Jeremías 36:12 - Kashibo-Kakataibo Biblia

¹² usa ꞌain ka a kuabiani ꞌapun xubu anua an kirika kuënëokë uni tëëkë anu kuankëxa, anu ka kamabi axa ꞌapubë tëkë aín kushikama timë́kë ꞌiakëxa: ax ka Elisamá an kirika kuënëokë a ꞌiakëxa, ꞌimainun ka Delaías Semaíasnën bakë bëchikë, Elnatán Acbornën bakë bëchikë, Guemarías Safánën bakë bëchikë; Sedequías Hananíasnën bakë bëchikë, ꞌimainun ꞌapubë tëkë uni raíri akamaribi ꞌiakëxa.

Jeremías 36:12 ပူးပေါင်းရင်းမြစ်များ

2 Reyes 22:12

usakin ꞌakinshi ka Hilquías, ꞌimainun Ahicam Safánën bakë bëchikë akëñun Acbor Micaíasnën bakë bëchikë akëñun Safán an kirika kuënëokë a ꞌimainun ꞌapun suntárunën kushi Asaías akama timë́xun kakëxa:

2 Reyes 22:14

Usakia kakëx ka ꞌain kushibu Hilquías, Ahicam, Acbor, Safán ꞌimainun Asaías, an bana ñuikë Hulda kakë xanu Salum kakë uni aín xanu abë banai rikiankëxa, Salum ain bakë bëchikë Ticvá, Harhás aín xuta ꞌiakëxa, ax ka anuxun Dios rabiti xubunu ꞌikë chupakama anu nankë a bërúankë ꞌiakëxa. Hulda ax ka Jerusalén ëmanuira ꞌima a ꞌuria ꞌikë ëma itsinu tsókë ꞌikë ka anu kuanxun kakankëxa,

2 Reyes 22:3

Dieciocho baritia ꞌapu ꞌikin ka Josíasnën anuxun Dios rabiti xubunu an kirika kuënëokë Safán, Asalíasnën bëchikë Mesulam aín xuta a xunuxunpain. Ësokin kakëxa:

2 Reyes 24:8

Joaquímnën ka dieciocho baritiañu ꞌixun ꞌapu ꞌikin pëuax rabë́ ꞌimainun achúshi ꞌuxëishi Jerusalénnu ꞌapu ꞌiakëxa. Aín titax ka Nehustá kakin anëkë ꞌaish Elnatán Jerusalénnu tsókë uni aín bakë bëchikë ꞌiakëxa.

Jeremías 26:10

Usai ꞌikania ñuia kuati ka, Judánu ꞌikë aín kushibukama ax, anua ꞌapun xubu ꞌikë anuax kuankëxa anuxun Dios rabiti xubu xëkuë ió ꞌikë anu rikiankëxa, anu ka añu kara ꞌakanxa kixun istankëxun mëníoti anu tsóbukankëxa.

Jeremías 26:22

ꞌAínbi ka ꞌapu Joaquímnën Elnatán Acbor aín bakë bëchikë ꞌimainun bëtsi unikama Egipto menu xuakëxa,

Jeremías 26:24

Usa ꞌain ka Ahicam, Safánën bakë bëchikë axribi an bana ñuikë Jeremíasnën rabanan nëëti kiakëxa, kikëbëtan ka an ꞌati unikama ꞌináma ꞌikën.

Jeremías 36:25

Usokin ꞌaia ka Elnatán, Delaías a ꞌimainun Guemarías an munuma banakin ꞌapu kirika kuënëokë tarankë a xaroxuma ꞌanun kakëxa, ꞌaínbi ka atun kakëxun ꞌapun kuaisama tankëxa.

Jeremías 38:4

Usa ꞌain ka aín unikama raírinën ꞌapu kakëxa: —Ënë uni kananuna ꞌati ꞌain, aín bana kuakin ka suntáru axa ëmanu bërúkëkama ꞌimainun kamabi unikama atúnribi bëtsiokin sinania. Ënë unin bana kuati ka suntárukama axa ëmanu bërúkë ꞌimainun kamabi unikama rakuë́tia.