Jeremías 36:21 - Kashibo-Kakataibo Biblia

²¹ Rikianxun kakëxun ka ꞌapun Jehudí kirika tarankë anua Elisamá kirika kuënëoi tëëkë anua bitánun xuakëxa, xukëx kuaxun bitsínkin bëxun ka Jehudínën ꞌapu ꞌimainun a rapasu ꞌikë aín unikama kuanun isi kiakëxa.

Jeremías 36:21 ပူးပေါင်းရင်းမြစ်များ

2 Reyes 22:10

Kanan ka Safánën Hilquías mëraxun kirika achúshi ꞌinánkëxa, ꞌinánkëxun buánxun ka Safánën ꞌapu Josíasnën kuamainun isi kiakëxa.

Jeremías 23:28

¡An Dios kikë bana ñuikë unin namáxun ka aín namákë ashi bëtsi ñu ñuikinma ñuiti ꞌikën, ꞌaínbi ka uin kara ꞌën bana ñuia an ꞌën banaishi ñui kiti ꞌikën! Usai ka Nukën ꞌIbu kiakëxa.

Jeremías 26:2

ësokin kakëxa: “Anuxun ꞌë rabiti ꞌën xubunu ꞌikë me mëníokë anu nirakëxun, kamina ꞌën mi kakë banakama axa Judá menu ꞌikë ëmakamanuax anuxun ꞌë rabiti ꞌën xubunu ukë unikama kati ꞌain. Kakin kamina kamabi ꞌën mi kakë banakama a ñuixunkin tëokima kati ꞌain.

Jeremías 36:14

Ñuixunkëxun kuatankëxun ka ꞌapubë tëkë unikaman Jehudínën papa Netaníasnën bakë bëchikë Selemíasnën papa Cusí aín bakë bëchikë a xuakëxa, xukin ka unikaman ismainunbi isi kikë a kirika uania kuanun Baruc katánun kixun kakëxa. Xukëx kuanxun kakëxun kirika tarankë a bibiani kuanx ka atunu Baruc bëbakëxa,

Jeremías 36:15

bëbaia ka atun kakëxa: —Nu rapasu tsóbukin kamina kirika tarankë mi bëkë a nukaman kuanun isi kiti ꞌain. Kakëxun ka Barucnën atu iskin ꞌaxuankëxa,