Jeremías 31:40 - Kashibo-Kakataibo Biblia

⁴⁰ Kamabi me sapankama anua uni ñuia maínkë a ꞌimainun anua chimapu unin pukë, ꞌimainun kamabi me axa Cedrón kakë xëxá anubi sënënakëkë a ꞌimainun, amiaxa bari urukë anua ꞌikë xëputi ꞌipitiu ꞌikë Caballo kakin anëkë akamaxbi ka ꞌënan ꞌiti ꞌikën, usa ꞌain ka kamabi ënë mekamax uínsaranbi rurupakin ꞌatima okëma a ñukamax ꞌiti ꞌikën.”

Jeremías 31:40 ပူးပေါင်းရင်းမြစ်များ

2 Samuel 15:23

Kuani ka David ꞌimainun abëa kuankë unikama ꞌaisamaira nishi inkiani kuankankëxa. Usai kuani ka kamabi uni Cedrón kakë xëxá a shitakankëxa; usai ꞌikëbëa ꞌapuxribi kuankëbë ka kamabi uni axa kuankëkama ax anu uni ꞌikëma me ami kikiani bain rëkuë́nkiani kuankankëxa.

2 Reyes 23:12

ꞌAnan ka ꞌapu Manasésnën anuxun dioskama rabiti anuxun Nukën ꞌIbu rabiti xubu ꞌikë me mëníokë anu ꞌamia, ꞌimainun bëtsi ꞌapukaman anuxun Dios rabiti xubu kataitsi anua ꞌapu Ahaz ꞌikë a manami ꞌamia akama masónun ꞌamiakëxa; ꞌamikëxun ka sacerdotekama ꞌimainun an xëkuë bëruankë kaman añukama masótankëxun aín rurupakëkama a Cedrón kakë xëxa anu punun ꞌamiakëxa.

2 Reyes 23:6

ꞌAnan ka Jerusalén ëma ꞌuri Aserá tankin ꞌakë Nukën ꞌIbu rabiti xubunu ꞌikë aribi chikinun ꞌamiakëxa, chikintankëxun ka Cedrón kakë xëxa anuxun aín chimapuishi ꞌitanun xarokëxa ꞌatankëxun ka anu uni ñuia maínkë anu abístanun aín chimapu sakakëxa.

Jeremías 1:10

ꞌËn mi bërí ꞌunánmikë bana usakinbi kamina kati ꞌain. Bërí kana usakin ñukama ꞌakin anua ꞌapu ꞌikë ëmakama ꞌimainun bëtsi menu ꞌikë ëmakama, ñankáishi ꞌitánun masókin rurupakin, ꞌatima okin këñutankëxun mi, amiribishi birukin ꞌatëkënun mi kain.

Jeremías 18:7

Usa ꞌain kana ꞌëx kuëënxun achúshi menu ꞌikë ëmakama ꞌanan, anua aín ꞌapukama ꞌikë aribi bënë́kinshi këñunun ꞌimiti ꞌain.

Ezequiel 37:2

Usa ꞌain ka Diosan me sapan anua xo ëskikë ꞌikë, anuax kuaínbëkini nikin xo ꞌaímai ëskikë ꞌaisamaira a isnun ꞌë ismiakëxa.

Ezequiel 37:25

Usokin ꞌai ka ꞌën uni Jacob ꞌinan me anua aín chaitiokëkamaxribi anu tsóa me anuribi tsókanti ꞌikën. A menu ka xënibua ꞌaínbi atu ꞌimainun atun bakë bëchikëkamaribi ꞌimainun atun rëbúnkikamaribi tsóti ꞌikën; usai ꞌimainun ka ꞌën uni David aín rëbúnkinëx xënibua ꞌaínbi atun ꞌapu ꞌiti ꞌikën.

Joel 3:17

Mitsun kamina ꞌunánnuxun ꞌain ꞌëx kana Dios aín bashi Sión kakë anu ꞌi kixun. Jerusalén ax ka achúshi ëma upíira upí ꞌiti ꞌikën: Usa ꞌikë ka uínsaranbi bëtsi menu ꞌikë unikaman bitëkëntima ꞌikën.

Juan 18:1

ꞌËsoquin abë banaquin aín Papa Dios catancëx ca Jesús aín ꞌunánmicë uni mëcën rabë́ ꞌimainun achúshi acama buani Cedrón cacë baca ësquicë, a inubiani ꞌuri anu i ꞌapácë naëratsu, anu cuancëxa.