Jeremías 31:6 - Kashibo-Kakataibo Biblia

⁶ Usa ꞌain ka anúan an bërúankë unikama, munuma kuënkëni Efraínnën matákamanuax kiti achúshi nëtë ꞌiti ꞌikën. Mitsux kamina anuxun Nukën ꞌIbu Dios rabi Jerusalénnu kuanti uti ꞌain kiax ka kiti ꞌikën. Ax ka nukaman Dios ꞌikën.”

Jeremías 31:6 ပူးပေါင်းရင်းမြစ်များ

Esdras 1:5

Usa ꞌain ka Judá ꞌimainun Benjamínën rëbúnkinën unikaman kushibu akama ꞌimainun sacerdotekama ꞌianan, levita unikama Diosanbia sinánmikëxua ꞌapun bana ñuikë kuati Jerusalénnua ꞌikë anuxun Nukën ꞌIbu rabiti xubu birukin ꞌatëkëni kuanux kuëëni mëníokakankëxa.

Salmos 84:5

¡Chuámarua ka uikamax kara min ꞌakinkëx kuantankëx, ꞌunánkëma bashi ꞌabiani anuxun mi rabiti xubu anu bëbaia atux ꞌiti ꞌikën!

Isaías 40:9

Sión an upí banakama ñuikë, ax ka aín bashi achúshi chaxkë́ira anu kuaruti ꞌikën. Jerusalén an upí banakama ñuikë, mix kamina kushiira banati ꞌain, Judá menu ꞌikë ëmakamanu ꞌikë unikama aturibi upí bana a ñuixunti ꞌain: ¡Ënu ka mitsun Dios ꞌikë kamina iskanti ꞌain!

Jeremías 31:12

Usakian chikinkëx utankëx ka kuëëni kantai Jerusalénnu ꞌikë matákamanuax kuëënti ꞌikën, usai ꞌia Nukën ꞌIbun ꞌakinkin ñu ꞌinánkëx ka: ꞌitsaira kuëënkanti ꞌikën kuëënika, trigo ꞌimainun uvas baka ꞌakë vino ꞌimainun xëni ꞌianan, ovejakama ꞌimainun vacakamañu ꞌiti ꞌikën. Usa ꞌain ka a unikamax an ië́mikëx amiribishi ꞌain ꞌIbu Diosmi katamëti aín menu tsókë ꞌaish unin aín xubu rapasu ꞌapáxun ꞌupiokin ñu bërúankësa usaribi ꞌaish, amiribishi ñusmatëkënima kushi ꞌikanti ꞌikën.

Jeremías 6:17

Nukën ꞌIbun ka an bërúanti unikama nanxun aín unikama kakëxa: An manë banañu banókë unin banókë a kamina bëmë́kin kuati ꞌain. ꞌAínbi ka unikama kakëxa: Nukaman kananuna a kuaisamatanin:

Ezequiel 3:17

“ꞌËn kana mi, unin bëchikë ꞌikë an bërúankë unisa ꞌixun an Israel unikama bërúanti ꞌimin. Usa ꞌixun kamina usakinmi kanun ꞌën mi kakëxun atun ꞌunánkë ꞌitánun ꞌëx kikë banakama kati ꞌain.

Ezequiel 33:2

“Min kamina min ꞌaintsikama ësakin kati ꞌain: Uínsaran karana ꞌën mitsubë ꞌakánanti bëtsi menu ꞌikë uni xuti anun ka anu ꞌikë unikaman achúshi uni an bërúanti uni bariti ꞌikën.

Oseas 1:11

Usa ꞌain ka Judánu ꞌikë unikama ꞌimainun Israel unikama timë́kë ꞌiti ꞌikën, usa ꞌixun ka achúshi ꞌapuishi anëkanti ꞌikën, usokin ꞌan ka kamabi menu ꞌikë Israel unikama Jerusalénnu timë́kanti ꞌikën. Usakin ꞌimikëbë ka a nëtëkaman Jezreel kakë me sapan anuax ꞌitsaira kuëënti ꞌikën.