Jeremías 36:23 - Kashibo-Kakataibo Biblia

²³ Usa ꞌain ka anuxun Jehudínën iskin rabë́ ꞌimainun achúshi okin ꞌanan rabë́ rabë́ okin anua bana sënë́nkë anu sënë́onkëtibi ka ꞌapun manë xëtokën tëaxun tëaxun tsi rëkirukënu xarátanun ꞌaruakëxa. Usakin ꞌakin ka kirika tarankë kuënëokë a xarokin këñuakëxa.

Jeremías 36:23 ပူးပေါင်းရင်းမြစ်များ

1 Reyes 22:27

Kakin ka ꞌën kana sipunu atsíminun xutin kixun kanan, chukúmaratsushi aín piti pán ꞌinánan ꞌumpaxribi chamaratsushi an xëati ꞌinánun kixun kamiakëxa, ꞌëx ꞌakanan kuatsini ꞌën suntárukamabë uisaibi ꞌikëma utëkëntamainun.

1 Reyes 22:8

Kixun kakëxun ka Israel kaman ꞌapun Josafat kakëxa: —Anu ka achúshi aribi uisai kara Nukën ꞌIbu kia ñukátisa ꞌikën. Ax ka Micaías Imlá aín bakë bëchikë ꞌikën. ꞌAínbi kana ꞌën a uni istisama tanin an ka uínsaranbi upí bana kakinma, ꞌatima bana ishi ñuikin ꞌë kaia. Kakëxunbi ka Josafatnën kakëxa: —Usai kamina banatima ꞌain.

Proverbios 1:30

Usai ꞌikin kamina mitsun ꞌën ꞌësëkëxunbi ꞌën bana kuaisama tankin timanan; ꞌën usai ꞌiti mitsu ꞌunánmikë usai ꞌisama tankanin.

Proverbios 13:13

Uin kara kakëxunbi bana kuakinbi ñu ꞌaisama tania ax ka usakin ꞌaxuma anuma kana ꞌia kiax masánuituti insa tani kiti ꞌikën; usa ꞌaínbi ka an kakëxun bana kuakë ax kuni ꞌupitax tsóti kuëënti ꞌikën.

Jeremías 36:2

“Achúshi kirika tarankë anu kuënëokëma bixun kamina kamabi usaía Israel ꞌimainun Judá menu ꞌikë ꞌimainun bëtsi mekamanu ꞌikë unikama ñuikin ꞌën mi kakë banakama kuënëoti ꞌain, kuënëokin kamina anúan Josías ꞌapu ꞌikë anun kakin pëua ꞌixun bëríbi ꞌën mi kakë banakama a kuënëoti ꞌain.

Jeremías 36:27

Usakin Jeremíasnën kakëxuan Barucnën kirika tarankë kuënëokë a ꞌapun në́nkë ꞌain ka Diosan, Jeremías kakëxa:

Jeremías 36:28

“Amiribishi bëtsi kirika tarankë bitëkënxun kamina anu kamabi a painmi kuënëomikë ꞌikëbia ꞌapu Joaquím Judánu ꞌikë an xarokë a banakamabi kuënëonun ꞌamiti ꞌain.

Apocalipsis 22:19

Uicamanribi cara ënë quiricanu ꞌicë Nucën Papa Diosan bana ñuiquinbi bëtsi bëtsi bana —a banax ca ꞌaisama ꞌicë —quiquin a uni ñuixunima, acama ca Nucën Papa Diosan ënë quiricanu cuënëoquin ñuicë Jerusalén ió anu abë ꞌitimoquin ꞌimianan anu ꞌicë quiricanua ꞌicë aín anë a tërë́nti ꞌicën.