Jeremías 31:35 - Kashibo-Kakataibo Biblia

³⁵ Nukën ꞌIbu an bari nëtën pë́kati ꞌanan ꞌuxë ꞌispa akamaribi an imë́ pë́kati ꞌá, an ka parúmpapa bëchunia aín bëchun xukirui bananun ꞌimia, aín anë ka Nukën ꞌIbu kamabi kushiñu kakë ꞌikën, ax ka ësai kiakëxa:

Jeremías 31:35 ပူးပေါင်းရင်းမြစ်များ

Job 38:33

¿Min kaina axa naínu ꞌikë ñukama an usai kamina ꞌiti ꞌai kixun ꞌunánmikë a ꞌunanin? ¿Usa ꞌixun kaina min a tanti bana ax kikësabiokin ënë menuxunribi usakinbi ꞌain?

Salmos 148:6

an ka kamabi ñu nëtë xënibua ꞌaínbia usabi ꞌinun, ꞌimianan ax kikësabi oí ꞌiti banakama aribi uínbia bëtsiokin ꞌatëkëntima okin ꞌakëxa.

Salmos 72:17

¡Usa ꞌain ka ꞌapun anë ax manukima usabi okin sinánkë ꞌiti ꞌikën; usa ꞌain ka an ꞌakë ñukama kamaxunbi ꞌunánkë ꞌaish bari këñutisama pain ꞌain an ꞌakë ñukamaxribi këñutima ꞌikën! ¡ꞌIanan ka kamabi menu tsókë unikama a ꞌapu kupín upíokin sinánxunkë ꞌiti ꞌikën! ¡Usa ꞌain ka kamabi menu ꞌikë unikaman ax ka chuámarua tsotia kiax kiti ꞌikën!

Salmos 72:5

¡Usa ꞌain ka a ꞌapux min kakësabiokin ꞌai baribëa ꞌuxë këñutisamapan ꞌain xënibua ꞌaínbi tsóti mimi rakuë́ti ꞌikën!

Salmos 89:2

ꞌIanan kana munuma banakin min uni nuibakë ax ka këñutima okimi ꞌá ꞌikë kixun ñuianan; mix kamina usa ꞌai kixun ñuikë ax ka naíkamë ꞌëo usaribi bëtsiokëma usabi okin ñuikë ꞌiti ꞌikën.

Isaías 54:5

ꞌianan ka an mi unio an aín xanusa ꞌikë mi biti ꞌikën. Aín anëx ka Nukën ꞌIbu kamabi kushiñuira ꞌikën; ax ka an mi bitëkënti Israel unikaman Dios upíira a ꞌikën, ꞌianan ka Dios kamabi me an unio a ꞌikën.

Isaías 63:12

¿Uinu kara aín kushin Moisés ꞌakian ax ꞌik? ¿Uinu kara aín unikaman ismainun parúmpapa panarabënun uinsaranbi nëtë́tima okin ꞌimia ax ꞌit?

Oseas 13:14

¿Usa ꞌaish kaina anu uni ñukë maínti kini anuax ië́kanti ꞌain? ¿Bamati anuax kaina ië́kë ꞌiti ꞌain? Bamati, ¡min kushibëbi uxun kamina ënë ëma këñuti ꞌain!”

Amós 9:8

ꞌËn kana ënë ëmanu ꞌikë unikama ꞌuchañu isan, usa ꞌain kana ësai kin: “ꞌËn kana ënë menua atu këñuti ꞌain, usa ꞌaínbi kana Jacobnën rëbúnkikama kamaira këñutima ꞌain. ꞌËx Dios ꞌaish kana, ësai kin.

Mateo 5:45

Usaquin ꞌacë ꞌaish camina asérabi mitsun Papa Dios axa naínu ꞌicë an sináncësabi oquin sináncë ꞌain. An ca camabi uni, upí uni ꞌimainun upíma uni aribia pëcanun bari urumianan camabi unin ñu ꞌapácë chabónun ꞌuíribi ꞌibúmia. Usaribi oquin camina camabi uniribi nuibaquin ꞌaquinti ꞌain.

Deuteronomio 4:19

ꞌImainun kamina manámi bësukin naínua iskin bari, ꞌuxë ꞌispakama, ꞌimainun uisa ñukama kara anu ꞌikë akama iskin a ñukama rabiti sinántima ꞌain, Diosan ka uisa ñu kara anu ꞌikë abi kamabi uninan ꞌinun uniokëxa.