Jeremías 36:10 - Kashibo-Kakataibo Biblia

¹⁰ Usai anu ꞌikankë ꞌain ka anuxun Dios rabiti xubu ꞌukëmëu me mëníokë anun kuanx xëpúti ió kakë anun atsínti anua Israel uni Safán suntárunën kushi aín bëchikë Guemarías ax kirika kuënëoi tëkë manámi anu atsíankëxa, anuxun ka Barucnën kamabi unikaman kuanun kirika tarankënua Jeremíasnën kakëxun kuënëokë banakama a isnun ꞌai kiakëxa.

Jeremías 36:10 ပူးပေါင်းရင်းမြစ်များ

1 Reyes 6:36

Usokin a kamapain ꞌatankëxun ka ëman anu niti me aribi rabë́ ꞌimainun achúshi okin bëtsimi bëtsimi ꞌarukin maxá ramëniokë puruakëxa, ꞌaxun ka kunxan tukapakë a buinarakin a manámi ꞌakë ꞌiakëxa.

2 Reyes 18:37

Usa ꞌain ka Eliaquim an ꞌapun xubunuxun ñu bërúankë a ꞌimainun Sebná an kirika kuënëokë a ꞌianan, an ꞌapu kikëbëtan kirika kuënëokë Joah akaman ꞌatimokin sinani nishkin, atun chupa tukabiani ꞌapu Ezequías isanan usakian Asirionuax ukë suntárunën kushikaman kakë akama ñuixuni kuankëxa.

2 Reyes 22:3

Dieciocho baritia ꞌapu ꞌikin ka Josíasnën anuxun Dios rabiti xubunu an kirika kuënëokë Safán, Asalíasnën bëchikë Mesulam aín xuta a xunuxunpain. Ësokin kakëxa:

Jeremías 26:10

Usai ꞌikania ñuia kuati ka, Judánu ꞌikë aín kushibukama ax, anua ꞌapun xubu ꞌikë anuax kuankëxa anuxun Dios rabiti xubu xëkuë ió ꞌikë anu rikiankëxa, anu ka añu kara ꞌakanxa kixun istankëxun mëníoti anu tsóbukankëxa.

Jeremías 26:24

Usa ꞌain ka Ahicam, Safánën bakë bëchikë axribi an bana ñuikë Jeremíasnën rabanan nëëti kiakëxa, kikëbëtan ka an ꞌati unikama ꞌináma ꞌikën.

Jeremías 36:11

Achúshi uni Micaías kakë Guemaríasnën bakë bëchikë Safánën xuta, an ka Barucnën kirika tarankënua Dios kikë bana kuënëokë a isi kia kuakëxa,

Jeremías 36:25

Usokin ꞌaia ka Elnatán, Delaías a ꞌimainun Guemarías an munuma banakin ꞌapu kirika kuënëokë tarankë a xaroxuma ꞌanun kakëxa, ꞌaínbi ka atun kakëxun ꞌapun kuaisama tankëxa.

Jeremías 36:6

Usa ꞌain kamina mix kuanti ꞌain. Anua piti mëëti nëtë ꞌitëkënkëbë kamina kirika tarankënumi ꞌën kakëxun kuënëokë banakama a anuxun Dios rabiti xubunua timë́kë a ꞌimainun kamabi uni Judá ëma kamanuaxa ënu ukë atun kuanun mitsun ꞌIbun banami kuënëokë ënë min isi kuanti ꞌain.

Jeremías 36:8

Usakin an bana ñuikë Jeremíasnën kakëxun ka Barucnën an kakësabiokin kamabi ꞌakëxa: ꞌaika anuxun Dios rabiti xubunu kuanxun kirika tarankënu kuënëokë Nukën ꞌIbu kikë banakama a unikaman kuanun ꞌisi kiakëxa.

Jeremías 52:25

Bianan ka a ëmanua suntárunën kushi an nikinkë a bianan mapai achúshi ꞌimainun rabë́ uni abëa ꞌapu nikë ꞌimainun an suntáruti uni bikë akama ꞌimainun sesenta uni ñu ꞌunanbu akamaribi a ëmanua biakëxa.