Jeremías 31:38 - Kashibo-Kakataibo Biblia

³⁸ Ka kuat, ësai ka Nukën ꞌIbu asérabi kiakëxa: “Achúshi nëtë ka anun ꞌën ëma ꞌatëkënti nëtë ꞌiti ꞌikën, ꞌakin ka torre Hananel kakë anuxunbi ꞌabianxun aín xëputi ꞌipitiu ꞌikë anubi sënë́onkin ꞌakë ꞌiti ꞌikën.

Jeremías 31:38 ပူးပေါင်းရင်းမြစ်များ

Nehemías 2:17

Kaxumabi kana ꞌën pain istankëxun atu kakën: —Mitsúnbi kamina upíokin ꞌunanin, nux kananuna ꞌaisamaira ñu inuti tëmërain, Jerusalén ëma ënëx ka anun kënëa akama rurupanan aín xëpútikamaribi në́nkan ꞌaish ꞌaisama ꞌikën. Usa ꞌain kananuna anun Jerusalén ëma kënëara ꞌikëa rurupakan ënënu mëníotëkënun kamáxbi timë́kanti ꞌain, numima unikama kuaia usa ꞌain kananuna mëníotëkënti ꞌain.

Isaías 44:28

ꞌËn kana Persianu ꞌikë ꞌapu Ciro a kan: min kamina bërúankësa ꞌixun, min kamina ꞌën kuëënkësokin kamabi ꞌati ꞌain; ꞌianan kana ꞌën Jerusalén kan: mix kamina amiribishi birutëkënkë ꞌiti ꞌain; ꞌimainun ka anuxun ꞌë rabiti xubu aribi ꞌatëkënkë ꞌiti ꞌikën: ꞌAkin ka aín tapúmixun an ñu mëëkë unikaman maxax purutëkënti ꞌikën.”

Jeremías 23:5

Ësai ka Nukën ꞌIbu asérabi kiakëxa: “Ka is achúshi nëtë ka uti ikë, anúan Davidtan rëbúnki ꞌibuira, ax ꞌapu achúshi ñu ꞌunairakë ꞌixun unikama ꞌakinkin, Judá menu ꞌikë unikama ainra upíokin ñu ꞌaia bukunun ꞌakinti ꞌikën, usokëx ka ñu ꞌatima ꞌaíma upiti tsóti ꞌikën.

Jeremías 31:27

Ësai ka Nukën ꞌIbu asérabi kiakëxa: “Ka kuat, kamina kuakanti ꞌain, anun ꞌën uni kaikamë ꞌëomainun ñuinakamaribi ꞌaisamaira Israelnu ꞌimainun Judá menu ꞌimiti achúshi nëtë ka ꞌiti ꞌikën.

Jeremías 31:4

ꞌËn kana amiribishi atun ëma atëkënun amiti ꞌain. Usokin ꞌaxunkëx ka atun manë sharíkati sharíkai ransai kuëënkanti ꞌikën.

Daniel 9:25

Ënë kamina upíokin kuakin min ꞌunánti ꞌain: An kaískë ꞌapu bëbatamainun ka Jerusalén birutëkënkin ꞌatëkënti ꞌikë Dios kiti nëtë ka ꞌiti ꞌikën, siete semana inuti ñui kikë ax ka (cuarenta baritia inuti ñui kikë ꞌikën) ꞌimainun ka Jerusalén ëmanu anun niti baikama ꞌanan anun kënëarakë kënëkama ꞌakë ax sesenta ꞌimainun rabë́ semana ñui kikë ax ka (cuatrocientos treinta y cuatro baritia panáti ñui kikë ꞌikën) ꞌaínbi ka a nëtëkamax anun ꞌitsaira tëmërai masá nuituti ꞌiti ꞌikën.