Jeremías 36:26 - Kashibo-Kakataibo Biblia

²⁶ Kuaisama tankin ka aín aintsi ꞌibuira Jerahmeel a ꞌimainun bëtsi Israel uni ꞌibuirama, Seraías Azrielnën bakë bëchikë a ꞌimainun Selemías Abdeel ain bakë bëchikë akama, an Dios kikë bana ñuikë Jeremías ꞌimainun an kirika kuënëoxunkë Baruc ñatanun kixun kakëxa. ꞌAínbi ka Nukën ꞌIbunbi a uni rabë́ unëkë ꞌiakëxa.

Jeremías 36:26 ပူးပေါင်းရင်းမြစ်များ

1 Reyes 17:3

“Ënuax kuantankëx kamina amiaxa bari urukë, ami kikiani kuanti ꞌain, kuanx kamina Jordán kakë baka amiaxa bari urukë anu kuantankëx anua ꞌikë Querit, kakë xëxá anu unëax ꞌiti ꞌain.

1 Reyes 17:9

“Bërí kamina nirukiani Sarepta, ëma Sidón kakë ëma ꞌurama ꞌikë anu kuanti ꞌain, anu kuantankëx kamina anu ꞌi bërúti ꞌain. Anua ꞌikë xanu raëmëkë kana, anu ꞌia mi piminun kan.”

1 Reyes 18:4

an ka Jezabelnën aín suntárukama Diosan bana ñuikë unikama ꞌatabakin ꞌamikëbëtan, cien uni timëtankëxun, amo rabë́okin sëtë́natankëxun kini rabë́nu unë́nun ꞌimikin, cincuenta kini itsinu unë́nun ꞌimianan cincuentaribi kini itsinu unë́miakëxa, usoxun ka atu aín piti ꞌinánkëxa.

1 Reyes 19:10

Ësokia kakëxun kuankin ka Elíasnën kakëxa: ꞌËx kana minun rabanan ꞌitsaira bamatisa ꞌinun tëmërain mixmi Dios kamabi kushiñuira ꞌaínbi, Israel unikaman ka atumi manuxuma ꞌanun ka usakin ñu ꞌati ëanxa, ꞌimainun ka anuxun mi rabikin ñuina xaroti akamaribi masóxa, usakin ꞌanan ka an min bana ñuikë unikamaribi atun manë xëtokën ꞌakin këñúaxa. Usa ꞌain kana ꞌëratsushi bërúan, usakin atu ꞌaxunbi ka ꞌëribi ꞌakatsikixun barikania.

1 Reyes 19:14

Kixun kakëxun kuakin ka Elíasnën kakëxa: “ꞌËx kana minun rabanan ꞌitsaira bamatisa ꞌinun tëmërain mix Dios kamabi kushiñuira ꞌaínbi, Israel unikaman ka atubëtan min achúshi ñu ꞌa usakin ꞌati ëanxa, ꞌimainun ka anuxun mi rabikin ñuina xaroti akamaribi masóxa, usokin ꞌakin ka an min bana ñuikë unikamaribi atun manë xëtokën ꞌakin këñúaxa. Usokin ꞌakëbë kana ꞌëshi bërúan, ꞌaínbi ka ꞌëribi ꞌanuxun barikania.”

1 Reyes 22:26

Usakin kaia ka Israelnu ꞌikë ꞌapun Ahab kakëxa: —¡Micaías kamina ñatanbiankin Amón Alcalde Samarianu ꞌikë ꞌimainun ꞌën suntárunën kushi Joás ꞌën bakë bëchikë anu añu kara axa istankëxun mëníonun buánti ꞌain kixun ka kakëxa!

Salmos 105:15

ꞌËn kaískë unikama ꞌatima oxuma ꞌanan kamina an bana ñuikë ꞌën unikamaribi uisabi otima ꞌai kixun ka ꞌapukama kakëxa.

Salmos 121:8

Diosan ka mi bërúankin bërí ꞌananbi xënibua ꞌaínbi, uinu karamina kuani anuabi mi ꞌakinti ꞌikën.

Salmos 27:5

Uínsaran kara anun tëmërati nëtë ꞌia, anun ka Nukën ꞌIbun anuxun rabiti xubunuabi ꞌë bërúanti ꞌikën; usakin ꞌakëx kana a meu ꞌaish an tupëonkëx asábi ꞌiti ꞌain. ¡Usakin ꞌakëx kana mapara kini achúshinu unë́kësa ꞌiti ꞌain!

Salmos 32:7

Min kamina mimi katamëkëxun: ꞌaisama ñu inutiabi ꞌakianan ꞌë bërúain, usa ꞌain kana ꞌëmi ië́mikin ꞌakinkëx kuëëni munuma kantakin mi rabiti ꞌain.

Salmos 91:1

Uix kara Dios kamabi kushiñuira ꞌianan, manámi ꞌikë an bërúankë an ka

Jeremías 1:19

A unikamax ka mibë mëëananti ꞌikën, ꞌixunbi ka mi kanantima ꞌikën, ꞌëx kana mi bërúai mibë ꞌiti ꞌain. ꞌËn kana Dios ꞌixun kakësa okinbi asérabi mi ꞌakinti ꞌain.

Jeremías 2:30

ꞌËn kana ñankáishibi mitsun bakë bëchikëkama tëmëramiakën, atun ka ꞌën bana ꞌunánkin ax kikësokin ꞌaisama tankëxa. Mitsúnbi kamina paru ꞌinúan raëkëma, ꞌain piti bitsi në́kësa usaribi ꞌikin, an ꞌën bana ñuikë unikama ꞌakankën.

Jeremías 26:24

Usa ꞌain ka Ahicam, Safánën bakë bëchikë axribi an bana ñuikë Jeremíasnën rabanan nëëti kiakëxa, kikëbëtan ka an ꞌati unikama ꞌináma ꞌikën.

Jeremías 36:19

Usa ꞌain ka achúshinën Baruc kakëxa: —¡Mi ꞌimainun Jeremías ka uínbi ꞌunántisamanu unëti kuanti ꞌikën!

Jeremías 36:5

Usakin kuënëomitankëxun ka Jeremíasnën Baruc kakëxa: “Ka kuat, ꞌë ka anu kuainsama okin bëarakania usa ꞌain kana anuxun Nukën ꞌIbu rabiti xubunu kuainsa tanibi kuaniman.

Jeremías 38:6

Usokian ꞌapun kakëxun ka Jeremías atun ñatantankëxun kini ëskikë ꞌumpaxñuma anu nampákankëxa, a kinix ka ꞌapun bakë bëchikë Malquías ainan ꞌiakëxa, ax ka anua suntárukama an ëma bëruankë ꞌikë me mëníokë anu ꞌiakëxa. Anua itsin nanpakë ax ka ꞌumpaxñuma ꞌaíshbi me kini anu nisama chua ꞌiakëxa, anu ka Jeremías ënuma sënëni nanë́ax niakëxa.

Juan 11:57

Usa ꞌain ca sacerdotenën cushicamabëtan fariseocamanribi anu ꞌicë unicama —Jesús mëraquin camina nun nu binun nu cati ꞌai —quixun cacë ꞌiacëxa.

Juan 7:32

Ësaía ꞌaisamaira uni Jesús ñui quia ca fariseo unicaman cuacëxa. Cuan ca acamabëtan judíos sacerdotenën cushicaman sipuanuinsa bitánun quixun aín suntárucama xuacëxa.

Juan 8:20

Usaquin ca Jesusan anuxun Nucën Papa Dios rabiti xubunuxun unicama bana ñuixuancëxa, anu curíqui nanti ñu rapasunuxun. Ñuixuncëxunbi ca anúan unin a biti nëtëa ꞌicëma pain ꞌain, achúshira unínbi biáma ꞌicën.

Juan 8:59

Usaquian cacëxuan judíos unicaman anun ꞌacatsi quixun maxax bicëbëbi ca Jesús uni xanpë́scabiani, anuxun Nucën Papa Dios rabiti xubunuax cuancëxa.

Hechos 12:11

Nëtë́cëbë ca upí oquin sinani Pedro quiacëxa: —Asérabi cana bërí ꞌunanin, judíos unicamax cuëëncësabi oquian Heródesnën ꞌë ꞌati ꞌicëbi ca aín ángel xuquin Nucën ꞌIbu Diosan ꞌë ië́miaxa —quixun.