Jeremías 36:24 - Kashibo-Kakataibo Biblia

²⁴ Usokin kamabi kirika iskin ꞌaia kuatíbi ka ꞌapu ꞌimainun aín unikamax rakuëanan masánuituti anun paëama ꞌikën.

Jeremías 36:24 ပူးပေါင်းရင်းမြစ်များ

Génesis 37:29

Usa ꞌain ka Rubén ax aín xukë́n José chikínti sinanx ꞌuxunbi kini ꞌukëmëuküa ꞌaíma okëxa, ꞌaíma oika ratuti sinánkasmai nitë́xëti bëríkarana uisai ꞌiti ꞌai kixun sinani aín chupa tukai masá nuituakëxa.

Génesis 37:34

Usakin atu kai ka Jacob aín chupa tukai nitë́xëti ꞌitsaira iankëxa, aín bëchikë bamakësa sinani.

2 Samuel 1:11

Usokin kakëxun kuati ka David ꞌimainun abë ꞌikë unikama atun chupa anun paëkin tukai,

1 Reyes 21:27

Ësokia Dios kikë bana Elíasnën ñuixunkëxun a banakama kuakin ka Ahabnën aín chupa abi tukai ꞌikiani aín xubunu kuanxun chupa xënira pañutankëx añubi pima a pañukë chupa xënira añabi ꞌuxanan, masá nuitukëishi ꞌaish niakëxa.

Éxodo 7:23

Usakian ꞌaia isíbi ka faraón aín xubunu atun ꞌakë ñu asérabi ka ënë ñukama ꞌikë kixun sinanima kuankëxa,

Jeremías 36:16

usokin ꞌaxunkëxun kuatishi ka ꞌitsaira rakuë́ti bëtsibë bëtsibë isánani kanankankëxa. —Ënë banakama kananuna ꞌapu bënë́kin kati ꞌain.

Jonás 3:6

Usaia ꞌikankë a ka Nínivenu ꞌikë ꞌapun kuakëxa, kuati ka anua tsókë anuax nirukiani kuanxun ax ꞌapu ꞌixuan pañukë chupa a pëtankëxun anribi chupa xëni a pañubiani kuantankëx anua chimapu bukúnkë menu tsóbuakëxa, usai ka Diosan ka ꞌapun ñu ꞌatima ꞌakëkamaribi mëníoxa kixuan ꞌunánun ꞌiakëxa.

Mateo 12:41

Nínive cacë ëmanu ꞌicë unicamax ca ꞌaisama ꞌicëbia Jonásnën Nucën Papa Diosan bana ñuixuncëxun cuati sinanati ami sináncëxa. Jonás ꞌiásamaira cana ꞌëx ꞌain. Usa ꞌicëbi ca ënë nëtënu bucucë unicaman ꞌën bana cuaisama tania. Usa ꞌain ca anúan Nucën Papa Diosan camabi unían ñu ꞌacë isti nëtën, Nínivenu ꞌicë unicaman ënë nëtënu bucucë unicama cati ꞌicën: Mitsun Jesusan bana ñuixuncëxunbi cuacëma ꞌaish camina nux ꞌiásamaira ꞌaisama ꞌai —quixun.

Romanos 3:18

Axa nun cushi ꞌaínbi ca Nucën Papa Diosmi racuë́ti sinaníma.