatankëx kana anu ꞌëx ꞌikë anu, atunbia sinanakin kana ꞌucha kixun ꞌë baritamainun kuanti ꞌain. Tëmërai bënë́kin ka atun ꞌë bariti ꞌikën.”

Joel 2:12

“ꞌAinbi ka —bërí asérabi Nukën ꞌIbu ësai kiaxa—, amiribishi kamina mitsun nuitunënbi ꞌëmi asérabi sinanakanti ꞌain. ¡Usai ꞌi kamina añubi piima ꞌianan munuma kuënkëni bënëti inkanti ꞌain!”

Joel 2:13

¡Amiribishi kamina mitsun ꞌIbu Diosmi sinanatëkënti ꞌain, usai ꞌikin kamina mitsun nuitu mëníokati ꞌain, chupa mëníokë usamaira ꞌikën! Usa ꞌaish ka Nukën ꞌIbu ax munu ñu ꞌai bënëtishi nishkëma ꞌianan nuibanankë ꞌikën, usa ꞌain ka ꞌitsaira ax nuibanania, usa ꞌixun ka ꞌatima oisa tankinbi tënëkin uni nuibatia.

Jonás 3:8

ꞌIanan ka kamáxbi chupan mapuanan atun ñuinakamaribi chupan mapukanti ꞌikën, atun ñu ꞌatima ꞌakë a sinani bënë́kin chupa xëni pañuxun ka ami sinánkin Dios aín kushibëtanbi ñukákanti ꞌikën. Usakin ꞌakin ka achúshi achúshi unin bëríbia ꞌatima ñu ꞌakë akama ënkanti ꞌikën;

Deuteronomio 31:16

Usai nirakëan ka anuxun Nukën ꞌIbun Moisés kakëxa: Ënuax ꞌitsama nëtë ꞌikëbë kamina mix ñuti ꞌain, usaími ꞌikëbëtan ka ënë unikaman ꞌën bana kikësabiokin ꞌakima atúan biti me anu ꞌikë unikaman rabikë dios a rabikin ꞌë rabiti ënkin achúshi ñu ꞌën manutima okin atu ꞌaxunkëkama manukin bëtsi ñu ꞌati ꞌikën.

Deuteronomio 31:17

Usai ꞌikëbë xuamati nishkin kana atu ënti ꞌain; ëntankëx kana uisaxbi atumi sinántëkëntima ꞌain, usa aín ka atunu ꞌaisamaira ñu ꞌikëbë atux tëmërai, kananti ꞌikën: ¿Nuxnu ësai tëmërakë ënëx kara mitsun sinánkëx nun Diosnu ënkë kupínnu ꞌikë ꞌik?