Jeremías 36:28 - Kashibo-Kakataibo Biblia

²⁸ “Amiribishi bëtsi kirika tarankë bitëkënxun kamina anu kamabi a painmi kuënëomikë ꞌikëbia ꞌapu Joaquím Judánu ꞌikë an xarokë a banakamabi kuënëonun ꞌamiti ꞌain.

Jeremías 36:28 ပူးပေါင်းရင်းမြစ်များ

Jeremías 36:23

Usa ꞌain ka anuxun Jehudínën iskin rabë́ ꞌimainun achúshi okin ꞌanan rabë́ rabë́ okin anua bana sënë́nkë anu sënë́onkëtibi ka ꞌapun manë xëtokën tëaxun tëaxun tsi rëkirukënu xarátanun ꞌaruakëxa. Usakin ꞌakin ka kirika tarankë kuënëokë a xarokin këñuakëxa.

Jeremías 36:4

Usa ꞌain ka Jeremíasnën Baruc Neríasnën bakë bëchikë a kuëankëxa, kuënkë́xa aia ka kamabi usakin Diosan kakë banakama ñuixuankëxa, ñuixunkëxun ka Barucnën achúshi kirika tarankënu a banakama kuënëokëxa.

Mateo 24:35

Naí, me, acamax ca cëñúti ꞌicën, ꞌaínbi ca ꞌën banaxa nëtë́imoi usabi ꞌain camabi ñu ꞌëx quicësabi oi asérabi ꞌiti ꞌicën.

2 Timoteo 2:13

Axa quicësabi oquinu ꞌacëbëtanmabi ca ax cëmëma ꞌixun asérabi ax quicësabi oquin Nucën Papa Diosan ꞌaia.