Jeremías 31:30 - Kashibo-Kakataibo Biblia

³⁰ ꞌAínbi ka uin kara uvas kachakë piaxa, ax aín xëta xëmanxëti ꞌikën. Usa ꞌain ka achúshi achúshi uni uix kara ꞌuchaia ax aín ꞌuchakë anunbi bamati ꞌikën. Kiax ka kiakëxa.

Jeremías 31:30 ပူးပေါင်းရင်းမြစ်များ

Ezequiel 18:20

Usa ꞌain ka uix kara ꞌuchaia axëshi ñukë ꞌiti ꞌikën. Usa ꞌain ka aín bakë bëchikënëx aín papa ꞌuchakama kupín tëmëratima ꞌikën, ꞌimainun ka ain paparibi aín bakë bëchikënën ꞌuchakama kupín tëmëratima ꞌikën. Usa ꞌain ka uni upíkama an upíokin ñu ꞌakë ꞌixun a ꞌinánti ñu a biti ꞌikën; ꞌimainun kana ꞌatima sinánñu unikama aribi ꞌatimokin sinánkin ñu ꞌakë ꞌikë ꞌatimoti ꞌain.

Ezequiel 18:4

Kamabi unix ka ꞌën bërúankë ꞌikën, usa ꞌain ka uni ꞌimainun aín bakë bëchikëkama ꞌën bërúankë ꞌikën. Usa ꞌain ka uix kara ꞌuchaia ax bamati ꞌikën.

Ezequiel 3:24

ꞌaínbi ka Diosan Bëru Ñunshinan ꞌënu ukin nirunun ꞌë ꞌimiaxa. ꞌImikëx niruia ka Diosan ësakin ꞌë kaxa: “Min xubunu kuantankëx kamina anu xëpúakati ꞌain.

Ezequiel 33:13

ꞌËn kana an ñu upí ꞌakë uni achúshi upitia tsónun kati ꞌain, usakin kakëx upiti tsókima ka anbi kuëënkin ñu ꞌatima ꞌati ꞌikën, usakin ꞌakëbëtan kana an ꞌakë ñu upíkama a upíokin ka an ñu ꞌaxa kixun sinántima ꞌain, usa ꞌain ka an ñu ꞌatima ꞌakë anunbi bamati ꞌikën.

Ezequiel 33:18

Uni upí an ñu upíokin ꞌakë ꞌixunbi a ënkin ñu ꞌatima ꞌai ka anunbi bamakë ꞌiti ꞌikën.

Ezequiel 33:8

ꞌËx kana uni ꞌatima sinánñu achúshi ka bamati ꞌikë kiax kiti ꞌain; ax ka asábi ꞌikën, usa ꞌaínbi kamina min abë banakin aín tsóti mëníokanun kati ꞌain, usakin kakëxubi ka a unin min kakë bana kuatima ꞌikën, usai ꞌika a uni aín ꞌuchakë anunbi bamati ꞌikën, usa ꞌaínbi kana ꞌën mi a uni bamakëbëtan uisa kupí kara a uni bamaxa kixun mi ñukáti ꞌain.

Gálatas 6:5

Cristonan ꞌixun ca unin uisa cara aín sinan ꞌicë quixun sinánan uisa ñu cara ꞌati ꞌicë quixun anbi sinánti ꞌicën.

Deuteronomio 24:16

Uinu ꞌikë papaxbi ka aín bëchikënën ꞌatima ñu ꞌai ꞌuchakë kupín ꞌatima okë ꞌitima ꞌikën, ꞌimainun ka aín bëchikënëxribi aín papan ꞌuchakë kupínribi atima okë ꞌitima ꞌikën, usa ꞌain ka achúshi achúshi unix ñu ꞌatima ꞌaia ꞌuchakë kupí ñukë ꞌiti ꞌikën.

Santiago 1:15

Usaquian sináncë cupí ca unin ñu ꞌatima ꞌaia. Ñu ꞌatima ënquinma amiribi amiribi ꞌai ꞌuchacë cupí ca bamai Nucën Papa Diosbë ꞌitima ꞌicën.