Jeremías 31:4 - Kashibo-Kakataibo Biblia

⁴ ꞌËn kana amiribishi atun ëma atëkënun amiti ꞌain. Usokin ꞌaxunkëx ka atun manë sharíkati sharíkai ransai kuëënkanti ꞌikën.

Jeremías 31:4 ပူးပေါင်းရင်းမြစ်များ

2 Reyes 19:21

Ënë banakama ka Dios Asirianu ꞌikë ꞌapu ñui kiaxa: Jerusalénnu ꞌikë unikama ax ka xanu xuntaku ꞌikësai mimi kuaia Senaquerib. Jerusalénnu tsókë unikama ax ka mixmi kuainkëbë aín maxká shaíkai mimi kuaia.

Salmos 51:18

Min kamina upíokin Sión kakë me a ꞌati ꞌain ꞌanan kamina Jerusalén; ëma anun kënëara a birutëkënun ꞌamiti ꞌain.

Salmos 69:35

Diosan ka Jerusalénnu ꞌikë unikama ië́mianan Judá ëmakama amiribishi birutëkënkin ꞌanun ꞌamiti ꞌikën. Usakin ꞌakë ꞌain ka min unikamax a ëma ꞌibuai anu tsóti ꞌikën; usai ꞌikin ka min unikaman rëbúnkinën atunanbi ꞌinun a ëmakama biti ꞌikën, ¡Ui unikaman kara min anën mi rabikin mix kikësabiokin ꞌaia atun ka anu tsókin a ëmakama ꞌatëkënti ꞌikën!

Jeremías 1:10

ꞌËn mi bërí ꞌunánmikë bana usakinbi kamina kati ꞌain. Bërí kana usakin ñukama ꞌakin anua ꞌapu ꞌikë ëmakama ꞌimainun bëtsi menu ꞌikë ëmakama, ñankáishi ꞌitánun masókin rurupakin, ꞌatima okin këñutankëxun mi, amiribishi birukin ꞌatëkënun mi kain.

Jeremías 14:17

Usa ꞌain kamina ënë bana ñuikin unikama kati ꞌain: Nëtë ꞌimainun ꞌimë́bi kana ꞌëx ënimaira bëunan mëskuti masánuituti, ꞌën kaískë unikamax ka ꞌain ꞌatima ñuira ꞌakë anunbi ꞌain nami tëakësa ꞌinun ꞌatimaxa.

Jeremías 18:13

Usa ꞌain ka Nukën ꞌIbu ësai kia: Bëtsi bëtsi ëmanu tsókë unikama kamina uin kara usaribiti ñu ꞌia kuaxa kixun ñukáti ꞌain. ¡Israel unikaman ka ꞌaisama ñuira axa!

Jeremías 31:13

Usai ꞌikëbë ka xanu chipash ransai kuëëmainun, uni bënákama axribi ꞌikëbë uni apankama atúxribi usai ꞌi kuëënti ꞌikën. Usai ꞌia nuibakin kana: masá nuitukë a ënia kuëënun ꞌimiti ꞌain, ꞌimianan kana masá nuitutia nitë́xëkë usamaira ꞌinua kuëënun ꞌimiti ꞌain.

Jeremías 31:21

Israel unikama mitsun kamina anúnmi kuankankë mitsun bainu istisabi okin ꞌunánti oti ꞌain: anun kamina mitsun menubi a isëtsini uin kuanti kara kimashi utëkënti ꞌain; anunmi nikan baikama akamina upiokin iskanti ꞌain. ¡Israel unikama mitsux kamina, amiribishi mitsun ëmakamanubi utëkënkanti ꞌain!

Jeremías 31:38

Ka kuat, ësai ka Nukën ꞌIbu asérabi kiakëxa: “Achúshi nëtë ka anun ꞌën ëma ꞌatëkënti nëtë ꞌiti ꞌikën, ꞌakin ka torre Hananel kakë anuxunbi ꞌabianxun aín xëputi ꞌipitiu ꞌikë anubi sënë́onkin ꞌakë ꞌiti ꞌikën.

Amós 5:2

Israel unikama asérabi upíira, upí ax ka xu xanu unibë ꞌikin tankëma axa bënuax kuëëni tsókëma a ꞌunánkëma ꞌaíshbi ꞌakë usairibi ꞌiaxa; usai ꞌika uínsaranbi nirutëkëntima oi pakëakëxa. Usai ꞌika aín menubi rakabuti ñukankëxa, usa ꞌaínbi ka an birutëkënti ꞌaíma ꞌikën.

Amós 9:11

A nëtë ꞌikëbëtan kana ꞌën David ꞌapu ꞌain ꞌasaribiokin Israel unikama ꞌapuñu ꞌinun ꞌimiti ꞌain. ꞌImikin kana kamabi ñukama anu ꞌikë akama ꞌatëkënun ꞌamiti ꞌain,

Lucas 15:23

ꞌAnan camina vaca bacë rëracacë bëxun rëti ꞌain. A pi cananuna cuëënti ꞌain.

Hechos 15:16

Mitsu ꞌaquintëcënquin cana aín rëbúnquinëxa ꞌapuma ꞌaínbi Davidnën rëbúnqui achúshi ꞌapu ꞌimiti ꞌain.